Biləsuvar Rayon Məhkəməsi Qərar — İş №3(022)-850/2023

Azərbaycan Respublikası adından QƏRAR Biləsuvar rayonu İş № 3(022)-850/2023 09.08.2023 BİLƏSUVAR RAYON MƏHKƏMƏSİ Mən, Biləsuvar Rayon Məhkəməsinin hakimi X4, Məsləhətçi (İclas katibi) Abdullazadə Həsən Abdulla oğlunun katibliyi ilə, inzibati xəta haqqında protokolu tərtib etmiş Biləsuvar RPŞ Səmədabad PB-nin polis sahə rəisi X6, barəsində inzibati xəta haqqında iş üzrə icraat aparılan şəxs Şəxs və zərərçəkmiş şəxs X1 iştirakları ilə xx.xx.1999-cu ildə Biləsuvar rayonunda anadan olmuş, Azərbaycan Respublikası vətəndaşı, orta təhsilli, subay, il ərzində inzibati tənbehi olmayan, Biləsuvar rayonu Nəsimi kəndində qeydiyyatda olan və yaşayan Şəxs barəsində Biləsuvar Rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq MÜƏYYƏN ETDİM: Azərbaycan Respublikası Daxili İşlər Nazirliyinin Biləsuvar RPŞ Səmədabad PB-in polis sahə rəisi polis leytenantı X9 tərəfindən tərtib edilmiş 09 avqust 2023-cü il tarixli MN seriyalı ******* saylı inzibati xəta haqqında protokola əsasən Şəxs şəxsi münasibətlər zəmnində həmkəndlisi X3 vuraraq xəsarət yetirmişdir. Məhkəmə iclasında Şəxs inzibati xəta haqqında protokolda göstərilən xüsusatları etiraf edərək göstərmişdir ki, barəsində şikayət edən X5 ilə həmkəndlidir. Hazırda o, zərərçəkmiş şəxsdən üzr istəməklə və ona dəymiş ziyanı ödəməklə onunla barışıq əldə etmişdir. Odur ki, barəsində olan inzibati xəta haqqında iş üzrə icraata xitam verilməsini məhkəmədən xahiş etmişdir. Məhkəmə iclasında zərərçəkmiş şəxs qismində dindirilmiş X5 göstərmişdir ki, Şəxs onunla mübahisə edərək ona xəsarət yetirmişdir. Hazırda Şəxs ona dəymiş ziyanı ödəmiş və onunla barışmışdır. Şəxs hal-hazırda hər hansı şikayəti yoxdur. Şəxs barəsində olan inzibati xəta haqqında iş üzrə icraata xitam verilməsini məhkəmədən xahiş etmişdir. İnzibati xəta haqqında protokolu tərtib etmiş Biləsuvar RPŞ Səmədabad PB-in polis sahə rəisi polis leytenantı X9 da iş üzrə qanuni qərar qəbul edilməsini xahiş etmişdir. İş materiallarında olan «cinayət işinin başlanmasının rədd edilməsi haqqında» 03 iyul 2023-cü il tarixli qərardan görünür ki, cinayət tərkibi olmadığına görə Biləsuvar Rayon Polis Şöbəsinin icraatında olan materiallar üzrə cinayət işi başlanması rədd olunmuş, Şəxs əməlində Azərbaycan Respublikası İnzibati Xətalar Məcəlləsinin 157-ci maddəsinin tərkibi olduğuna görə inzibati məsuliyyətə cəlb edilməsi üçün qərarın surəti Biləsuvar Rayon Polis X8 Bölməsinə göndərilmişdir. İş materiallarında olan Azərbaycan Respublikası Səhiyyə Nazirliyi Məhkəmə-Tibbi Ekspertiza və X7 Publik hüquqi şəxsin xx.xx.2023-cü il tarixli 435 saylı rəyində X2 burunun sol yan səthində qançıq və qarının sol yarısının ön divarında kəsilmiş səthi yaraların müəyyən olunduğu, müəyyən olunan xəsarətlərdən qançırın bərk küt əşyanın (ola bilər ki, yumruğun), kəsilmiş səthi yaraların isə kəsici əşyanın (ola bilər ki, bıçağın) təsirindən törəndiyi, törənmə müddətinin qərarda qeyd olunan xx.xx.2023-cü il tarixə uyğun gəldiyi və sağlamlığa zərər vurmayan xəsarətlər olduğu üçün dərəcələrinin təyin edilmədiyi göstərilmişdir. İnzibati xəta haqqında işin materiallarını tədqiq edərək, barəsində inzibati xəta haqqında iş üzrə icraat aparılan şəxsi, zərərçəkmiş şəxsi dinləyərək hesab edirəm ki, toplanmış sübutlarla Şəxs inzibati xəta törətməsində təqsiri sübuta yetir, lakin tərəflər barışdığı üçün Şəxs barəsində olan inzibati xəta haqqında material üzrə icraata xitam verilməlidir. Belə ki, İXM-in 39-cu madəsinin tələbinə görə həmin Məcəllənin 157 və 158-ci maddələrində nəzərdə tutulmuş inzibati xəta haqqında iş üzrə icraata zərərçəkmiş şəxslə barəsində inzibati xəta haqqında iş üzrə icraat aparılan şəxs barışdıqda, xitam verilir. İXM-in 53.0.2-ci maddəsinin tələbinə görə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İXM-in 53.0.9-cu maddəsinin tələbinə görə həmin Məcəllənin 157 və 158-ci maddələrində nəzərdə tutulmuş inzibati xətanı törətmiş şəxs zərər çəkmiş şəxslə barışdıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İXM-in 105.1-ci madəsinin tələbinə görə bu Məcəlllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və İXM-in 39, 105, 114-115, 117 və 128-130-cu maddələrini rəhbər tutaraq məhkəmə QƏRARA ALDİM: Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə olan inzibati xəta haqqında iş üzrə icraata barəsində inzibati xəta haqqında iş üzrə icraat aparılan şəxs zərərçəkmiş şəxslə barışıq əldə etdiyinə görə Azərbaycan Respublikası İnzibati Xətalar Məcəlləsinin 53.0.9-cu maddəsinə əsasən xitam verilsin. Qərardan 10 gün müddətində Biləsuvar Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayət və ya protesti verilə bilər. X12