Qazax Rayon Məhkəməsi Qərar — İş №3(023)-147/2024

Azərbaycan Respublikası adından QƏRAR Qazax rayon İş № 3(023)-147/2024 24.05.2024 QAZAX RAYON MƏHKƏMƏSİ Hakim Musayev Nemət Əlimusa oğlunun sədrliyi, Çobanova Elmiaz Zarif qızının katibliyi ilə, Zərərçəkmiş şəxs (tələbkar) Zərərçəkmiş şəxs nümayəndəsi Nümayəndə Məhəmməd qızı, Barəsində inzibati xəta haqqında icraat aparılan şəxs (borclu) Şəxs, İnzibati xəta haqqında protokolu tərtib etmiş şəxs Qazax Rayon İcra və Probasiya Şöbəsinin icra məmuru X2 iştirakları ilə, xx.xx.1964-cü il tarixdə Qazax şəhərində anadan olmuş, Azərbaycan Respublikasının vətəndaşı, evli, işləməyən, Qazax şəhəri N.Nərimanov qəsəbəsi, ev 18-də yaşayan Şəxsnın Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətməsinə dair Qazax Rayon İcra və Probasiya Şöbəsindən daxil olmuş materiala açıq məhkəmə iclasında baxaraq, müəyyənetdi: Qazax Rayon İcra və Probasiya Şöbəsinin icra məmuru X3 tərəfindən Şəxsnın barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanın törədilməsinə dair protokol tərtib edilərək baxılması üçün Qazax Rayon Məhkəməsinə göndərilmişdir. Məhkəmə iclasında Qazax Rayon İcra və Probasiya Şöbəsinin icra məmuru X3 izahatında bildirdi ki, Qazax Rayon Məhkəməsinin 31 mart 2022-ci il tarixli 2(023)- 412/2022 nömrəli icra vərəqəsinə əsasən Şəxs 3047.22 ABŞ dolları qətnamənin icra olunacaq günə müəyyən olunacaq məzənnəyə uyğun manatla tutulmuş 20 manat dövlət rüsumu və ödənilmiş 72.80 dövlət rüsumu alınaraq X1 ödənilməlidir. İcra vərəqələrinin icrasını təmin etmək məqsədilə borclu Şəxs tələbin könüllü icrası barədə bildiriş və inzibati məsuliyyətə cəlb olunacağı barədə xəbərdarlıqlar verilməsinə baxmayaraq o, borcunu ödəməkdən üzrsüz səbəbdən yayınmışdır. Borclu Şəxsnın gəlir məlumatları, əmlak vəziyyətinin yoxlanması ilə bağlı müvafiq sorğular verilmiş və adına hər-hansı bir əmlak aşkar edilməmişdir. Qətnamə qəbul edildiyi tarixdə bu günə qədər borc məbləği 2830 AZN-dir. Hal-hazırda borclu həmin borcdan məhkəmə iclas zalında tələbkar Zərərçəkmiş şəxs nümayəndəsi Nümayəndə Məhəmməd qızı 700 manat ödəniş etmişdir. Buna baxmayaraq tələbkar yaranmış borcu tam şəkildə ödənilməsini tələb edir. Qeyd olunanları nəzərə alaraq, borclunun barəsində qanuna müvafiq qərar qəbul edilməsini xahiş edir. Məhkəmə iclasında barəsində inzibati xəta haqqında icraat aparılan Şəxs izahatında bildirdi ki, məhkəmə qətnaməsi ilə müəyyən olunmuş borcunu inkar etmir. Hər ay mütəmadi olaraq ödənişlər etmiş amma son 1 il ərzində ödənişlərində müəyyən cətinlikləri yaranmışdır. Lakin hal-hazırda borcundan 700 manat ödəniş edə biləcəyini bildirmişdir. Qeyd olunanları nəzərə alaraq, onun barəsində qanunamüvafiq qərar qəbul edilməsini xahiş edir. Məhkəmə iclasında zərər çəkmiş şəxs Zərərçəkmiş şəxs nümayəndəsi Nümayəndə Məhəmməd qızı izahatında bildirdi ki, Qazax Rayon Məhkəməsinin 31 mart 2022-ci il tarixli 2(023)-412/2022 nömrəli icra vərəqəsinə əsasən Şəxs 3047.22 ABŞ dolları qətnamənin icra olunacaq günə müəyyən olunacaq məzənnəyə uyğun manatla tutulmuş 20 manat dövlət rüsumu və ödənilmiş 72.80 dövlət rüsumu alınaraq X1 ödənilməlidir. Bu günə qalıq 2800 manat borcu qalmışdır. Borcundan məhkəmə iclas zalında 700 manat ödəniş etmiş və 2100 manat borcu qalmışdır. Qeyd olunanları nəzərə alaraq, Şəxs barəsində qanunamüvafiq qərar qəbul edilməsini xahiş edir. Məhkəmə iş materiallarına, toplanmış və məhkəmədə tədqiq olunmuş sübutlara, tərəflərin izahatlarına məcmu halda qiymət verərək belə hesab edir ki, hazırki məhkəmə araşdırması zamanı Şəxsnın əməlində Azərbaycan Respublikası İXM-nin 528.1-ci maddəsində nəzərdə tutulan inzibati xəta tərkibinin olması sübuta yetirilməmişdir. Belə ki, Qazax Rayon Məhkəməsinin 31 mart 2022-ci il tarixli 2(023)-412/2022 nömrəli icra vərəqəsinə əsasən Şəxs 3047.22 ABŞ dolları qətnamənin icra olunacaq günə müəyyən olunacaq məzənnəyə uyğun manatla tutulmuş 20 manat dövlət rüsumu və ödənilmiş 72.80 dövlət rüsumu alınaraq X1 ödənilməsi qət edilmişdir. Həmin icra sənədlərinin icrasını təmin etmək məqsədi ilə icra məmuru tərəfindən borclu Şəxs tələbin könüllü icra etməsi üçün bildiriş və inzibati məsuliyyətə cəlb ediləcəyi barədə xəbərdarlıq məktubları təqdim edilmişdir. Azərbaycan Respublikası İXM-nin 528.1-ci maddəsinə əsasən məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə məsuliyyət nəzərdə tutur. Qanunun mənasına görə Azərbaycan Respublikası İnzibati Xətalar Məcəlləsinin 528.1-ci maddəsi ilə məsuliyyət o vaxt yaranır ki, borclu məhkəmə qərarının icrası ilə əlaqədar icra məmurunun qanuni tələblərini və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə məcbur edən icra sənədini üzrsüz səbəbdən icra etməsin. İcra etməmə isə o halda üzrsüz olur ki, borclunun məhkəmə qərarının icrası üçün faktiki imkanlarının müəyyən edildiyi halda o, məhkəmə aktının tələbini icra etmir və ya məhkəmə aktlarının icrasını mümkünsüz etməyə yönələn hərəkətlərini davam etdirir. Məhkəmə iclasında təqdim edilmiş Zərərçəkmiş şəxs nümayəndəsi Nümayəndə Məhəmməd qızı tərəfində xx.xx.2024-cü il tarixdə Qazax Rayon İcra və Probasiya Şöbəsinə təqdim etmiş ərizəsindən görünür ki, Şəxs 2800 manat borcu qalmışdır. Məhkəmə iclasında təqdim edilmiş Zərərçəkmiş şəxs nümayəndəsi Nümayəndə Məhəmməd qızı tərəfində xx.xx.2024-cü il tarixli qəbzin surətindən görünür ki, Şəxs 700 manat ödəniş etmişdir. Göründüyü kimi, Şəxs məhkəmə qətnaməsi ilə müəyyən edilmiş müxtəlif tarixdə olmaqla maddi imkanının yol verdiyi həddə ödənilməsinə çalışmışdır. Beləliklə, işin qeyd olunan hallarını nəzərə alaraq məhkəmə hesab edir ki, hazırki halda Şəxsnın əməlində icra sənədini üzrsüz səbəbdən icra etməməsi halı müəyyən edilmədiyindən, məhkəmə qərarının icra edilməməsi ilə əlaqədar onun inzibati məsuliyyətə cəlb edilməsi əsassızdır. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-nin 53.0.2-ci maddəsinə əsasən inzibati xəta tərkibi olmadıqda, inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105-ci maddəsinə əsasən Azərbaycan Respublikasının İXM-nin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsaslanaraq və İnzibati Xətalar Məcəlləsinin 53, 114 və 115ci maddələrini rəhbər tutaraq, məhkəmə q ə r a r a a l d ı: Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata xitam verilsin. Qərardan rəsmi qaydada verildiyi gündən 10 (on) gün müddətində Qazax Rayon Məhkəməsi vasitəsi ilə və ya birbaşa Gəncə Apelyasiya Məhkəməsinə şikayət verilə bilər. Sədrlik edən: Nemət Musayev