Qazax Rayon Məhkəməsi Qərar — İş №3(023)-15/2024

Azərbaycan Respublikası adından QƏRAR Qazax rayon İş № 3(023)-15/2024 11.01.2024 QAZAX RAYON MƏHKƏMƏSİ X6 Akif oğlunun sədrliyi, Hümmətov Anar Fərmayıl oğlunun katibliyi, Barəsində inzibati icraat aparılan şəxs Şəxs və İnzibati xəta haqqında protokolu tərtib etmiş Qazax Rayon İcra və Probasiya Şöbəsinin icra məmuru X3 iştirakları ilə, xx xxxxxx 1964-cü il tarixdə Qazax rayonu Canallı kəndində anadan olmuş, Azərbaycan Respublikasının vətəndaşı, subay, orta təhsilli, Qazax rayonu Canallı kəndində qeydiyyatda olmaqla yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsinə dair Qazax Rayon İcra və Probasiya Şöbəsindən daxil olmuş materiala açıq məhkəmə iclasında baxaraq, məhkəmə müəyyən etdi: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsinə dair Qazax Rayon İcra və Probasiya Şöbəsində tərtib edilmiş inzibati xəta haqqında protokol və ona əlavə edilmiş sənədlər baxılması üçün 11 yanvar 2024-cü il tarixdə Qazax Rayon Məhkəməsinə göndərilmişdir. Qazax Rayon İcra və Probasiya Şöbəsinin icra məmuru X4 tərəfindən tərtib edilmiş xx.xx.2024-cü il tarixli MN ******* nömrəli inzibati xəta haqqında protokolda və ona əlavə edilmiş sənədlərdə göstərilmişdir ki, Şəxs Gəncə Apellyasiya Məhkəməsinin 2(104)-24/22 saylı, xx.xx.2022-ci il tarixli icra vərəqəsinə əsasən iddiaçı X2 tərəfindən verilmiş apellyasiya şikayəti qismən təmin edilmiş, Qazax Rayon Məhkəməsinin xx.xx.2018-ci il tarixli, 2(023)- 278/2018 saylı qətnaməsi qismən iddianın təmin edilməmiş birgə nikah dövründə malqaranın saxlanılması üçün inşa edilmiş tövlənin tikintisinə çəkilmiş xərcdə payının müəyyən edilməsindən imtina edilməsi hissəsində ləğv edilmiş və ləğv edilmiş həmin hissədə yeni qətnamə çıxarılmış, iddiaçı X1 cavabdeh Şəxs ilə birgə nikah dövründə inşa etdikləri tövlənin 2623,60 manat təşkil edən dəyərinin yarısı-1311,80 (bir min üç yüz on bir manat səksən qəpik) manat pul (ümumlikdə 5246,80 manat) cavabdeh Şəxs X1 xeyrinə tutulmuşdur, həmçinin ekspertiza xərci olan 100 (bir yüz) manat məbləğində pul cavcabdeh Şəxs alınaraq Məhkəmə Ekspertiza Mərkəzinə ödənilməsi qət edilmişdir. İcra sənədinin icrası təmin etmək məqsədi ilə borclu Şəxs tələbin könüllü icra etməsi üçün bildiriş və inzibati məsuliyyətə veriləcəyi barədə xəbərdarlıq borcluya təqdim edilmişdir. Borclu Şəxs icra sənədi üzrə icra məmurunun qanuni tələblərinin yerinə yetirmir. İcra sənədi üzrə zəruri icra tədbirləri görülmüş və bununlada borclu, borcunu qanunla müəyyən edilmiş müddətə ödəməkdən boyun qaçırmaqla təqsirlidir. Məhkəmə iclasında Qazax Rayon İcra və Probasiya Şöbəsinin icra məmuru X4 izahatında bildirdi ki, icra sənədinin icrasını təmin etmək məqsədi ilə borcluya tələbin könüllü icrası barədə bildiriş və inzibati məsuliyyətə cəlb olunacağı barədə xəbərdarlıqlar təqdim edilmiş, borcun ödənilməsi tələb edilmiş, lakin borclu icra sənədində göstərilən borcunu vaxtıvaxtında ödəmir. Onun hazırda 4806 manat borcu mövcuddur. Borclu Şəxs əməli Azərbaycan Respublikası İXM-in 528.1-ci maddəsi ilə nəzərdə tutulan inzibati məsuliyyət yaratdığından, onun barəsində müvafiq protokol tərtib edilərək baxılması üçün məhkəməyə göndərilmişdir. Məhkəmə iclasında barəsində inzibati xəta haqqında icraat aparılan Şəxs izahatında bildirdi ki, məhkəmə qətnaməsi ilə müəyyən edilmiş borcunu inkar etmir. Borcunu ödəmək niyyətindədir. Hər ay 80 manat təqüd alır, öz razılığı ilə həmin təqaüd tam şəkildə hazırki borcuna tutulur. Bundan başqa tələbkara təklif etmişdir ki, hər ay 200 manat ödəməyə imkanı çatır. Lakin tələbkar razı olmamışdır. O, məhkəmə qətnaməsinin icrasından qəsdən yayınmır. Maddi imkanın yol verdiyi həddə həmişə borcunu ödəməyə çalışmışdır. Qalıq borcundan hazırda 500 manat ödəyir. Yerdə qalan borcu isə qısa müddətdə ödəyəcəkdir. Odur ki, qeyd edilənləri nəzərə alaraq, onun barəsində başlanmış inzibati xəta haqqında icraata xitam verilməsini xahiş edir. Məhkəmə, iş materiallarına və proses iştirakçılarının izahatlarına məcmu halda qiymət verərək hesab edir ki, məhkəmə araşdırması zamanı Şəxs əməlində Azərbaycan Respublikası İXM-in 528.1-ci maddəsində nəzərdə tutulan inzibati xəta tərkibinin olması sübuta yetirilməmişdir. Belə ki, iş materiallarında olan Gəncə Apellyasiya Məhkəməsinin 2(104)-24/22 saylı, xx.xx.2022-ci il tarixli icra vərəqəsindən görünür ki, iddiaçı X2 tərəfindən verilmiş apellyasiya şikayəti qismən təmin edilmiş, Qazax Rayon Məhkəməsinin xx.xx.2018-ci il tarixli, 2(023)- 278/2018 saylı qətnaməsi qismən iddianın təmin edilməmiş birgə nikah dövründə malqaranın saxlanılması üçün inşa edilmiş tövlənin tikintisinə çəkilmiş xərcdə payının müəyyən edilməsindən imtina edilməsi hissəsində ləğv edilmiş və ləğv edilmiş həmin hissədə yeni qətnamə çıxarılmış, iddiaçı X1 cavabdeh Şəxs ilə birgə nikah dövründə inşa etdikləri tövlənin 2623,60 manat təşkil edən dəyərinin yarısı-1311,80 (bir min üç yüz on bir manat səksən qəpik) manat pul (ümumlikdə 5246,80 manat) cavabdeh Şəxs X1 xeyrinə tutulmuşdur, həmçinin ekspertiza xərci olan 100 (bir yüz) manat məbləğində pul cavcabdeh Şəxs alınaraq Məhkəmə Ekspertiza Mərkəzinə ödənilməsi qət edilmişdir. Azərbaycan Respublikası İXM-nin 528.1-ci maddəsində məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə məsuliyyət nəzərdə tutur. Qanunun mənasına görə Azərbaycan Respublikası İnzibati Xətalar Məcəlləsinin 528.1-ci maddəsi ilə məsuliyyət o vaxt yaranır ki, borclu məhkəmə qərarının icrası ilə əlaqədar icra məmurunun qanuni tələblərini və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə məcbur edən icra sənədini üzrsüz səbəbdən icra etməsin. İcra etməmə isə o halda üzrsüz olur ki, borclunun məhkəmə qərarının icrası üçün faktiki imkanlarının müəyyən edildiyi halda o, məhkəmə aktının tələbini icra etmir və ya məhkəmə aktlarının icrasını mümkünsüz etməyə yönələn hərəkətlərini davam etdirir. Borclu Şəxs məhkəməyə təqdim etdiyi xx.xx.2024-cü il tarixli, 11723 saylı ödəniş qəbzindən görünür ki, Şəxs tərəfindən 500 manat ödəniş edilmişdir. Proses iştirakçılarının məhkəmə iclasında verdiyi izahatlarından və icra işinə əlavə edilmiş sənədlərdən aydın olur ki, icra sənədinin icraya yönəldildiyi vaxtdan etibarən borclu borcunun ödənilməsinə laqeydlik göstərməmiş, maddi imkanın yol verdiyi həddə borcunu ödəməyə çalışmışdır. Belə ki, borclunun aldığı 80 manat təqaüd hər ay öz razılığı ilə borcuna tutulur, bundan başqa hər ay 80 manatdan əlavə 200 manat ödəməyə razıdır. Həmçinin borclu xx.xx.2024-cü il tarixdə borcundan 500 manat ödəmişdir. Beləliklə, işin qeyd olunan hallarını nəzərə alaraq məhkəmə hesab edir ki, borclu icra sənədinin icrasından qəsdən yayınmır, mütamadi olaraq ödəniş edir, hazırki halda Şəxs əməlində icra sənədini üzrsüz səbəbdən, həmçinin qəzəli şəkildə qəsdən icra etməməsi halı müəyyən edilmədiyindən, məhkəmə qərarının icra edilməməsi ilə əlaqədar onun inzibati məsuliyyətə cəlb edilməsi əsassızdır. Azərbaycan Respublikası İXM-in 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-in 53.1.2-ci maddəsinə əsasən inzibati xəta tərkibi olmadıqda, inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105-ci maddəsinə əsasən Azərbaycan Respublikası İXM-nin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. İşin təsvir edilmiş hallarını və onlara tətbiq ediləcək hüquq normalarının tələblərini nəzərə alaraq məhkəmə hesab edir ki, Şəxs əməlində inzibati xəta tərkibi olmadığından, onun barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata xitam verilməlidir. Yuxarıda göstərilənlərə əsaslanaraq və İnzibati Xətalar Məcəlləsinin 43, 53, 114 və 115-ci maddələrini rəhbər tutaraq, məhkəmə qərara aldı: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata xitam verilsin. Qərardan rəsmi qaydada verildiyi gündən 10 (on) gün müddətində Qazax Rayon Məhkəməsi vasitəsi ilə və ya birbaşa Gəncə Apelyasiya Məhkəməsinə şikayət verilə bilər. Sədrlik edən: Zamiq Rəsulov