Qazax Rayon Məhkəməsi Qərar — İş №3(023)-256/2023

Azərbaycan Respublikası adından QƏRAR Qazax rayon İş № 3(023)-256/2023 13.07.2023 QAZAX RAYON MƏHKƏMƏSİ Hakim Musayev Nemət Əlimusa oğlunun sədrliyi, Həsənov Məhəmməd Məhərrəm oğlunun katibliyi, Qərb-Resurs Vətəndaş Cəmiyyətinin X1 Birliyinin sədri Nümayəndə iştirakı ilə, Qərb-Resurs Vətəndaş Cəmiyyətinin X1 Birliyi tərəfindən Azərbaycan Respublikası İnzibati Xətalar Məcəlləsinin 347-ci maddəsi ilə inzibati məsuliyyətə cəlb edilməsinə dair Qazax Rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə müəyyən etdi: Qazax Rayon Polis Şöbəsindən daxil olmuş AP ******* nömrəli 17 iyun 2023-cu il tarixli inzibati xəta haqqında protokolda göstərilmişdir ki, Qərb-Resurs Vətəndaş Cəmiyyətinin X1 Birliyi xx.xx.2023-cü il tarixdə qəbul edilmiş sorğuya əsasən mülkiyyətində olan nəqliyyat vasitəsilə inzibati xəta törətmiş fiziki şəxs barəsində 5 (beş) günə qədər məlumat təqdim etməmiş, buna görə də hüquqi şəxs Qərb-Resurs Vətəndaş Cəmiyyətinin X1 Birliyi barəsində Azərbaycan Respublikası İnzibati Xətalar Məcəlləsinin 347-ci maddəsində nəzərdə tutulmuş inzibati xəta haqqında protokol tərtib edilərək baxılması üçün məhkəməyə göndərilmişdir. Məhkəmə iclasında dindirilmiş Qərb-Resurs Vətəndaş Cəmiyyətinin X1 Birliyinin sədri Nümayəndə izahat verərək bildirmişdir ki, Qazax Rayon Polis Şöbəsi tərəfindən onlara heç bir sorğu gəlməyib. Əgər sorğu gəlsə onlar həmin sorğunu cavab verərədilər. Həmin sorğudan onların məlumatı yoxdur. Odur ki, Qərb-Resurs Vətəndaş Cəmiyyətinin X1 Birliyinin barəsində Azərbaycan Respublikası İXM-nin 347-ci maddəsi ilə olan inzibati xəta haqqında iş üzrə icraata xitam verilməsini məhkəmədən xahiş etmişdir. Məhkəmə iclasının vaxtı və yeri barədə rəsmi qaydada məlumat verilməsinə baxmayaraq səlahiyyətli orqan, yəni Qazax Rayon Polis Şöbəsinin nümayəndəsi məhkəmə iclasına gəlməmiş və gəlməməsinin səbəbləri barədə məhkəməyə məlumat verməmişdir. Məhkəmə iş materiallarını araşdırıb, iş üzrə mövcud subutlara məcmu halında hüquqi qiymət verərək hesab edir ki, Qərb-Resurs Vətəndaş Cəmiyyətinin X1 Birliyinin barəsində Azərbaycan Respublikası İnzibati Xətalar Məcəlləsinin 347-ci maddəsi ilə olan inzibati xəta haqqında iş üzrə icraata xitam verilməlidir. Belə ki, Azərbaycan Respublikası İnzibati Xətalar Məcəlləsinin 347-ci maddəsində hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə inzibati məsuliyyət nəzərdə tutulmuşdur. İş materiallarından görünür ki, Qazax Rayon Polis Şöbəsi tərəfindən Qərb-Resurs Vətəndaş Cəmiyyətinin X1 Birliyinə 07 iyun 2023-cü il tarixdə sorğu məktubu ünvanlanmış və həmin məktubda xx.xx.2023-cü il tarixdə saat 20:36-da Qərb-Resurs Vətəndaş Cəmiyyətinin X1 Birliyinin mülkiyyətində olan “MİTSUBİSHİ OUTLANDER MİNİK” markalı, 77AX316 dövlət qeydiyyat nişanlı nəqliyyat vasitəsini idarə edən şəxs tərəfindən Azərbaycan Respublikası İnzibati Xətalar Məcəlləsinin 328.1-ci maddəsində nəzərdə tutulan inzibati xətanın törədilməsi, həmin nəqliyyat vasitəsini idarə etmiş fiziki şəxs barədə 5 gün müddətində rəsmi məlumat verilməsi, əks halda hüquqi şəxsin Azərbaycan Respublikası İnzibati Xətalar Məcəlləsinin 347-ci maddəsi ilə inzibati məsuliyyətə cəlb olunacağı qeyd olunmuşdur. İş materiallarında poçt xəbərnaməsindən görünür ki, Qazax Rayon Polis Şöbəsi tərəfindən xx.xx.2023-cü il tarixdə göndərilmiş sorğuya xx.xx.2023-cü il tarixdə Qərb-Resurs Vətəndaş Cəmiyyətinin X1 Birliyinin ünvanında poçt xəbərnaməsinə rəsmi imza edilməklə qəbul edilmişdir. Belə olan halda məhkəmə hesab edir ki, səlahiyyətli orqan, yəni Qazax RPŞ-si tərəfindən formal olaraq poçt xəbərnaməsi iş materiallarına əlavə edilmiş, barəsində inzibati icraat aparılan hüquqi şəxs Qərb-Resurs Vətəndaş Cəmiyyətinin X1 Birliyinin həmin sorğudan məlumatı olmamış və ya həmin sorğu hüquqi şəxs Qərb-Resurs Vətəndaş Cəmiyyətinin X1 Birliyinə göndərilməmişdir. Göründüyü kimi Qərb-Resurs Vətəndaş Cəmiyyətinin X1 Birliyinin Azərbaycan Respublikası İXM-nin 347-ci maddəsi ilə nəzərdə tutulan inzibati xətanı törətməsi sübuta yetmir. Ona görə də, məhkəmə hesab edir ki, hazırki halda hüquqi şəxs Qərb-Resurs Vətəndaş Cəmiyyətinin X1 Birliyinin Azərbaycan Respublikası İXM-nin 347-ci maddəsi ilə inzibati məsuliyyətə cəlb edilməsi əsassızdır, ona görə də Qərb-Resurs Vətəndaş Cəmiyyətinin X1 Birliyinin barəsində Azərbaycan Respublikası İXM-nin 347-ci maddəsi ilə olan inzibati iş üzrə icraata xitam verilməlidir. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105-ci maddəsinə əsasən Azərbaycan Respublikasının İXM-nin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 114.1 və 114.1.4-cü maddələrinə əsasən inzibati xətalar haqqında işlərə baxılarkən inzibati xəta haqqında iş üzrə icraata xitam verilməsi haqqında qərar çıxarılır. Həmin Məcəllənin 114.2 və 114.2.1-ci maddələrinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Yuxarıda göstərilənlərə əsasən Azərbaycan Respublikasının İnzibati Xətalar Məcəlləsinin 53, 112, 114-115, 117, 128-130-cu maddələrini rəhbər tutaraq, məhkəmə qərara aldı: Qərb-Resurs Vətəndaş Cəmiyyətinin X1 Birliyinin barəsində Аzərbaycan Respublikası İnzibаti Хətаlаr Məcəlləsinin 347-ci mаddəsi ilə olan inzibati iş üzrə icraata xitam verilsin. Qərar rəsmi qaydada verildiyi vaxtdan 10 gün müddətində Qazax Rayon Məhkəməsi vasitəsi ilə və ya birbaşa Gəncə Apellyasiya Məhkəməsinə apellyasiya şikayət verilə bilər. Sədrlik edən Nemət Musayev