Qazax Rayon Məhkəməsi Qərar — İş №3(023)-278/2023

Azərbaycan Respublikası adından QƏRAR Qazax rayon İş № 3(023)-278/2023 26.07.2023 QAZAX RAYON MƏHKƏMƏSİ Hakim Musayev Nemət Əlimusa oğlunun sədrliyi, Həsənov Məhəmməd Məhərrəm oğlunun katibliyi ilə, xx.xx.1981-ci ildə Naxçıvan Muxtar Respublikası, Şərur rayonu, Kərimbəyli kəndində anadan olan, Azərbaycan Respublikasının vətəndaşı, evli, Naxçıvan Muxtar Respublikası, Şərur rayonu, Kərimbəyli kəndində qeydiyyatda olan Şəxs Azərbaycan Respublikası İnzibati Xətalar Məcəlləsinin 482.1-ci maddəsində nəzərdə tutulan inzibati xətanı törətməsi barədə Azərbaycan Respublikası Dövlət Gömrük Komitəsi Tovuz Gömrük İdarəsindən daxil olmuş inzibati xəta haqqında materiala baxaraq, müəyyən etdi: Şəxs Azərbaycan Respublikası İXM-in 482.1-ci maddəsində nəzərdə tutulmuş inzibati xətanı törətməsi ilə bağlı Tovuz Gömrük İdarəsində tərtib olunmuş material baxılması üçün 12 iyul 2023-cü il tarixdə Qazax Rayon Məhkəməsinə göndərilmişdir. Məhkəmə iclasının keçirilməsi vaxtı və yeri barədə rəsmi qaydada məlumat verilməsinə baxmayaraq Azərbaycan Respublikası Dövlət Gömrük Komitəsi Tovuz Gömrük İdarəsinin nümayəndəsi məhkəmə iclasına gəlməmiş və işə nümayəndənin iştirakı olmadan baxılmasını xahiş etməmişdir. Məhkəmə iclasının keçirilməsi vaxtı və yeri barədə rəsmi qaydada məlumat verilməsinə baxmayaraq Şəxs məhkəmə iclasına gəlməmiş və işə onun iştirakı olmadan baxılmasını xahiş etməmişdir. Azərbaycan Respublikasının İXM-nin 61.3-cü maddəsinə əsasən inzibati xətalar haqqında işlərə barəsində inzibati xəta haqqında iş üzrə icraat aparılan şəxsin iştirakı ilə baxılır. Həmin işlərə şəxsin iştirakı olmadan, yalnız o hallarda baxıla bilər ki, işə baxılmasının yeri və müddətinin ona vaxtında bildirilməsi barədə məlumat olsun və ya işə baxılmasını təxirə salmaq haqqında ondan vəsatət daxil olmasın, yaxud belə vəsatət rədd edilmiş olsun. İş materiallarında olan, 07 iyun 2023-cü il tarixli “baxış keçirilməsi və götürmə haqqında” protokoldan müəyyən edilir ki, Şəxs idarə etdiyi “SCANİA R420” markalı, 77HG355/99ZG355 dövlət nömrə nişanlı yük nəqliyyat vasitəsinin yük yerində malmüşayiət sənədlərində göstərilməyən, gömrük orqanlarına bəyan edilməyən hər biri yeni olmaqla 2(iki) ədəd “Arnika” markalı ətçəkən maşın, 1(bir) ədəd “Kumtel” markalı elektrik soba, 1 (bir) ədəd “Korkmaz” markalı elektrik soba, 1 (bir) ədəd “Özkent” markalı qazan dəsti, 1(bir) “Philips” markalı şirəcəkən maşın, 1 (bir) ədəd “arzum” markalı ütü və 1 (bir) ədəd “Korkmaz” markalı dəstinə 1 (bir) ədəd çaydan, 1 (bir) blender, 1 (bir) toster, 1 (bir) ədəd qəhvə hazırlamaq üçün çaynik) bənzər predmetlər və 1 (bir) ədəd işlənmiş tozsoran və 1 (bir) ədəd işlənmiş sobaya bənzər predmetlər aşkar olunmuşdur. İş materiallarında olan, Azərbaycan Respublikası Ədliyyə Nazirliyin Məhkəmə Ekspertizası Mərkəzinin verdiyi 22 iyun 2023-cü il tarixli 9/4676 nömrəli ekspertiza rəyi ilə müəyyən edilir ki, ekspertizaya təqdim olunmuş ekspertiza təyini haqqında qərardadda və fotoşəkillərdə göstərilən malların xx.xx.2023-cü il tarixə orta bazar qiyməti ilə ümumi dəyəri təxminən 1605,00 manat müəyyən olunur. Qeyd edilir ki hər hansi bir əşyanın, malın miqdarindan aslı olaraq qiymətlərdə dəyişiklik olması istisna olunmur. Azərbaycan Respublikasının İXM-nin 26.2-ci maddəsinə əsasən inzibati xətanın törədilməsində alət və ya inzibati xətanın bilavasitə obyekti olmuş predmetin müsadirəsi hakim tərəfindən tətbiq edilir. Məhkəmə, Şəxs inzibati xəta törədərkən inzibati xətanın bilavasitə obyekti olan malların keçirilməsində idarə “SCANİA R420” markalı, 77HG355/99ZG355 dövlət qeydiyyat nişanlı avtomobilin cinayət yolu ilə əldə edilməməsini nəzərə alaraq hesab edir ki, “SCANİA R420” markalı, 77HG355/99ZG355 dövlət qeydiyyat nişanlı avtomobilin müsadirə edilməsi məqsədəuyğun deyildir. Azərbaycan Respublikası İnzibati Xətalar Məcəlləsinin 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. Azərbaycan Respublikası İnzibati Xətalar Məcəlləsinin 482.1-ci maddəsinə əsasən Azərbaycan Respublikasının gömrük sərhədindən keçirilən malların və ya nəqliyyat vasitələrinin bəyan edilməməsinə görə, bu az miqdarda olduqda - inzibati xətanın bilavasitə obyekti olan mallar və nəqliyyat vasitələri müsadirə edilir, yaxud həmin malların və nəqliyyat vasitələrinin dəyərinin qırx faizindən altmış faizinədək məbləğdə cərimə edilir. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə hesab edir ki, inzibati xətanın bilavasitə obyekti olan, ümumi dəyəri 1605,00 manat təşkil edən, 2(iki) ədəd “Arnika” markalı ətçəkən maşın, 1(bir) ədəd “Kumtel” markalı elektrik soba, 1 (bir) ədəd “Korkmaz” markalı elektrik soba, 1 (bir) ədəd “Özkent” markalı qazan dəsti, 1(bir) “Philips” markalı şirəcəkən maşın, 1 (bir) ədəd “arzum” markalı ütü və 1 (bir) ədəd “Korkmaz” markalı dəstinə 1 (bir) ədəd çaydan, 1 (bir) blender, 1 (bir) toster, 1 (bir) ədəd qəhvə hazırlamaq üçün çaynik) bənzər predmetlər və 1 (bir) ədəd işlənmiş tozsoran və 1 (bir) ədəd işlənmiş sobaya bənzər predmetlər müsadirə edilməlidir. Yuxarıda göstərilənlərə əsasən və Azərbaycan Respublikasının İXM-nin 26.2, 112, 114, 115, 117, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikasının İXM-nin 482.1-ci maddəsi ilə təqsirli bilinsin və inzibati xətanın bilavasitə obyekti olan, ümumi dəyəri 1605,00 manat təşkil edən, 2(iki) ədəd “Arnika” markalı ətçəkən maşın, 1(bir) ədəd “Kumtel” markalı elektrik soba, 1 (bir) ədəd “Korkmaz” markalı elektrik soba, 1 (bir) ədəd “Özkent” markalı qazan dəsti, 1(bir) “Philips” markalı şirəcəkən maşın, 1 (bir) ədəd “arzum” markalı ütü və 1 (bir) ədəd “Korkmaz” markalı dəstinə 1 (bir) ədəd çaydan, 1 (bir) blender, 1 (bir) toster, 1 (bir) ədəd qəhvə hazırlamaq üçün çaynik) bənzər predmetlər və 1 (bir) ədəd işlənmiş tozsoran və 1 (bir) ədəd işlənmiş sobaya bənzər predmetlər müsadirə edilsin. Qərarın surəti təqdim edildiyi və ya alındığı gündən 10 gün müddətində Qazax Rayon Məhkəməsi vasitəsi ilə Gəncə Apellyasiya Məhkəməsinə şikayət verilə bilər. Sədrlik edən: Nemət Musayev