Qazax Rayon Məhkəməsi Qərar — İş №3(023)-336/2023

Azərbaycan Respublikası adından QƏRAR Qazax rayon İş № 3(023)-336/2023 23.08.2023 QAZAX RAYON MƏHKƏMƏSİ Hakim Musayev Nemət Əlimusa oğlu, Şəxs Azərbaycan Respublikasının İnzibati Xətalar Məcəlləsinin 529.3-cü maddəsində nəzərdə tutulmuş inzibati xətanı törətməsinə dair Qazax Rayon Polis Şöbəsindən daxil olmuş inzibati xəta haqqında protokol üzrə işin baxılmağa hazırlanması zamanı materialı nəzərdən keçirərək, müəyyən etdim: Qazax Rayon Polis Şöbəsindən daxil olmuş İXP ******* nömrəli, 18 avqust 2023-cü il tarixli inzibati xəta haqqında protokolda göstərilmişdir ki, “VAZ 2106 MİNİK” markalı, 05BB514 dövlət qeydiyyat nişanlı avtomobili idarə edən Şəxs yol hərəkəti qaydaları əleyhinə olan inzibati xətanın törədilməsinə görə təyin edilmiş inzibati cəriməni qanunla müəyyən edilmiş 3 ay müddət ərzində ödəməmişdir. Bununla da Şəxs Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulmuş inzibati xətanı törətmişdir. Məhkəmə, inzibati xəta haqqında iş materiallarına əlavə edilmiş sənədlərə məcmu halda hüquqi qiymət verərək hesab edir ki, Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə başlanmış inzibati xəta haqqında iş üzrə icraata xitam verilməlidir. Belə ki, iş materiallarında olan və məhkəmə baxışında tədqiq olunmuş TP ******* nömrəli, xx.xx.2023-cü il tarixli inzibati tənbeh vermə haqqında elektron qərardan görünür ki, Şəxs xx.xx.2023-cü il tarixdə “VAZ 2106» minik markalı, 05BB514 dövlət qeydiyyat nişanlı avtomobili idarə edərkən İnzibati Xətalar Məcəlləsinin 329.3-cü maddəsində nəzərdə tutulan inzibati xətanı törətmiş və həmin maddə ilə səlahiyyətli orqan tərəfindən 30 manat məbləğində cərimə edilmişdir. İş materiallarında olan Qazax Rayon Məhkəməsinin xx.xx.2023-cü il tarixli qərardan görünür ki, Qazax Rayon Polis Şöbəsi tərəfindən Şəxs barəsində olan TP ******* nömrəli, xx.xx.2023-cü il tarixli inzibati tənbeh vermə haqqında elektron qərara əsasən barəsində Azərbaycan Respublikası İXM-nin 529.3-cü maddəsi ilə xx.xx.2023-cü il tarixli İXP ******* saylı inzibati xəta haqqında protokol tərtib edilmiş və baxılması üçün məhkəməyə göndərilmiş və Şəxs barəsində olan cəriməni tam ödədiyi üçün Qazax Rayon Məhkəməsinin xx.xx.2023-cü il tarixli, 3(023)-309/2023 saylı qərarı ilə o inzibati məsuliyyətdən azd edilmişdir. Məhkəmə tərəfindən iş materialları araşdırılarkən müəyyən olunmuşdur ki, səlahiyyətli orqan, yəni Qazax Rayon Polis Şöbəsi Şəxs 15 yanvar 2023-cü il tarixdə “VAZ 2106» minik markalı, 05BB514 dövlət qeydiyyat nişanlı avtomobil ilə törətdiyi inzibati xətaya görə Azərbaycan Respublikası İXM-nin 529.3-cü maddəsinə əsasən ikinci dəfə protokol tərtib edərək inzibati məsuliyyətə cəlb etmişdir. Bununla bağlı məhkəmə qeyd edir ki, barəsində inzibati icraat aparılan şəxs Şəxs eyni inzibati xətaya görə iki dəfə inzibati məsuliyyətə cəlb oluna bilməz. Ona görə də, məhkəmə hesab edir ki, Azərbaycan Respublikası İnzibati Xətalar Məcəlləsinin 53.1.7-ci maddəsinə əsasən barəsində inzibati xəta haqqında iş üzrə icraat aparılan şəxsə aid eyni fakt üzrə inzibati tənbeh etmək haqqında hakimin, səlahiyyətli orqanın (vəzifəli şəxsin) qərarı olduqda, yaxud inzibati xəta haqqında işə xitam verilməsi barəsində ləğv edilməmiş qərar olduqda, habelə həmin fakt üzrə cinayət işi başlamaq haqqında qərar olduqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105-ci maddəsinə əsasən Azərbaycan Respublikasının İXM-nin 53cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 109.2-ci maddəsinə əsasən bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. İşin təsvir edilmiş hallarını və onlara tətbiq ediləcək hüquq normalarının tələblərini nəzərə alaraq məhkəmə hesab edir ki, Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə başlanmış inzibati xəta haqqında iş üzrə icraata Azərbaycan Respublikası İnzibati Xətalar Məcəlləsinin 53.1.7-ci maddəsinə əsasən xitam verilməlidir. Yuxarıda göstərilənlərə əsaslanaraq və Azərbaycan Respublikası İnzibati Xətalar Məcəlləsinin 43, 53, 109.2, 114 və 115-ci maddələrini rəhbər tutaraq, məhkəmə qərara aldım: X1 barəsində 18 avqust 2023-cü il tarixli, İXP ******* nömrəli nömrəli inzibati xəta haqqında protokol əsasında Azərbaycan Respublikası İnzibati Xətalar Məcəlləsinin 529.3-cü maddəsi ilə başlanmış inzibati xəta haqqında iş üzrə icraata xitam verilsin. Qərardan rəsmi qaydada verildiyi gündən 10 (on) gün müddətində Qazax Rayon Məhkəməsi vasitəsi ilə və ya birbaşa Gəncə Apellyasiya Məhkəməsinə şikayət verilə bilər. Sədrlik edən: Nemət Musayev