Qax Rayon Məhkəməsi Qərar — İş №3(024)-21/2025

Azərbaycan Respublikası adından QƏRAR Qax rayonu İş № 3(024)-21/2025 07.01.2025 QAX RAYON MƏHKƏMƏSİ Hakim Kərimov Taleh Etibar oğlunun sədrliyi, Məhkəmə iclas katibi Məmmədova Zəhra Rövşən qızının katibliyi, İnzibati xəta haqqında protokolu tərtib etmiş şəxs Qax RPŞ-nin İTB-nin sahə rəisi, polis kapitanı X1, Barəsində inzibati xəta haqqında iş üzrə icraat aparılan şəxs Şəxs, Zərərçəkmiş şəxs, X2 Arçiloviçin iştirakı ilə. Şəxs – xx.xx.1988-ci ildə Qax rayonu, Qax İngiloy kəndində doğulmuş, Azərbaycan Respublikası vətəndaşı, orta təhsilli, subay, deməsinə görə əvvəllər məhkum olunmamış, Qax rayonu, Böyük Alatəmir kəndində qeydiyyatda olmaqla, həmin kənddə yaşayan. FİN-xxxxxxx. Onun barəsində Azərbaycan Respublikası DİN Qax RPŞ-si tərəfindən Azərbaycan Respublikası İXM-nin 510 və 535.1-ci maddələri ilə daxil olmuş inzibati xəta haqqında materiala açıq məhkəmə iclasında baxaraq, müəyyənetdi: Qax RPŞ-nin İTB-nin sahə rəisi, polis kapitanı X3 tərəfindən Şəxs barəsində Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətaları törətməsi barədə xx.xx.2025-ci il tarixli, MN ******* saylı protokol tərtib edilərək Qax Rayon Məhkəməsinə təqdim edilmişdir. Protokolda qeyd olunmuşdur ki, Şəxs xx.xx.2025-ci il tarixdə saat 17 radələrində Qax rayonu Böyük Alatəmir kəndi ərazisində Zərərçəkmiş şəxs ünvanına ucadan ünvansız nalayiq söyüşlər söyərək ictimai qaydanı pozmuş və polisin qanuni tələbinə tabe olmamışdır. Bununla da onun tərəfindən Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətalar törədilmişdir. Məhkəmə iclasında Qax RPŞ-nin İTB-nin sahə rəisi, polis kapitanı X3 protokola uyğun izahat verərək göstərdi ki, barəsində inzibati icraat aparılan şəxs Şəxs xx.xx.2025-ci il tarixdə saat 17 radələrində əməliyyat qrupunda olan zaman Rodriqo Otaraşvili onun mobil nömrəsinə zəng edərək qapının və dəmirin dağıdıldığını bildirmişdir. Həmin vaxtı orada xidmət aparan Qax RPŞ-nin PPX-nin əməkdaşları hadisə yerinə getmiş, Şenqeli qaçıb evə girmişdir. Bundan sonra o gəlmiş və PPX avtomobilinin Şenqelinin evinin qarşısında dayandığını görmüşdür. Rodriqo Otaraşvilidən nə baş verdiyini soruşduqda o küçədə olan zaman Şenqelinin onun ünvanına söyüş söydüyünü, özününü isə əhəmiyyət vermədən həyətə girdiyini, bundan sonra Şəxs Rodriqo Otaraşvilini ilə həyətin sərhəddini ayıran dəmir listləri balta ilə sındıraraq onun həyətinə keçdiyini və həyat yoldaşının ona mane olduğunu, o yenidən yola çıxdıqda Şenqelinin də yola çıxaraq uzaqdan onun ünvanına nalayiq sözlər dediyini bildirmişdir. Həmin vaxtı Şenqeli evin həyətindən polis əməkdaşlarının ünvanına da nalayiq sözlər deməyə və biədəb hərəkətlər etməyə başlamışdır. Şenqlinin üzü-gözü qan içində olduğu üçün ona darvazadan çölə çıxmasını desələr də çıxmamış, onları oraya göndərənlərin ünvanına nalayiq sözlər demişdir. Nəhayət Şenqeli darvazanı açaraq çölə çıxmış, həmin vaxtı onu tutaraq PPX avtomobilinə əyləşdirərək Qax RPŞ-nə gətirmişlər. Şəxs sərxoşluq müayinəsindən keçirildikdə hadisə zamanı sərxoş olduğu müəyyən edilmişdir. Ona görə də bu barədə müvafiq protokol tərtib edilərək aidiyyəti üzrə baxılması üçün məhkəməyə göndərilmişdir. Odur ki, Şəxs barəsində inzibati həbs növündə inzibati tənbehin tətbiq edilməsini qanunamüvafiq hesab edir. Məhkəmə iclasında inzibati xəta haqqında iş üzrə icraat aparılan şəxs Şəxs törətdiyi inzibati xətanı etiraf edərək bildirdi ki, həmin günü spirtli içkinin təsiri altında olmuş və həmin hərəkətləri törətmişdir. Təqsirini etiraf edir, əməlindən çox peşmandır. Həmin vaxt sərxoş vəziyyətdə olmuşdur. Odur ki, barəsində inzibati cərimə növündə inzibati tənbeh növü tətbiq edilməsini xahiş etdi. Məhkəmə iclasında Zərərçəkmiş şəxs göstərdi ki, Şəxs onun qonşusudur. xx.xx.2025-ci il tarixdə axşam saatlarında Şenqeli ona məxsus evin həyət darvazasının qarşısını dağıtmışdır. Şəxs ona dəymiş maddi ziyanı ödəməmişdir. Ona görə də, Şəxs şikayətçidir və ona dəymiş maddi ziyanı ödəməsini tələb edir. Məhkəmə iclasında şahid qismində dindirilmiş Şahid1 ifadəsində göstərdi ki, xx.xx.2024-cü il tarixdə saat 17 radələrində Qax rayonu Böyük Alatəmir kəndində avtopatrul xidməti aparan zaman küçədə bir nəfər şəxs digər şəxsin ünvanına nalayiq sözlər dediyi üçün oraya yaxınlaşmışlar. Nalayiq sözlər deyən şəxs onların gəldiyini görərək qaçaraq evin həyətinə girmişdir. Daha sonra oraya gələn sahə inspektoru Nicat Məhərrəmov nizam-intizama dəvət etmək üçün həmin şəxsi çağırmış, lakin Şenqeli adlı şəxs onlara qarşı əl-qol hərəkətləri və nalayiq sözlərlə onları təhqir etmiş, onu nizaminizama dəvət etmək istəsələr də, onların qanuni tələblərinə qəsdən tabe olmamışdır. Bir müddətdən sonra Şenqeli həyətdən çölə çıxmış və onu tutaraq Qax RPŞ-nə gətirmişlər. Məhkəmə iclasında şahid qismində dindirilmiş Şahid2 ifadəsində göstərdi ki, xx.xx.2024-cü il tarixdə saat 17 radələrində digər polis əməkdaşı Osman Mansurzadə ilə birlikdə Qax rayonu Böyük Alatəmir kəndində avtopatrul xidməti apamışlar. Həmin vaxtı bir nəfər kənd sakininin digərinin ünvanına nalayiq sözlər dediyini görmüş, avtomobili saxlayaraq həmin şəxslərə yaxınlaşmışlar. Söyüş söyən şəxs onların gəldiyini görərək qaçaraq evin həyətinə girmiş, hadisə yerinə gələn sahə inspektoru Nicat Məhərrəmov nizam-intizama dəvət etmək üçün həmin şəxsi çağırmış, lakin Şenqeli adlı şəxs onlara qarşı nalayiq sözlər deyərək onları təhqir etmişdir. Həmin şəxsi nizam-intizama dəvət etmək istəsələr də, onların qanuni tələblərinə qəsdən tabe olmamışdır. Bir müddətdən sonra həmin şəxs həyətdən çölə çıxmış və onu tutaraq Qax RPŞ-nə gətirilmişdir. Məhkəmə inzibati xəta haqqında işin materiallarını tədqiq edərək, inzibati xəta haqqında protokolu tərtib etmiş şəxsi, barəsində inzibati xəta haqqında icraat aparılan şəxsi dinləyərək hesab edir ki, toplanmış sübutlarla Şəxs Azərbaycan Respublikası İXMnin 510 və 535.1-ci maddələri ilə nəzərdə tutulmuş inzibati xətanı törətməsi özünün etirafı və iş materialları ilə tam sübuta yetirilir. İş materiallarında olan və məhkəmə iclasında tədqiq edilmiş: xx.xx.2025-ci il tarixli alkotesterin nəticəsinə əsasən Şəxs 0.318 % sərxoşluq vəziyyətində olmuşdur. Azərbaycan Respublikasının inzibati xətalar qanunvericiliyinin prinsiplərindən bəhs edən Azərbaycan Respublikası İnzibati Xətalar Məcəlləsinin 4-cü maddəsində qeyd olunmuşdur ki, bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. İnzibati xəta anlayışından bəhs edən Azərbaycan Respublikası İnzibati Xətalar Məcəlləsinin 12-ci maddəsində təsbit edilmişdir ki, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. Məhkəmə göstərir ki, Şəxs ictimai qaydanı pozmaqla xırda xuliqanlıq etməsi ictimai qaydanı pozması və polis işçisi ictimai qaydanı mühafizə edərkən onun qanuni tələblərinə qəsdən tabe olmaması iş materialları və özünün etirafı ilə təsdiqin tapır. Azərbaycan Respublikası İXM-nin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmin Məcəllənin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. İnzibati Xətalar Məcəlləsinin 34.2 və 34.3-cü maddələrinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Məhkəmə hesab edir ki, İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətaların baxılması eyni orqanın (məhkəmənin) səlahiyyətlərinə aiddir. İnzibati xətalar şəxsin eyni vaxtda etdiyi hərəkətlərlə törədilmişdir. Buna görə də Şəxs adıçəkilən Məcəllənin 510 və 535.1-ci maddələri ilə nəzərdə tutulmuş inzibati xətaların törədilməsində təqsirli bilinməklə ona İnzibati Xətalar Məcəlləsinin daha ciddi xəta hesab edilən 535.1-ci maddəsi ilə nəzərdə tutulmuş inzibati xətanın sanksiyası çərçivəsində tənbeh tətbiq edilməlidir. İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə barəsində inzibati xəta haqqında iş üzrə icraat aparılan şəxs Şəxs səmimi peşmançılığını məsuliyyətini yüngülləşdirən hal kimi nəzərə alır. Şəxs inzibati xətanı törədərkən sərxoş vəziyyətdə olmuşdur. Xəta törədən zaman sərxoş olması məsuliyyətini ağırlaşdırıcı haldır. xx.xx.2025-ci il tarixli inzibati qaydada tutma haqqında protokoldan görünür ki, Şəxs xx.xx.2025-ci il tarixdə saat 18:30-da inzibati qaydada tutulmuşdur. Azərbaycan Respublikası İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə inzibati xətanın xarakterini, barəsində inzibati xəta haqqında iş üzrə icraat aparılan şəxsin şəxsiyyətini, törədilən inzibati xətanın təhlükəlilik dərəcəsini nəzərə alaraq ona Azərbaycan Respublikası İnzibati Xətalar Məcəlləsinin 535.1-ci maddəsinin sanksiyasında nəzərdə tutulmuş aşağı həddə həbs növündə inzibati tənbeh tədbirinin tətbiqini qanuni, əsaslı və ədalətli hesab edir. Belə ki, bаrəsində inzibаti həbs tətbiq etməklə оnu qаnunlаrа əməl edilməsi ruhundа tərbiyələndirmək, hаbelə gələcəkdə yeni inzibаti xətа törətməsinin qаrşısını аlmаq kimi inzibаti tənbehin məqsədinə nаil оlmаq mümkündür. Məhkəmə şərh olunanlara əsaslanaraq və Azərbaycan Respublikası İnzibati Xətalar Məcəlləsinin 40, 43, 53, 114, 115 və 128-130-cu maddələrini rəhbər tutaraq, qəraraaldı: Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətanın törədilməsində təqsirli bilinib, həmin Məcəllənin 535.1-ci maddəsinin sanksiyası çərçivəsində 8 (səkkiz) gün müddətində inzibati həbs edilsin. Şəxs inzibati həbsə alınmanın əvvəli 06 yanvar 2025-ci il tarixdən, saat 18:30-dan hesablansın. Qərаrın icrаsı Qax rayon Polis Şöbəsinə həvаlə edilsin. Qərar dərhal icra olunsun. Qərardan surəti təqdim edildiyi və ya alındığı gündən 10 (on) gün müddətində Qax rayon məhkəməsi vasitəsilə və ya bilavasitə Şəki Apellyasiya Məhkəməsinə şikayət və ya protest verilə bilər. Hakim : Taleh Kərimov