Qax Rayon Məhkəməsi Qərar — İş №3(024)-353/2023

Azərbaycan Respublikası adından QƏRAR Qax rayonu İş № 3(024)-353/2023 27.10.2023 QAX RAYON MƏHKƏMƏSİ Hakim Qarayev Malik İbrəhim oğlunun sədrliyi, Məsləhətçi iclas katibi Fətəliyev Mansur Məhəmməd oğlunun katibliyi ilə. Azərbaycan Respublikasının Mərkəzi Bankı tərəfindən "xxxx" ASC-nin barəsində Azərbaycan Respublikası İnzibati Xətalar Məcəlləsinin 548.2-ci maddəsi ilə tərtib edilmiş inzibati xəta haqqında protokola dair materiala baxaraq, MÜƏYYƏN ETDİ: "xxxx" ASC barəsində Azərbaycan Respublikası İnzibati Xətalar Məcəlləsinin 548.2-ci maddəsi ilə inzibati məsuliyyətə cəlb edilməsi barədə inzibati xəta haqqında 29 sentyabr 2023-cü il tarixli EP № ******* saylı protokol tərtib edilmişdir ondan ötrü ki, "xxxx" ASC Mərkəzi Bankın xx.xx.2023-cü il tarixli, 6-1-26/2-5259/2023 saylı məktubu ilə tələb edilən sənədi (2022-ci ilə dair emitentik illik hesabatı) göstərilmiş müddət ərzində Mərkəzi Banka təqdim etməmişdir. Ona görə də "xxxx" ASC barəsində tərtib edilmiş xx.xx.2023-cü il tarixli EP № ******* nömrəli inzibati xəta haqqında protokol baxılması üçün məhkəməyə göndərilmişdir. Məhkəmə iclasının yeri və vaxtı barədə tərəflərə lazımi qaydada məlumat verilməsinə baxmayaraq Azərbaycan Respublikasının Mərkəzi Bankının etibarnamə üzrə nümayədəsi və barəsində inzibati xəta haqqında iş üzrə icraat aparılan şəxs "xxxx" ASC-nin etibarnamə üzrə nümayəndəsi məhkəməyə gəlməmiş və gəlməmələrinin üzürlü səbəbləri barədə məhkəməyə məlumat verməmişlər. Məhkəmə işə Azərbaycan Respublikasının Mərkəzi Bankının etibarnamə üzrə nümayəndəsinin və barəsində inzibati xəta haqqında iş üzrə icraat aparılan şəxs "xxxx" ASC-nin nümayəndəsinin iştirakı olmadan baxılmasını mümkün hesab edir. İş materiallarında olan Azərbaycan Respublikasının Mərkəzi Bankının "xxxx" ASC-yə göndərdiyi xx.xx.2023-cü il tarixli 6-1-26/2-5259/2023 saylı mətubdan göünür ki, Azərbaycan Respublikasının Mərkəzi Bankına 2022-ci ilə dair emitentin illik hesabatını 5 iş günü ərzində Mərkəzi Banka təqdim edilməsi Mərkəzi Banka təqdim edilməsi tələb edilmiş, əks halda Azərbaycan Respublikası İnzibati Xətalar Məcəlləsinin 548.2-ci maddəsində nəzərdə tutulmuş inzibati məsuliyyətə cəlb edilə biləcəyi qeyd edilmişdir. Məhkəmə araşdırması zamanı "xxxx" ASC-nin Azərbaycan Respublikası İXM-nin 548.2-ci maddəsi ilə nəzərdə tutulan inzibati xətanı törətməsi (Müvafiq icra hakimiyyəti orqanının yaratdığı qurumun fəaliyyətinin həyata keçirilməsi üçün zəruri olan məlumatların həmin orqanın tələbi ilə maliyyə bazarlarında nəzarət edilən subyekt və emitent tərəfindən təqdim edilməməsinə və ya təhrif olunmuş məlumatın verilməsinə (sahibkarlıq fəaliyyətinin həyata keçirildiyi yerlərə gəlməklə aparılan yoxlamalara münasibətdə bu Məcəllənin 602.4-cü maddəsində nəzərdə tutulmuş hallar istisna olunmaqla) görə) iş materialları ilə tam sübuta yetirilmişdir. İşdə barəsində inzibati xəta haqqında iş üzrə icraat aparılan şəxs "xxxx" ASC-nin məsuliyyətini ağırlaşdıran və yüngülləşdirən hallar aşkar edilməmişdir. Belə olan halda məhkəmə hesab edir ki, barəsində inzibati xəta haqqında iş üzrə icraat aparılan şəxs "xxxx" ASC barəsində inzibati tənbeh vermə haqqında qərar qəbul edilməli və o, Azərbaycan Respublikası İXM-nin 548.2-ci maddəsinin sanksiyası daxilində cərimə edilməlidir. Yuxarıdakılara əsasən və Azərbaycan Respublikası İnzibati Xətalar Məcəlləsinin 40.0.1,43,84,106,114,115 117-ci maddələrini rəhbər tutub, məhkəmə QƏRARA ALDİ: Barəsində inzibati xəta haqqında iş üzrə icraat aparılan şəxs "xxxx" ASC (VÖEN **********) Azərbaycan Respublikası İnzibati Xətalar Məcəlləsinin 548.2-ci maddəsi ilə təqsirli bilinib 1500(min beş yüz) manat miqdarında inzibati qaydada cərimə edilsin. Qərardan 10(on) gün müddətində Qax rayon Məhkəməsi vasitəsilə Şəki Apellyasiya Məhkəməsinə apellyasiya şikayəti verilə bilər. Hakim: Malik Qarayev.