Qax Rayon Məhkəməsi Qərar — İş №3(024)-366/2023

Azərbaycan Respublikası adından QƏRAR Qax rayonu İş № 3(024)-366/2023 07.11.2023 QAX RAYON MƏHKƏMƏSİ Hakim Qarayev Malik İbrəhim oğlu, Məhkəmə iclas katibi Fətəliyev Mansur Məhəmməd oğlunun katibliyi, Barəsində inzibati xəta haqqında iş üzrə icraat aparılan şəxs Şəxs, X1 Baqratoviçin iştirakı ilə. Şəxs–FİN-xxxxxxx, xx.xx.1969-cu ildə Qax rayonunda anadan olmuş, Azərbaycan Respublikası vətəndaşı, Qax rayonu, Əlibəyli kəndində qeydiyyatda olan və yaşayan. Şəxs barəsində Azərbaycan Respublikası DİN Qax rayon Polis Şöbəsindən Azərbaycan Respublikası İXM-nin 590.2-ci maddəsi ilə daxil olmuş inzibati xəta haqqında materiala baxaraq, müəyyən etdi : Barəsində inzibati xəta haqqında iş üzrə icraat aparılan şəxs Şəxs barəsində tərtib etdilmiş MN № 1894946/885 saylı inzibati xəta haqqında protokolda göstərilmişdir ki, onun, xx.xx.2023-cü il tarixdə müvafiq icra hakimiyyəti orqanı tərəfindən xüsusis icazəsi olmadan mülki silahı saxlaması və daşıması qaydalarını pozması halı aşkar edilmişdir. Ona görə də Şəxs barəsində Azərbaycan Respublikasının İnzibati Xətalar Məcəlləsinin 590.2-ci maddəsi ilə materiallar tədbir görülməsi üçün Qax Rayon Məhkəməsinə göndərilmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında izahat verərək göstərdi ki, o, xx.xx.2023-cü il tarixdə “TOZ-34” markalı, 16 çaplı qoşalülə tüfəngi müvafiq icra hakimiyyəti orqanı tərəfindən xüsusis icazəsi olmadan daşımışdır. Buna görə də onun barəsində inzibati xəta haqqında protokol tərtib edilmişdir. Əməlindən peşman olduğunu göstərərk məhkəmədən ona köməklik edilməsini xahiş etdi. Məhkəmə iclası zamanı barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İXM-nin 590.2-ci maddəsi ilə nəzərdə tutulan inzibati xətanı törətməsi iş materialları və barəsində inzibati xəta haqqında iş üzrə icraat aparılan şəxsin etirafedici izahatı ilə tam sübuta yetirilmişdir. Azərbaycan Respublikası İnzibati Xətalar Məcəlləsinin 31.2-ci maddəsinə əsasən Fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə barəsində inzibati xəta haqqında iş üzrə icraat aparılan şəxs Şəxs əməlindən səmimi peşman olmasını onun məsuliyyətini yüngülləşdirən hal kimi nəzərə alır. Şəxs məsuliyyətini ağırlaşdıran hallar aşkar edilməmişdir. Azərbaycan Respublikası İXM-nin 590.2-ci maddəsinə əsasən Müvafiq icra hakimiyyəti orqanından xüsusi icazə almamış şəxslər tərəfindən mülki silahın və ya onun üçün döyüş sursatının əldə edilməsi, saxlanılması, daşınması, başqa şəxslərə verilməsi və ya satılmasına görə- silah və döyüş sursatı müsadirə edilməklə səksən manatdan yüz manatadək məbləğdə cərimə edilir. Belə olan halda məhkəmə hesab edir ki, Şəxs Azərbaycan Respublikası İXM-nin 590.2-ci maddəsi ilə təqsirli bilinərək barəsində inzibati tənbeh vermə haqqında qərar qəbul edilməli və həmin maddənin sanksiyasına uyğun olaraq “TOZ-34” markalı, 16 çaplı, (kiçik qundaq № 35752, lülə № V62020 nömrəli) qoşalülə ov tüfəngi müsadirə edilməklə 80 (səksən) manat məbləğdə inzibati qaydada cərimə edilməlidir. Yuxarıdakılara əsasən və Azərbaycan Respublikası İnzibati Xətalar Məcəlləsinin 40.0.1,43, 53.0.2, 84, 106, 109, 114 və 115-ci maddələrini rəhbər tutub, məhkəmə, qərara aldı : Barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İnzibati Xətalar Məcəlləsinin 590.2-ci maddəsində nəzərdə tutulmuş inzibati xətanı törətməkdə təqsirli bilinib “TOZ-34” markalı, 16 çaplı, (kiçik qundaq № 35752, lülə № V62020 nömrəli) qoşalülə ov tüfəngi müsadirə edilməklə 80 (səksən) manat məbləğində inzibati qaydada cərimə edilsin. Qərardan rəsmi qaydada alındığı vaxtdan 10(on) gün müddətinə Qax rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti və ya apellyasiya protest verilə bilər. Hakim: Malik Qarayev