Qax Rayon Məhkəməsi Qərar — İş №3(024)-390/2023

Azərbaycan Respublikası adından QƏRAR Qax rayonu İş № 3(024)-390/2023 01.12.2023 QAX RAYON MƏHKƏMƏSİ Hakim Qarayev Malik İbrəhim oğlu, Quliyev Elçin Feyzullah oğlunun katibliyi ilə, Barəsində inzibati xəta haqqında iş üzrə icraat aparılan şəxs Şəxs, İnzibati xəta haqqında protokol tərtib edən şəxs Qax RPŞ-nin İTB-nin rəisi polis leytenantı X2 iştirakı ilə. FİN-xxxxxxx, xx.xx.1986-cı ildə Qax rayonu İlisu kəndində anadan olmuş, Azərbaycan Respublikasının vətəndaşı, ali təhsilli, evli, işsiz, Qax rayonu, Qax İngiloy kəndində yaşayan. Şəxs barəsində Azərbaycan Respublikası İnzibati Xətalar Məcəlləsinin 525-ci maddəsi ilə Qax RPŞ-dən daxil olmuş inzibati xəta haqqında materiala baxaraq, müəyyən etdi : Barəsində inzibati xəta haqqında iş üzrə icraat aparılan şəxs Şəxs xx.xx.2023-cü il tarixdə Qax şəhəri, Azərbaycan prospektində yerləşən kafedə qumar oyununda iştirak etmişdir. İnzibati xəta haqqında protokol tərtib edən şəxs Qax RPŞ-nin İTB-nin rəisi polis leytenantı X3 məhkəmə iclasında izahat verərək göstərdi ki, Şəxs xx.xx.2023-cü il tarixdə Qax şəhəri, Azərbaycan prospektində yerləşən kafedə qumar oyununda iştirak etmişdir. Bu səbəbdən Şəxs barəsində 15 noyabr 2023cü il tarixdə MN № ******* saylı İnzibati xəta haqqında protokol tərtib edilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək göstərdi ki, o xx.xx.2023-cü il tarixdə Qax şəhəri, Azərbaycan prospektində yerləşən kafedə X8 ilə türk domino oyunu oynamışlar. Həmin vaxtı masanın üzərində olan pul içdikləri çaya görə ödənilməli olan pul olmuşdur. Lakin polis əməkdaşları onları dominonu pulla oynadıqlarına görə akt tərtib etmiş, sonra barəsində protokol tərtib etmişlər. Məhkəmədən ona köməklik edilməsini xahiş etdi. Məhkəmə iclasında şahid X9 izfadə verərək göstərdi ki, o Şəxs, X8, X4 xx.xx.2023-cü il tarixdə Qax şəhəri, Azərbaycan prospektində yerləşən kafedə türk dominosu ilə oyun oynamışlar. Həmin vaxtı kafeyə polis əməkdaşı gəlmişdir. Polis tərəfindən baxış keçirilən zaman domino oynadıqları masanın üzərində olan dominolar və çaya görə ödənilməli olan pul akt tərtib edilərək götürülmüşdür. Məhkəmə iclasında şahid X1 Rəsulovun ifadəsi ilə eyni məzmunlu ifadə verərək onun göstərdiklərini təsdiq etmişdir. Barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İXM-nin 525-ci maddəsi ilə nəzərdə tutulan inzibati xətanı törətməsi, qumar oyununda iştirak etmə, yəni qumar oynaması iş materialları və şahidlərin ifadələri ilə tam sübuta yetirilmişdir. İşdə Şəxs məsuliyyətini yüngülləşdirən və ağırlaşdıran hallar yoxdur. Belə olan halda məhkəmə hesab edir ki, barəsində inzibati xəta haqqında iş üzrə icraat aparılan şəxs Şəxs barəsində inzibati tənbeh vermə haqqında qərar qəbul edilməli və o, Azərbaycan Respublikası İXM-nin 525-ci maddəsi ilə təqsirli bilinib həmin maddənin sanksiyası daxilində oyun ləvazimatı, habelə qumara qoyulmuş pul vəsaitləri və ya digər əmlak müsadirə edilməklə cərimə olunmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40.0.1,43,84,106,114,115 117-ci maddələrini rəhbər tutub məhkəmə, qərara aldı : Barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İnzibati Xətalar Məcəlləsinin 525-ci maddəsində nəzərdə tutulan inzibati xətanı törətməkdə təqsirli bilinib 3000(üç min) manat inzibati cərimə edilsin. 5 manat məbləğində qumara qoyulmuş pul vəsaiti və oyun ləvazimatı olan 105 ədəd domino daşları və 2 ədəd daşların yığılması üçün istifadə edilən əşyalar müsadirə edilsin. Qərardan 10 (on) gün müddətində Qax rayon Məhkəməsi vasitəsilə Şəki Apellyasiya Məhkəməsinə apellyasiya şikayəti verilə bilər. Hakim: Malik Qarayev.