Qax Rayon Məhkəməsi Qərar — İş №3(024)-42/2024

Azərbaycan Respublikası adından QƏRAR Qax rayonu İş № 3(024)-42/2024 04.03.2024 QAX RAYON MƏHKƏMƏSİ Hakim Qarayev Malik İbrəhim oğlunun sədrliyi, Məhkəmə iclası katibi Fətəliyev Mansur Məhəmməd oğlunun katibliyi ilə, Qax rayon İcra və Probasiya şöbəsinin icra məmuru, İİ dərəcəli ədliyyə qulluqçusu X1, Barəsində inzibati xəta haqqında iş üzrə icraat aparılan şəxs Şəxs iştirakı ilə. Şəxs-xx.xx.1995-ci ildə Qax rayonunda anadan olmuş, Azərbaycan Respublikasının vətəndaşı, Qax şəhəri, M.Məmmədov küçəsi, ev 3 A-da yaşayan, FİN-11UX9FG onun barəsində Qax rayon İcra və Probasiya şöbəsi tərəfindən Azərbaycan Respublikası İXM-nin 528.1-ci maddəsi ilə daxil olmuş inzibati xəta haqqında materiala baxaraq, müəyyənetdi: Qax rayon İcra və Probasiya şöbəsinin rəisi, kiçik ədliyyə müşaviri X3 tərəfindən Şəxs barəsində, Qax rayon Məhkəməsinin 2(024)-657 nömrəli, xx.xx.2018-ci il tarixli icra vərəqəsinin icra edilməsi barədə icra məmurunun qanuni tələblərini yerinə yetirməməsi haqqında xx.xx.2024-cü il tarixli, MN № ******* saylı inzibati xəta haqqında protokol tərtib edilmişdir. Qax rayon İcra və Probasiya şöbəsinin icra məmuru, İİ dərəcəli ədliyyə qulluqçusu X2 izahat verərək bildirdi ki, Qax rayon Məhkəməsinin 2(024)-657 nömrəli, xx.xx.2018-ci il tarixli icra sənədi üzrə borclu Şəxs 344 manat məbləğində pul vəsaiti tutularaq tələbkar "xxxx" MMC xeyrinə ödənilməlidir. İcra sənədi üzrə xx.xx.2018-ci il tarixdə icraata başlamaq haqqında qərar qəbul edilmiş və borcluya tələbin könüllü icrası üçün qanunda nəzərdə tutulmuş müddətdə vaxt verilmişdir. Qax Rayon Məhkəməsinin 2(024)-316/2023 nömrəli, xx.xx.2023-cü il tarixli icra sənədinə əsasən xx.xx.1995-ci ildə Qax şəhərində anadan olmuş, Qax şəhəri, Məmmədəli Məmmədov küçəsi, ev 3A-da pasport qeydiyyatında olan borclu Şəxs xx.xx.2022-ci il tarixli bank hesabı, debet kartı və zaminlik haqqında qarışıq müqaviləsi üzrə ödənilməmiş qalan 259.94 manat məbləğində əsas borcu, 22.71 manat hesablanmış faiz borcu, 15.29 manat cərimə borcu, 2.00 manat müqavilədə nəzərdə tutulmuş xərclər və komissiyalar üzrə borc, 4.80 manat bildirişlərin göndərilməsi üzrə poçt xərclərinin, cəmi 304.74 manat məbləğində pul vəsaitinin və 30 manat ödənilmiş dövlət rüsumunun tutularaq “X6 Azərbaycan” QSC-nin xeyrinə ödənilməlidir. İcra sənədi üzrə xx.xx.2023-cü il tarixdə icraata başlamaq haqqında qərar qəbul edilmiş və borcluya tələbin könüllü icrası üçün qanunda nəzərdə tutulmuş müddətdə vaxt verilmişdir. Qax Rayon Məhkəməsinin 2(024)-147/2023 nömrəli, xx.xx.2023-cü il tarixli icra sənədi üzrə borclu Şəxs 6879.84 manat kredit üzrə əsas məbləğ borcu, 474.70 manat hesablanmış faiz borcu, 68.38 manat cərimə borcu və ərizənin məhkəməyə verilməsi üçün ödənilmiş 94.22 manat dövlət rüsumu alınaraq tələbkar "X7 Azərbaycan" QSC-nin xeyrinə ödənilməlidir. İcra sənədi üzrə xx.xx.2023-cü il tarixdə icraata başlamaq haqqında qərar qəbul edilmiş və borcluya tələbin könüllü icrası üçün qanunda nəzərdə tutulmuş müddətdə vaxt verilmişdir. Borcluya icra sənədləri üzrə borcun ödənilməsi ilə bağlı xəbərdarlıq edilmiş və qanunvericiliyə müvafiq daşıdığı məsuliyyət izah olunmuşdur. Lakin bütün bunlara baxmayaraq borclu tərəfindən keçən müddət ərzində tələbin icrası təmin olunmamışdır. İcra sənədinin məcburi icrası ilə əlaqədar olaraq borclunun mülkiyyətində tələbin yönəldiləsi əmlakının, banklarda pul vəsaitləri və ya başqa sərvətlərin olubolmaması, pensiya və müavinət alıb- almaması barədə müvafiq orqanlara sorğular verilmişdir. Nəticədə borclunun adına hər hansı əmlak, banklarda pul vəsaiti və ya başqa sərvətlərin olmadığı müəyyən edilmişdir. Şöbəyə xx.xx.2024-cü il tarixdə verdiyi izahatında borclu Şəxs icra sənədləri üzrə qeyd olunan borcları tam ödəmək imkan olmadığını bildirmişdir. Qeyd olunan borcları ayda hissə hissə ödəyəbiləcəyini qeyd etmişdir. Göstərilənlərə əsasən borclu Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. Şəxs qanuni cəza verilməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək göstərdi ki, Qax rayon Məhkəməsinin 2(024)-657 nömrəli, xx.xx.2018-ci il tarixli icra sənədi üzrə borclu ondan 344 manat məbləğində pul vəsaiti tutularaq tələbkar "xxxx" MMC xeyrinə və Qax Rayon Məhkəməsinin 2(024)- 316/2023 nömrəli, xx.xx.2023-cü il tarixli icra sənədinə əsasən ondan xx.xx.2022-ci il tarixli bank hesabı, debet kartı və zaminlik haqqında qarışıq müqaviləsi üzrə ödənilməmiş qalan 259.94 manat məbləğində əsas borcu, 22.71 manat hesablanmış faiz borcu, 15.29 manat cərimə borcu, 2.00 manat müqavilədə nəzərdə tutulmuş xərclər və komissiyalar üzrə borc, 4.80 manat bildirişlərin göndərilməsi üzrə poçt xərclərinin, cəmi 304.74 manat məbləğində pul vəsaiti və 30 manat ödənilmiş dövlət rüsumunun tutularaq “X6 Azərbaycan” QSC-nin xeyrinə ödənilməlidir. Tələbkarlara olan borcunu maddi imkanı və işi olmadığı üçün ödəyə bilməmişdir. Hazırda tələbkar “X6 Azərbaycan” QSC-nin xeyrinə xx.xx.2024-cü il tarixdə 348 manat pul ödəmişdir. Ona görə də məhkəmədən barəsində olan işin icraatına xitam verilməsini xahiş etdi. İş materiallarına əlavə edilmiş qəbzlərin surətindən görünür ki, Şəxs xx.xx.2024-cü il tarixdə tələbkar “X6 Azərbaycan” QSC-nin xeyrinə 348 manat və "xxxx" MMC xeyrinə 344 manat məbləğində pul ödəmişdir. İcra məmurunun və barəsində inzibati xəta haqqında iş üzrə icraat aparılan şəxsin izahatlarını dinləyib, iş materiallarını araşdırıb, işdəki sübutlara hüquqi qiymət verərək məhkəmə hesab edir ki, Şəxs əməlində Azərbaycan Respublikası İXM-nin 528.1-ci maddəsində nəzərdə tutulmuş inzibati xətanın tərkibi olmadığı üçün hazırkı inzibati iş üzrə icraata xitam verilməlidir. Belə ki, Şəxs icra vərəqəsinin qərəzli olaraq icra etməməsi halları aşkar edilməmişdir. Azərbaycan Respublikası İXM-nin 528.1-ci maddəsinə əsasən məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə inzibati məsuliyyət nəzərdə tutulur. Azərbaycan Respublikası İXM-nin 3-cü maddəsinin tələbindən görünür ki, yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməl (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir. Başqa sözlə, şəxsin əməlində inzibati xətanın tərkibini təşkil edən 4 elementobyekt, obyektiv tərəf, subyektiv tərəf və subyekt olduqda, o, inzibati məsuliyyətə cəlb edilə və inzibati tənbeh tədbirinə məruz qala bilər. İnzibati xəta tərkibinin bu elementlərindən biri olmadıqda, şəxsin əməlində inzibati xətanın tərkibinin mövcudluğu istisna edilir. Azərbaycan Respublikası İXM-nin 12-ci maddəsinə əsasən bu Məcəllə ilə qorunan ictimai münasibətlərə qəsd edən, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Yuxarıda qeyd olunan qanun normalarından görünür ki, Azərbaycan Respublikası İXM-nin 528.1-ci maddəsi ilə məsuliyyətin yaranması üçün inzibati xəta tərkibinin obyektiv tərəfinin vacib elementi kimi şəxsin hərəkətinin icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə yönəlməsi və subyektiv tərəfinin elementi kimi şəxsin əməlinin hüquqa zidd xarakterini dərk etməsi, onun nəticələrini qabaqcadan görməsi və həmin nəticələri arzu etməsi, yəni şəxsin etdiyi hərəkətləri qəsdən törətməsi zəruri şərtlər kimi müəyyən edilmişdir. Azərbaycan Respublikası Konstitusiya Məhkəməsi Plenumunun Azərbaycan Respublikası İnzibati Xətalar Məcəlləsinin 528.1-ci maddəsinin həmin Məcəllənin 9.2 və 35-ci maddələri baxımından şərh edilməsinə dair” 2018-ci il 4 sentyabr tarixli Qərarında qeyd etmişdir ki, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi mütləq inzibati həbslə nəticələnməməli, icra məmurları müxtəlif qanuni vasitələrlə məhkəmə aktlarının icrasının təmin edilməsi üçün şərait yaratmalı və yalnız bütün imkanlar tükəndikdən sonra sərt inzibati və cinayət təsiri tədbirlərindən istifadə etməlidirlər. Lakin hazırki iş üzrə Qax rayon İcra və Probasiya şöbəsi məhkəmə aktının icrasının təmin edilməsi üçün bütün imkanlardan istifadə etməmişdir. Azərbaycan Respublikası İnzibati Xətalar Məcəlləsinin 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 53.1.2, 114.1.4, 115, 128-130-cu maddələrini rəhbər tutaraq məhkəmə, qərara aldı : Şəxs barəsində Azərbaycan Respublikası İXM-nin 528.1-ci maddəsi ilə başlanmış inzibati xəta haqqında iş üzrə icraata, onun əməlində inzibati xəta tərkibi olmadığı üçün xitam verilsin. Qərardan 10(on) gün müddətində Qax Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti və ya protesti verilə bilər. Hakim: Malik Qarayev