Qəbələ Rayon Məhkəməsi Qərar — İş №3(025)-102/2022

Azərbaycan Respublikası adından QƏRAR Qəbələ şəhəri İş № 3(025)-102/2022 04.03.2022 QƏBƏLƏ RAYON MƏHKƏMƏSİ Hakim Əliyev Abbas Baba oğlunun sədrliyi, Əbdürəhimova Fəridə Arif qızının katibliyi, İnzibati xəta haqqında protokol tərtib edən şəxs Qəbələ RPŞ İTB-nin sahə rəisi vəzifəsini müvəqqəti icra edən, polis kapitanı X8, Müdafiəçi - Qəbələ rayon Vəkil Bürosunun vəkili X1, Zərərçəkmiş şəxs, barəsində inzibati xəta haqqında iş üzrə icraat aparılan şəxs Şəxs iştirakları ilə Şəxs - 1978-ci il noyabrın 02-də Bakı şəhərində anadan olmuş, Azərbaycan Respublikası vətəndaşı, orta təhsilli, evli, işləməyən, ünvan 1 ünvanında qeydiyyatda olan və Qəbələ rayonu Aydınqışlaq kəndində yaşayan Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə tərtib olunan inzibati xəta haqqında protokol üzrə inzibati xəta haqqında işə açıq məhkəmə iclasında baxaraq, MÜƏYYƏN ETDİ: Məhkəmənin icraatına 04 mart 2022-ci il tarixdə Qəbələ RPŞ İTB-nin sahə rəisi vəzifəsini müvəqqəti icra edən, polis kapitanı X11 tərəfindən Şəxs barəsində tərtib olunmuş İnzibati xəta haqqında (İXH) protokollar və onlara əlavə edilmiş sənədlər daxil olmuşdur. İXH protokolda göstərilir ki, 02.02.2022-ci il tarixdə Qəbələ şəhərində yerləşən Qəbələ rayonu X3 Firəngiz Həsən qızı Zərərçəkmiş şəxs döyərək dərəcəsi təyin edilməyən bədən xəsarəti yetirmişdir. Bununla da, onun barəsində Azərbaycan Respublikasının İXM-nin 157-ci maddəsi ilə inzibati xətanın törətməsini nəzərdə tutan MN № ******* nömrəli, 04 mart 2022-ci il tarixli həmin İXH protokol tərtib olunmuşdur. Məhkəmə iclasında inzibati xəta haqqında protokolu tərtib etmiş Qəbələ RPŞ İTB-nin sahə rəisi vəzifəsini müvəqqəti icra edən, polis kapitanı X11 göstərdi ki, 02.02.2022-ci il tarixdə Qəbələ şəhərində yerləşən Qəbələ rayonu X3 Firəngiz Həsən qızı Zərərçəkmiş şəxs döyərək dərəcəsi təyin edilməyən bədən xəsarəti yetirmişdir. Həmin fakt üzrə cinayət işinin başlanması rədd edilmiş və qərarın surəti hadisəni törətmiş şəxs barəsində Azərbaycan Respublikası İXMnin 157-ci maddəsi ilə inzibati məsuliyyətə cəlb edilməsi üçün ona həvalə edilmişdir. Beləliklə, Şəxs barəsində tərəfindən Azərbaycan Respublikası İXM-nin 157-ci maddəsi ilə inzibati xəta haqqında protokollar tərtib olunmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü Azərbaycan Respublikası İXM-nin 157-ci maddəsi ilə təqsirli bilməyərək izahatında göstərdi ki, təxminən 6 ay əvvəl qızı X16 rayon Kiçik Pirəlli kənd sakini X9 ilə ailə həyat qurmuşdur. Qızının həyat yoldaşı ilə münasibətləri əvvəl normal olmuş, lakin son 3 ayda aralarında münaqişələr baş vermişdir. Baş verən münaqişələrə 31.01.2022-ci il tarixdə X19 yaşadıqları evdən çıxaraq onlara məxsus evə gəlmişdir. 01.02.2022-ci il tarixdə X19 və əri Azər Göyüşov ilə birlikdə Qəbələ rayon mərkəzi xəstəxanasınd getmişlər. Xəstəxanın giriş qapısından çıxan zaman Zərərçəkmiş şəxs və kürəkəni Məhəmməd Məmmədov ilə qarşılaşmışlar. Qızının əri Məhəmməd Məmmədovu görən kimi özünü itirmiş, vəziyyəti pisləşdikdə əri və özünü dərhal xəstəxananın qapısından çölə çıxarmışlar. 02.02.2022-ci il tarixdə saat təxminən 10 radələrində Qəbələ rayon xəstəxanasında olan zaman Zərərçəkmiş şəxs və Məhəmməd Məmmədov ilə qarşılaşmışlar. X12rı görən kimi Zərərçəkmiş şəxs üzərinə getmiş, onun saçlarından tutaraq yolmuşdur. Bu zaman o da əsəbləşərək onlara yaxınlaşmış və Zərərçəkmiş şəxs saçlarından tutaraq yolduqda yaxınlıqda olan tanımadığı şəxslər onları ayırmışdır. Məhkəmədən barəsində ədalətli qərar qəbul edilməsini xahiş edir. Məhkəmə iclasında müdafiəçi X2 barəsində inzibati xəta haqqında iş üzrə icraat aparılan şəxs Şəxs barəsində yüngül inzibati tənbeh tətbiq edilməsini xahiş etdi. Məhkəmə iclasında zərərçəkmiş şəxs qismində dindirilmiş Zərərçəkmiş şəxs izahatında göstərdi ki, təxminən 6 ay əvvəl oğlu X14 rayonu Aydınqışlaq kənd sakini X13 ilə ailə həyatı qurmuşdur. Əvvəllər münasibətləri normal olmuş, lakin son 3 ayda onların münasibətləri pisləşmişdir. Aralarında münaqişələr baş vermiş, baş vermiş münaqişələr səbəbindən 31.01.2022-ci il tarixdə gəlini Aysel Məmmədova yaşadıqları evdən çıxaraq atası evinə getmişdir. 01.02.2022-ci il tarixdə oğlu Məhəmməd Məmmədovla birlikdə Qəbələ rayon mərkəzi xəstəxanasına getmişlər. Xəstəxananın giriş qapısında qeydiyyata düşən zaman qəflətən Aysel Məmmədovanın və Azər Göyüşovun da xəstəxanadan çıxdıqlarını görmüşdür. Azər Göyüşov onları görən kimi qızını xəstəxananın qapısından çölə çıxarmış və oğlu Məməmmədin üzərinə gələrək vurmaq istəmişdir. Bu zaman araya girmiş və Azər Göyüşovun oğluna atdığı şillə ona dəymişdir. 02.02.2022-ci il tarixdə də yenidən oğlu Məhəmməd Məmmədovla birlikdə Qəbələ rayon mərkəzi xəstəxanasına getmiş, orada xəstəxananın içərisində olan Aysel Məmmədova və anası Frəngiz Göyüşova ilə üz-üzə gəlmişdir. Sonuncular onu görən kimi üzərinə gələrək saçlarından tutaraq yolmuşlar və baş nahiyyəsinə bir neçə dəfə şillə ilə vurduqda xəstəxanada olan tanımadığı şəxslər onları ayırmışdır. Şəxs ilə barışmamış və onun cəzalandırılmasını xahiş edir. İş materiallarında olan və məhkəmə baxışında tədqiq edilmiş Azərbaycan Respublikası Səhiyyə Nazirliyi Məhkəmə-tibbi ekspertiza və X7 canlı şəxsin ekspertizasının 02.02.2022-ci il tarixli 53 nömrəli rəyindən görünür ki, Zərərçəkmiş şəxs bədəni üzərində boyunun sol yuxarı hissəsinin və sol qulaq seyvanının arxa səthinin sıyrığı kimi xəsarəti vardır. Qeyd olunan xəsarətlər küt alətin (əşyaların) təsirindən müayinə olunanın yuxarıda göstərdiyi tarixdə, yəni 02 fevral 2022-ci ildə törənə bilər. Həmin xəsarətlər sağlamlığa zərər vurmayan bədən xəsarətinə aiddir. İş materiallarında olan “Cinayət işinin başlanmasının rədd edilməsi barədə” 18 fevral 2022-ci il tarixli qərarın surətindən görünür ki, baş vermiş hadisə ilə toplanmış HK-1/116 və HK-1/122 nömrəli materiallar üzrə cinayət işinin başlanması rədd edilərək X4, Şəxs və X10 Azərbaycan Respublikası İXM-nin 157-ci maddəsi ilə inzibati məsuliyyətə cəlb olunmaları üçün qərarın surəti Qəbələ RPŞ-nin İTB-yə göndərilmişdir. İnzibati xəta haqqında protokla əlavə edilmiş bir ədəd diskdə olan video görüntələrə məhkəmə iclasında baxış keçirilərəkən müəyyən edildi ki, 02.02.2022-ci il tarixdə Qəbələ şəhərində yerləşən Qəbələ rayonu X3 Firəngiz Həsən qızı Zərərçəkmiş şəxs döyərək dərəcəsi təyin edilməyən bədən xəsarəti yetirmişdir. Məhkəmə iclasında tədqiq edilmiş sübutlarla barəsində inzibati xəta haqqında iş üzrə icraat aparılan Şəxs Azərbaycan Respublikası İXM-nin 157-ci maddəsində nəzərdə tutulan inzibati xətanı törətməsi sübuta yetdiyindən, məhkəmə hesab edir ki, Şəxs həmin maddə ilə təqsirli bilinərək, inzibati məsuliyyətə cəlb edilməlidir. Azərbaycan Respublikası İnzibati Xətalar Məcəlləsinin 157-ci maddəsinə əsasən döymə və sair zorakı hərəkətlərlə qəsdən fiziki ağrı yetirməyə görə -üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Məhkəmə, barəsində inzibati xəta haqqında iş üzrə icraat aparılan şəxs Şəxs əməlində inzibati xətaya görə məsuliyyəti yüngülləşdirən hallar müəyyən olunmadı. Barəsində inzibati xəta haqqında iş üzrə icraat aparılan şəxs Şəxs əməlində inzibati xətaya görə məsuliyyəti ağırlaşdıran hallar müəyyən olunmadı. Azərbaycan Respublikası İXM-in 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən, yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-in 4-cü maddəsinə əsasən, bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Azərbaycan Respublikası İXM-in 6.1-ci maddəsinə əsasən, inzibati xətalara görə inzibati tənbeh həmin Məcəlləyə uyğun olaraq tətbiq edilir. Azərbaycan Respublikası İXM-in 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İXM-in 12.1-ci maddəsinə əsasən, həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-in 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Beləliklə, məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək, hesab edir ki, Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməkdə təqsirli bilinərək barəsində həmin maddənin sanksiyasında nəzərdə tutulmuş inzibati cərimə növündə inzibati tənbeh tətbiq edilməlidir. Şərh olunanlara əsasən və Azərbaycan Respublikası İXM-nin 40.0.1,43, 48-51, 55,114, 115,128-130 maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulan inzibati xətanı törətməkdə təqsirli bilinsin və barəsində 300 (üç yüz) manat inzibati cərimə tənbeh növü tətbiq edilsin. Qərarın surəti təqdim edildiyi və ya alındığı gündən 10 gün müddətində Qəbələ Rayon Məhkəməsi vasitəsilə və ya bilavasitə Şəki Apellyasiya Məhkəməsinə şikayət verilə bilər. Sədrlik edən: Abbas Əliyev