Qəbələ Rayon Məhkəməsi Qərar — İş №3(025)-204/2023

Azərbaycan Respublikası adından QƏRAR Qəbələ şəhəri İş № 3(025)-204/2023 03.05.2023 QƏBƏLƏ RAYON MƏHKƏMƏSİ Hakim İsayev Elman Bəhruz oğlunun sədrliyi, məhkəmə iclasının katibi Tahirova Ləman Kamran qızının katibliyi, Qəbələ rayon İcra və Probasiya şöbəsinin böyük icra məmuru X1, zərərçəkmiş şəxslər Azərbaycan Respublikası İqtı̇ sadı̇ yyat Nazı̇ rlı̇ yinin Yaninda Dövlət Vergı̇ Xı̇ dmətinin 10 saylı Ərazi rəl̇ıgreV̇ İdarəsinin nümayəndəsi X4, Zərərçəkmiş şəxs, barəsində inzibati qaydada icraat aparılan şəxs Ramazanlı Samı̇ r Mahı̇ r oğlunun və müdafiəçi Vəkil iştirakları ilə, xx.xx.1991-cı ildə ünvan 1 ünvanında qeydiyyatda olan Ramazanlı Samı̇ r Mahı̇ r oğlu barəsində Qəbələ rayon İcra və Probasiya şöbəsi tərəfindən daxil olmuş inzibati xəta haqqında materiallara baxaraq, məhkəmə M Ü Ə Y Y Ə N E T D İ: Qəbələ rayon İcra və Probasiya şöbəsinin böyük icra məmuru X2 xx.xx.2023-cü il tarixdə Ramazanlı Samı̇ r Mahı̇ r oğlunun Azərbaycan Respublikası İXM-nin 528.1-ci maddəsi ilə inzibati məsuliyyətə cəlb olunması barədə protokol tərtib edərək baxılması üçün Qəbələ Rayon Məhkəməsinə təqdim etmişdir. Məhkəmə iclasında Qəbələ rayon İcra və Probasiya şöbəsinin böyük icra məmuru X2 protokolu müdafiə edərək bildirdi ki, Qəbələ Rayon Məhkəməsinin 06 sentyabr 2016-cı il tarixli 2(025)-2547/2016 saylı, Qəbələ Rayon Məhkəməsinin 13 yanvar 2022-ci il tarixli e-2(025)- 155/2022 saylı, Qəbələ Rayon Məhkəməsinin 01 iyun 2022-ci il tarixli 2(025)-707/2022 saylı və 10 saylı Ərazi rəl̇ıgreV̇ İdarəsinin 25 noyabr 2022-ci il tarixli **********9362800 saylı icra sənədləri şöbəyə daxil olmuşdur. İcraata başlamaq haqqında qərar və bildiriş borcluya verilmiş, dəfələrlə yazılı və şifahi xəbərdarlıq olunmağına baxmayaraq borclu məhkəmə qərarının icrasından müxtəlif bəhanələrlə boyun qaçırmışdır. Hal-hazıradək borclu qərəzli olaraq məhkəmənin qanuni qüvvəyə minmiş qətnamələrinin icrasından yayınır. Qeyd olunan Qəbələ Rayon Məhkəməsinin 06 sentyabr 2016-cı il tarixli 2(025)-2547/2016 saylı, Qəbələ Rayon Məhkəməsinin 13 yanvar 2022-ci il tarixli e- 2(025)-155/2022 saylı, Qəbələ Rayon Məhkəməsinin 01 iyun 2022-ci il tarixli 2(025)-707/2022 saylı və 10 saylı Ərazi rəl̇ıgreV̇ İdarəsinin 25 noyabr 2022-ci il tarixli **********9362800 saylı sənədləri üzrə heç bir ödəniş etməmişdir. Məhkəmədən müvafiq qərar qəbul edilməsini xahiş etmişdir. Məhkəmə iclasında borclu Ramazanlı Samı̇ r Mahı̇ r oğlu verdiyi izahatında göstərmişdir ki, sözügedən borcu ödəməkdən qəsdən yayınmamışdır. Tələbkarlara olan borcunu hissə-hissə ödəmək istəyir. Borc məbləğini tam şəkildə ödəmək üçün isə onun maddi imkanı zəifdir. Heç bir yerdə işləmir. Qeyd edilənləri nəzərə alaraq məhkəmədən ədalətli qərar qəbul edilməsini xahiş etmişdir. Məhkəmə iclasında Zərərçəkmiş şəxs verdiyi izahatında göstərmişdir ki, Ramazanlı Samı̇ r Mahı̇ r oğlu Qəbələ Rayon Məhkəməsinin 13 yanvar 2022-ci il tarixli e-2(025)-155/2022 saylı qətnaməsini icra etmir. Dəfələrlə ondan borcun ödənilməsini tələb etsələr də, vədlər vermiş, lakin ödəməmişdir. Qeyd edilənləri nəzərə alaraq məhkəmədən Samir barəsində daha ağır cəza tədbiq edilməsini xahiş etmişdir. Məhkəmə iclasında zərərçəkmiş şəxs Azərbaycan Respublikası İqtı̇ sadı̇ yyat Nazı̇ rlı̇ yinin Yaninda Dövlət Vergı̇ Xı̇ dmətinin 10 saylı Ərazi rəl̇ıgreV̇ İdarəsinin nümayəndəsi X5 verdiyi izahatında göstərmişdir ki, Ramazanlı Samı̇ r Mahı̇ r oğlu 10 saylı Ərazi rəl̇ıgreV̇ İdarəsinin 25 noyabr 2022-ci il tarixli **********9362800 saylı icra sənədini icra etmir. Dəfələrlə ondan borcun ödənilməsini tələb etsələr də, vədlər vermiş, lakin ödəməmişdir. Qeyd edilənləri nəzərə alaraq məhkəmədən Samir barəsində inzibati qaydada tənbeh tədbiq edilməsini xahiş etmişdir. Məhkəmə iclasında müdafiəçi Vəkil izahatında göstərmişdir ki, hüquqlarını müdafiə etdiyi Ramazanlı Samı̇ r Mahı̇ r oğlu qeyd edilən qətnamələrinin icrasından qəsdən yayınmamışdır. Barəsində inzibati xəta haqqında iş üzrə icraat aparılan şəxs Ramazanlı Samı̇ r Mahı̇ r oğlunun inzibati xətanın törədilməsində inzibati xəta tərkibi olmadığı üçün, işin icraatına xitam verilməsini məhkəmədən xahiş etmişdir. Məhkəmə tərəfləri dinləyib, təqdim edilmiş inzibati xəta haqqında protokol və ona əlavə edilmiş sənədləri araşdıraraq, hesab edir ki, Ramazanlı Samı̇ r Mahı̇ r oğlu icra məmurunun qanuni tələblərinə tabe olmayaraq qeyd olunan icra sənədlərində göstərilən tələbi yerinə yetirməkdən yayınmışdır və o, Azərbaycan Respublikasının İXM-nin 528.1-ci maddəsi ilə inzibati məsuliyyətə cəlb edilməlidir. Konstitusiyanın 129-cu maddəsinin İ və İİ hissələrinə görə, məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur. Məhkəmə qərarlarının icrasının məcburiliyi “Məhkəmələr və hakimlər haqqında” Azərbaycan Respublikası Qanununun 5-ci maddəsində də əks olunmuşdur. Həmin maddəyə görə, məhkəmələr baxılmış işlər üzrə Azərbaycan Respublikası adından qətnamələr, hökmlər, qərardadlar və qərarlar çıxarırlar. Azərbaycan Respublikasının qanunvericiliyi ilə müəyyən edilmiş qaydada qanuni qüvvəyə minmiş bu qərarlar Azərbaycan Respublikası ərazisində bütün fiziki və hüquqi şəxslər tərəfindən mütləq, vaxtında və dəqiq icra olunmalıdır. Qanuni qüvvəyə minmiş məhkəmə qərarlarının icra edilməməsi Azərbaycan Respublikası qanunvericiliyi ilə nəzərdə tutulmuş məsuliyyətə səbəb olur. Azərbaycan Respublikası Mülki Prosessual Məcəlləsinin 15.1-15.3-cü maddələrində qeyd edilir ki, məhkəmə aktları qətnamə, qərardad, qərar və əmr formasında qəbul edilir. Məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Məhkəmə aktının icra olunmaması, habelə məhkəməyə digər hörmətsizlik halları qanunda nəzərdə tutulmuş məsuliyyətlə nəticələnir. Azərbaycan Respublikasında məhkəmə və digər orqanların qərarlarının məcburi icrası qaydaları və şərtləri “İcra haqqında” Azərbaycan Respublikasının Qanunu (bundan sonra – “İcra haqqında” Qanun) ilə tənzimlənir. İcra haqqında qanunvericilikdə məhkəmə və digər orqanların qərarlarının məcburi icrası vəzifəsi icra məmurunun üzərinə qoyulmuşdur və sonuncunun bununla əlaqədar tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. “İcra haqqında” Qanunun 3.2-ci maddəsinə əsasən, məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. Məhkəmə Ramazanlı Samı̇ r Mahı̇ r oğlu barəsində inzibati tənbeh tətbiq edərkən İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Beləliklə, inzibati tənbeh tədbiri tətbiq edərkən məhkəmə inzibati xətanın xarakterini, təqsirin dərəcəsini, barəsində inzibati xəta haqqında iş üzrə icraat aparılan şəxsin ailə və maddi vəziyyətini və işin digər hallarını nəzərə alaraq hesab edir ki, Ramazanlı Samı̇ r Mahı̇ r oğlu barəsində inzibati həbs növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 61, 106-109, 128-130-cu maddələrini rəhbər tutaraq, məhkəmə q ə r a r a a l d ı: Ramazanlı Samı̇ r Mahı̇ r oğlu Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta törətməkdə təqsirli bilinib, 10 (on) gün müddətinə inzibati qaydada həbs edilsin. Həbs etmənin əvvəli 03 may 2023-cü il tarixdən saat 17:00-dan hesablansın. Qərarın icrası Qəbələ Rayon Polis Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Şəki Apellyasiya Məhkəməsinə Qəbələ Rayon Məhkəməsi vasitəsi ilə şikayət verilə bilər. Sədrlik edən: Elman İsayev