Qəbələ Rayon Məhkəməsi Qərar — İş №3(025)-244/2023

Azərbaycan Respublikası adından QƏRAR Qəbələ şəhəri İş № 3(025)-244/2023 19.06.2023 QƏBƏLƏ RAYON MƏHKƏMƏSİ Hakim Əliyev Abbas Baba oğlunun sədrliyi, Əbdürəhimova Fəridə Arif qızının katibliyi, İnzibati xəta haqqında protokol tərtib edən şəxs Qəbələ RPŞ İTB-nin sahə rəisi, polis baş letyenantı X1, barəsində inzibati xəta haqqında işüzrə icraat aparılan Şəxs iştirakları ilə Şəxs - 1986-ci il iyulun 23-də Qəbələ rayon Nohurqışlaq kəndində doğulmuş, ali təhsilli, evli, Azərbaycan Respublikasının vətəndaşı, Qəbələ rayonu Nohurqışlaq kəndində qeydiyyatda olan və yaşayan Şəxs barəsində Azərbaycan Respublikasının İXM-nin 515.0.2-ci maddəsi ilə Azərbaycan Respublikası Daxili İşlər Nazirliyi Qəbələ rayon Polis şöbəsindən daxil olmuş inzibati xəta haqqında iş materiala açıq məhkəmə iclasında baxaraq, M ü ə y y ə n e t d i: Şəxs barəsində Azərbaycan Respublikası Daxili İşlər Nazirliyi Qəbələ rayon Polis şöbəsi tərəfindən 26 may 2023-cü il tarixdə MN ******* nömrəli inzibati xəta haqqında protokol tərtib edilərək, baxılması üçün məhkəməyə göndərilmişdir. İnzibati xəta haqqında protokoldan və ona əlavə edilmiş sənədlərdən görünür ki, Şəxs xx.xx.2023-cü il tarixdə həftənin cümə günləri özünə məxsus Qəbələ rayonu Nohurqışlaq kəndində yerləşən yaşayış evində dini yığıncaqları və dini mərasimlərin təşkili və keçirilməsi ilə bağlı qanunla müəyyən edilmiş qaydaları pozmuşdur. Bununla da, onun barəsində Azərbaycan Respublikasının İXM-nin 515.0.2-ci maddəsi ilə inzibati xətanın törətməsini nəzərdə tutan 26 may 2023-cü il tarixdə MN ******* nömrəli həmin inzibati xəta haqqında protokol tərtib olunmuşdur. Məhkəmə iclasında inzibati xəta haqqında protokol tərtib edən şəxs Qəbələ RPŞ İTBnin sahə rəisi, polis baş letyenantı X3 göstərdi ki, Qəbələ rayon Nohurqışlaq kəndində həmin kənd sakinləri X4, Şəxs və X2 mütəmadi olaraq həftənin cümə günləri növbəli şəkildə Şəxs və Rauf Nuruyevin həmin kənddə yerləşən yaşayış evlərində kütləvi dini ibadət, yığıncaq və digər dini mərasim təşkil edərək toplaşmaları, toplaşma zamanı müxtəlif dini müzakirələr aparmaları və dini ibadətləri həyata keçirmələri barədə məlum daxil olmuşdur. Müəyyən olunmuşdur ki, Şəxs xx.xx.2023-cü il tarixdə həftənin cümə günləri özünə məxsus Qəbələ rayonu Nohurqışlaq kəndində yerləşən yaşayış evində dini yığıncaqları və dini mərasimlərin təşkili və keçirilməsi ilə bağlı qanunla müəyyən edilmiş qaydaları pozmuşdur. Beləliklə, Şəxs barəsində tərəfindən Azərbaycan Respublikası İXM-nin 515.0.2-ci maddəsi ilə inzibati xəta haqqında protokoll tərtib olunmuşdur. Məhkəmə iclasında barəsində inzibati xəta haqqında iş üzrə icraat aparılan Şəxs özünü Azərbaycan Respublikası İXM-in 515.0.2-ci maddəsi ilə nəzərdə tutulan inzibati xətanı törətməkdə təqsirli bilərək göstərdi ki, özünü islam dininin sələfi qoluna mənsuz hesab edir və mənsub olduğu şəriyətin qaydalarına gücü daxilində riaət edir. Onunla birlikdə ailə üzvləri də sələfidirlər və həmin qaydalara onlarda öz gücləri daxilində riayət edirlər. O, ərazisində onunla bərabər ünsiyyətdə olduğu Şəxs, Nuriyev Rauf və Sərxan Abdullazadə və ailə üzvləri sələfidirlər və gücləri daxilində riayət edirlər. O, Ruslan və Rauf cümə günləri birgə namaz qılmaq məqsədi ilə birbirlərinə məxsus yaşayış evlərinə yığışırlar. Rauf uşaqları böyük olduğu üçün onları da gətirir. Həmin yığışmalar zamanı onlar namaz qılırlar. Qeyd etdiyi mənsub olduğu sələfilikdə namazın qılınma şəkli bəzi hərəkətlərə görə fərqlidir. Namazdan sonra onlar çay içirlər və fikirlərini bölüşürlər və dağılışırlar. Ruslan, Rauf və o fikir mübadiləsi zamanı məshəb barədə birbirlərindən bilmədiklərini öyrənirlər. Cümə günləri saat 13:00 radələrində görüşürlər, saat 14:00-dək dini ibadətlərini etdikdə və dini fikirlərini bölüşdükdən sonra dağılışırlar. O, qanunları oxumuş, amma törətdiyi əməlin pozuntu olmasını bilməmişdir. İlk dəfə məsuliyyətə cəlb olunmasını nəzərə alaraq məhkəmədən barəsində ədalətli qərar qəbul edilməsini xahiş edir. Məhkəmə iclasında şahid qismində dindirilmiş X4 izahatında göstərmişdir ki, özünü İslam dininin Sələfi qoluna mənsub hesab edir və mənsub olduğu şəriətin qaydalarına gücü daxilində riayət edir. Kənd ərazisində onunla bərabər ünsiyyətdə olduğu Şəxs, Məsimov Yasər və Sərxan Abdullazadə və ailə üzvləri də gücləri daxilində qaydalara riayət edirlər. O, Yasər və Ruslan cümə günləri birgə namaz qılmaq məqsədilə hərdən birbirlərinə məxsus yaşayış evlərinə yığışırlar. Həmin yığışmalar zamanı onlar namaz qılırlar. Sələfilikdə namazın qılınma şəkli bəzi hərəkətlərə görə fərqlidir. Onlar namaz qıldıqdan sonra çay içirlər və fikirlərini bölüşürlər. Ruslan, Yasər və o fikir mübadiləsi zamanı məzhəb barəsində bir birlərindən bilmədiklərini öyrənirlər. Adətən cümə günü toplaşırlar. İşləri olmadığı vaxt adətən cümə günlərində iştirak edirlər. Saat 13:00 radələrində görüşürlər və saat 14:00-dək dini ibadətlərini etdikdən və dini fikirləşdikdən sonra dağılışırlar. Məhkəmə iclasında tədqiq edilmiş sübutlarla barəsində inzibati xəta haqqında iş üzrə icraat aparılan Şəxs Azərbaycan Respublikası İXM-in 515.0.2-ci maddəsində nəzərdə tutulan inzibati xətanı törətməsi sübuta yetdiyindən, məhkəmə hesab edir ki, Şəxs həmin maddə ilə təqsirli bilinərək, inzibati məsuliyyətə cəlb edilməlidir. İş materiallarında olan Qəbələ RPŞ-nin İTB-nin polis sahə rəisi, polis baş leytenantı Rübail Əbdürəhimov tərəfindən Qəbələ RPŞ-nin rəisinə ünvanlanmış 26 may 2023-cü il tarixli raportda göstərilmişdir ki, xx.xx.2023-cü il tarixdə xidməti ərazisi olan Qəbələ rayon Nohurqışlaq kəndində həmin kənd sakinləri X4, Şəxs və X2 mütəmadi olaraq həftənin cümə günləri növbəli şəkildə Şəxs və Rauf Nuruyevin həmin kənddə yerləşən yaşayış evlərində kütləvi dini ibadət, yığıncaq və digər dini mərasim təşkil edərək toplaşmaları, toplaşma zamanı müxtəlif dini müzakirələr aparmaları və dini ibadətləri həyata keçirmələri barədə məlumat daxil olmuş, odur ki məlumatın yoxlanılması və aidiyyəti araşdırma aparılması üçün göstəriş verilməsi xahiş olunmuşdur. Azərbaycan Respublikası İXM-in 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən, yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-in 6.1-ci maddəsinin tələbinə görə, inzibati xətalara görə inzibati tənbeh həmin Məcəlləyə uyğun olaraq tətbiq edilir. Azərbaycan Respublikası İXM-in 12.1-ci maddəsində göstərilir ki, həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Məhkəmə barəsində inzibati xəta haqqında iş üzrə icraat aparılan Şəxs himayəsində azyaşlı uşaqlarının olmasını inzibati xətaya görə məsuliyyətini yüngülləşdirən hallar kimi müəyyən edir. Məhkəmə barəsində inzibati xəta haqqında iş üzrə icraat aparılan Şəxs inzibati xətaya görə məsuliyyətini ağırlaşdıran hallar müəyyən etmədi. Azərbaycan Respublikası İXM-in 4-cü maddəsinə əsasən, bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Azərbaycan Respublikası İXM-in 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İXM-in 515.0.2-ci maddəsinə əsasən, dini yığıncaqlar, yürüşlər və digər dini mərasimlərin təşkilinin və keçirilməsinin qanunla müəyyən edilmiş qaydalarının pozulmasına görə fiziki şəxslər min beş yüz manatdan iki min manatadək məbləğdə, vəzifəli şəxslər yeddi min manatdan səkkiz min manatadək məbləğdə cərimə edilir. Məhkəmə işin faktiki hallarını, o cümlədən barəsində inzibati xəta haqqında iş üzrə icraat aparılan Şəxs şəxsiyyətini, onun məsuliyyətini yüngülləşdirən halı, məsuliyyəti ağırlaşdıran halların olmamasını nəzərə almaqla hesab edir ki, o, Azərbaycan Respublikası İXM-nin 515.0.2-ci maddəsi ilə təqsirli bilinib, 1500 (bir min beş yüz) manat məbləğdə cərimə edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 114.1.1, 115, 117, 128-130-cu maddələrini rəhbər tutaraq, məhkəmə Q ə r a r a a l d ı: Şəxs Azərbaycan Respublikası İXM-nin 515.0.2-ci maddəsi ilə təqsirli bilinib, 1500 (bir min beş yüz) manat məbləğdə cərimə edilsin. Qərardan onun surəti rəsmi qaydada təqdim edildiyi gündən 10 gün müddətində Qəbələ Rayon Məhkəməsi vasitəsi ilə və ya birbaşa Şəki Apellyasiya Məhkəməsinə apellyasiya şikayəti verilə bilər. Sədrlik edən: Abbas Əliyev