Qəbələ Rayon Məhkəməsi Qərardad — İş №3(025)-252/2024

Azərbaycan Respublikası adından QƏRARDAD Qəbələ şəhəri İş № 3(025)-252/2024 13.05.2024 QƏBƏLƏ RAYON MƏHKƏMƏSİ Hakim Əliyev Abbas Baba oğlunun sədrliyi, Əbdürəhimova Fəridə Arif qızının katibliyi ilə X2 Nərimanov rayon DYPŞ Yol patrul xidməti inspektoru, polis baş serjantı X3 tərəfindən tərtib edilmiş xx.xx.2024-cü il tarixli, İXP ******* nömrəli protokoldan verdiyi şikayətə baxaraq, M Ü Ə Y Y Ə N E T D İ: X5 barəsində tərtib olunmuş Nərimanov rayon DYPŞ Yol patrul xidməti inspektoru, polis baş serjantı X3 tərəfindən tərtib edilmiş xx.xx.2024-cü il tarixli, İXP ******* nömrəli inzibati xəta haqqında protokolundan xx.xx.2024-cü il tarixdə Qəbələ Rayon Məhkəməsinə şikayət vermişdir. Məhkəmə şikayət ərizəsini və iş materiallarını araşdırıraq hesab edir ki, X2 şikayəti və ona əlavə edilmiş sənədlər geri qaytarılmalıdır. Azərbaycan Respublikasının İnzibati Xətalar Məcəlləsinin 128-ci maddəsinə əsasən, barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. İş materiallarından göründüyü kimi X5 barəsində protokol tərtib edilsə də, bu barədə qərar qəbul edilməsini təsdiq edən hər hansı bir sənəd şikayət ərizəsinə əlavə edilməmişdir. Məhkəmə tərəfindən “Elektron məhkəmə” sistemi vasitəsi araşdırılma aparılmış və məlum olmuşdur ki, X5 barəsində Nərimanov rayon DYPŞ Yol patrul xidməti inspektoru, polis baş serjantı X3 tərəfindən İXM-nin 342.5 və 333.1-ci maddələri ilə tərtib olunmuş inzibati xəta haqqında protokol baxılması üçün Bakı Şəhəri Nərimanov Rayon Məhkəməsinə göndərilmiş və Nərimanov Rayon Məhkəməsinin icraatında olmuş 3(005)-1318\2024 saylı inzibati işə baxılaraq yekun qərar qəbul edilmişdir. Digər tərəfdən mövcud qanunvericilikdə inzibati xəta haqqında protokoldan şikayət vermək hüququ nəzərdə tutulmamışdır. Məhkəmə X4 izah edir ki, hazırkı şikayəti ilə bağlı Bakı Şəhəri Nərimanov Rayon Məhkəməsinin icraatında olmuş 3(005)-1318\2024 saylı inzibati iş üzrə qəbul edilmiş qərardan müvafiq apellyasiya məhkəməsinə şikayət verə bilər. Göründüyü kimi, X5 tərəfindən isə protokol mübahisələndirilmiş, lakin protokol əsasında qəbul edilmiş qərar barədə hər hansı sübut məhkəməyə təqdim edilməmişdir. Azərbaycan Respublikası İXM-nın 128-ci maddəsini rəhbər tutaraq hesab edirəm ki, X2 Nərimanov rayon DYPŞ Yol patrul xidməti inspektoru, polis baş serjantı X1 xx.xx.2024-cü il tarixli, İXP ******* nömrəli protokoldan verdiyi şikayət və ona əlavə edilmiş sənədlər geri qaytarılmalıdır. Şərh olunanlara əsasən və Azərbaycan Respublikası İXM-nın 128-ci maddəsini rəhbər tutaraq, Q Ə R A R A A L D İ: X5 tərəfindən xx.xx.2024-cü il tarixli, İXP ******* nömrəli protokoldan verdiyi şikayət və ona əlavə edilmiş sənədlər geri qaytarılsın. Qərardaddan şikayət verilmir. Hakim: Abbas Əliyev