Qəbələ Rayon Məhkəməsi Qərar — İş №3(025)-327/2025

Azərbaycan Respublikası adından QƏRAR Qəbələ şəhəri İş № 3(025)-327/2025 16.07.2025 QƏBƏLƏ RAYON MƏHKƏMƏSİ Qəbələ rayon Məhkəməsi, X6 Oktay oğlunun sədrliyi, Məmmədova Gülanə Elmdar qızının katibliyi, Qəbələ rayon İcra və Probasiya şöbəsinin rəisi İ dərəcəli ədliyyə qulluqçusu X1, Zərərçəkmiş şəxs, barəsində inzibati xəta haqqında iş üzrə icraat aparılan şəxs Şəxs və Vəkil iştirakı ilə, xx.xx.1987-ci ildə Qəbələ rayonu, Həmzəlli kəndində anadan olmuş, AR vətəndaşı, evli, Qəbələ rayonu, Həmzəlli kəndində qeydiyyatda olan Şəxs barəsində AR İXM-nin 528.1-ci maddəsi ilə olan inzibati xəta haqqında iş üzrə icraatın materiallara açıq məhkəmə iclasında baxaraq MÜƏYYƏNETDİ: Şəxs barəsində AR İXM-nin 528.1-ci maddəsi ilə ondan ötrü inzibati xəta haqqında protokol (xx.xx.2025-ci il tarixli MN 1748999) tərtib olunmuşdur ki, o, xx.xx.2023-cü il tarixdən hesablanaraq, xx.xx.2020-ci il təvəllüdlü Ayan Pirkulyyevanın (Ayan Pirkuluyevanın) yetkinlik yaşına çatana qədər saxlanılması üçün tələbkar Uzukjemal Pırkulyyevanın xeyrinə hər ay 220 (iki yüz iyirmi) manat sabit pul məbləğində aliment ödəməsi barədə Bakı şəhəri Xəzər Rayon Məhkəməsinin xx.xx.2024cü il tarixli 2(003)-271/2024 saylı icra sənədi üzrə tələbi üzürsüz səbəbdən icra etməyərək 4840,0 manat borclu qalmışdır. Barəsində inzibati xəta haqqında Protokol tərtib olunmuş şəxs Şəxs özünü təqsirli bilməyərək göstərmişdir ki, xx.xx.2023-cü il tarixdən hesablanaraq, xx.xx.2020-ci il təvəllüdlü Ayan Pirkulyyevanın (Ayan Pirkuluyevanın) yetkinlik yaşına çatana qədər saxlanılması üçün tələbkar Uzukjemal Pırkulyyevanın xeyrinə hər ay 220 (iki yüz iyirmi) manat sabit pul məbləğində aliment ödəməsi barədə Bakı Şəhəri Xəzər Rayon Məhkəməsinin xx.xx.2024-cü il tarixli 2(003)-271/2024 saylı icra sənədi üzrə tələbi ödəməməsi üzürsüz səbəbdən olmamışdır. Belə ki, o, Uzukjemal Pırkulyyeva ilə Bakı şəhərində cəmi yeddi ay müddətində birlikdə yaşamış, xx.xx.2020-ci il təvəllüdlü X2 Respublikasında doğulmuşdur. Bakı şəhəri Xəzər Rayon Məhkəməsində işə baxılarkən uşağın ondan törəyib törəmədiyinin ekspertiza yolu ilə müəyyən edilməsindən ötrü vəsatət qaldırmışdır. Lakin işin nəticəsi barədə ona məlumat verilməmiş və qəbul edilmiş yekun məhkəmə aktını almamışdır. Bakı Şəhəri Xəzər Rayon Məhkəməsinin xx.xx.2024-cü il tarixli 2(003)-271/2024 saylı icra sənədindən xəbərsiz olduğu üçün Uzukjemal Pırkulyyevanın xeyrinə kəsilmiş alimenti ödəməmiş və 4840,0 manat aliment borcu yaranmışdır. Bakı Şəhəri Xəzər Rayon Məhkəməsinin xx.xx.2024-cü il tarixli 2(003)-271/2024 saylı qətnaməsinin surətini xx.xx.2025-ci il tarixdə öz təşəbbüsü ilə əldə etmiş və apellyasiya şikayəti vermişdir. Uşağın həqiqətən atası olduğu təsdiq olunacağı halda aliment borcunu tam şəkildə ödəməyə razıdır. Məhkəmə iclasında Zərərçəkmiş şəxs göstərmişdir ki, Bakı Şəhəri Xəzər Rayon Məhkəməsinin xx.xx.2024-cü il tarixli 2(003)-271/2024 saylı icra sənədi üzrə indiyədək heç bir məbləğin ödənilməsi təmin edilməmişdir. Şəxs uşağın ata tərəfdən mənşəyinin müəyyən edilməsindən ötrü Bakı Şəhəri Xəzər Rayon Məhkəməsi tərəfindən təyin olunmuş ekspertizadan yayınaraq iki dəfə gəlməmişdir. Bakı Şəhəri Xəzər Rayon Məhkəməsinin xx.xx.2024-cü il tarixli 2(003)-271/2024 saylı icra sənədi üzrə yaranmış borcu tam şəkildə birdəfəlik ödəməsini Şəxs tələb edir. İşdə olan Bakı Şəhəri Xəzər Rayon Məhkəməsinin xx.xx.2024-cü il tarixli 2(003)-271/2024 nömrəli icra vərəqəsinə əsasən xx.xx.2020-ci il təvəllüdlü Ayan Pirkulyyevanın (Ayan Pirkuluyevanın) yetkinlik yaşına çatana qədər saxlanılması üçün xx.xx.2023-cü il tarixdən başlayaraq Şəxs hər ay 220 manat sabit pul məbləğində aliment tutularaq tutularaq Uzukjemal Pırkulyyevaya verilməlidir. Qəbələ Rayon İcra Qrupunun xx.xx.2024-cü il tarixli “İcraata başlamaq haqqında” Qərarının surətinə əsasən Bakı Şəhəri Xəzər Rayon Məhkəməsinin xx.xx.2024-cü il tarixli 2(003)-271/2024 nömrəli icra sənədi üzrə icraat başlanılmış və borcluya 10 gün müddətində icranı könüllü qaydada təmin etməsi təklif edilmişdir. İşdə olan AR-nın ƏN Qəbələ Rayon İcra Qrupu tərəfindən verilmiş xx.xx.2024-cü il tarixli e331433/2024-11-5-002 nömrəli bildirişin surətinə əsasən borclu Şəxs Bakı Şəhəri Xəzər Rayon Məhkəməsinin xx.xx.2024-cü il tarixli 2(003)-271/2024 nömrəli icra sənədi üzrə tələbi 10 gün müddətində könüllü qaydada təmin etməsi tələb olunmuşdur. İşdə olan Qəbələ Rayon Məhkəməmisnin xx.xx.2025-ci il tarixli 8(025)-72/2025 nömrəli qərardadına əsasən, Şəxs ölkədən getmək hüququ müvəqqəti, qətnamə icra olunana qədər məhdudlaşdırılmışdır. İşdə olan AR ƏN Qəbələ Rİ və Probasiya şöbəsi tərəfindən verilmiş arayışa əsasən Bakı Şəhəri Xəzər Rayon Məhkəməsinin xx.xx.2024-cü il tarixli 2(003)-271/2024 saylı icra sənədi üzrə Şəxs X3 4840,0 manat aliment borcu var. AR İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə inzibati məsuliyyət nəzərdə tutulmuşdur. Məhkəmə barəsində inzibati xəta haqqında protokol tərtib olunmuş şəxsi və icra sənədi üzrə tələbkarı dinləyib işdə olan materialları tədqiq edərək hesab edir ki, Şəxs Azərbaycan Respublikası İXM-nin 528.1-ci maddəsində nəzərdə tutulmuş inzibati xətanı törətmişdir. Ona görə də o, həmin maddə ilə təqsirli bilinib inzibati qaydada tənbeh olunmalıdırlar. AR İXM-nin 32.2-ci maddəsinə əsasən fiziki şəxslər barəsində inzibati tənbeh tədbiri tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İş üzrə məsuliyyəti ağırlaşdıran və yüngülləşdirən hallar müəyyən olunmamışdır. Məhkəmə hesab edir ki, törətdiyi inzibati xətanın xarakterini nəzərə alaraq Şəxs barəsində AR İXM-nin müvafiq maddəsinin sanksiyasında nəzərdə tutulmuş inzibati həbs növündə tənbeh tədbiri tətbiq olunmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 50, 114, 115, 117, 130 və 138-ci maddələrini rəhbər tutaraq Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinib, 15 (on beş) gün müddətinə inzibati qaydada həbs edilsin. Həbs etmənin əvvəli 16 iyul 2025-ci il tarixdən saat 12:15-dən hesablansın. Qərarın icrası Qəbələ Rayon Polis Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Şəki Apellyasiya Məhkəməsinə Qəbələ Rayon Məhkəməsi vasitəsi ilə şikayət verilə bilər. Hakim: Ülvi Qənbərov