Qəbələ Rayon Məhkəməsi Qərar — İş №3(025)-370/2021

Azərbaycan Respublikası adından QƏRAR Qəbələ şəhəri İş № 3(025)-370/2021 30.08.2021 QƏBƏLƏ RAYON MƏHKƏMƏSİ Hakim İsayev Elman Bəhruz oğlunun sədrliyi, məhkəmə iclasının katibi Tahirova Ləman Kamran qızının katibliyi, Qəbələ Rayon Polis Şöbəsinin DYPB-nin inspektoru X2, barəsində inzibati xəta haqqında iş üzrə icraat aparılan şəxs Şəxs və zərərçəkmiş Zərərçəkmiş şəxs iştirakları ilə, xx.xx.1951-ci ildə Qəbələ rayonu, Bılıx kəndində anadan olmuş, Qəbələ rayonu, Bılıx kəndində qeydiyyatda olan Şəxs barəsində Azərbaycan Respublikası Daxili İşlər Nazirliyi Qəbələ Rayon Polis Şöbəsindən daxil olmuş inzibati xəta haqqında materiala məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: İnzibati xəta haqqında protokoldan görünür ki, Şəxs 21.07.2021-ci il tarixdə saat 09:15 radələrində xırda buynuzlu heyvan sürüsünü asvalt örtüklü yola nəzarətsiz buraxmış, nəticədə heyvanlar həmin yolda hərəkətdə olan “VAZ-21099” markalı **-BL-*** dövlət qeydiyyat nişanlı avtomobilə dəyərək ziyan vurmuşdur. Qəbələ Rayon Polis Şöbəsinin DYPB-nin inspektoru X1 Mirzəhüseyn Ağahüseyn oğlunun Azərbaycan Respublikası İXM-nin 338.7-ci maddəsi ilə inzibati məsuliyyətə cəlb olunması barədə protokol tərtib edərək baxılması üçün Qəbələ Rayon Məhkəməsinə təqdim etmişdir. Məhkəmə iclasında inzibati protokolu tərtib edən şəxs DYPB-nin inspektoru X3 izahatında bildirmişdir ki, 21.07.2021-ci il tarixdə saat 09:15 radələrində xırda buynuzlu heyvan sürüsünü asvalt örtüklü yola nəzarətsiz buraxmış, nəticədə heyvanlar həmin yolda hərəkətdə olan “VAZ- 21099” markalı **-BL-*** dövlət qeydiyyat nişanlı avtomobilə dəyərək ziyan vurmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs törətdiyi inzibati xətada özünü təqsirli bilməyərək izahatında göstərmişdir ki, 21.07.2021-ci il tarixdə saat 09:45 radələrində özünə məxsus 80 baş qoyunu asvalt yolun qarşısına keçirdərkən qarşıdan gələn “VAZ-21099” markalı **-BL-*** dövlət qeydiyyat nişanlı avtomobil onunqoyunlarından 11-ni vurmuşdur. Məhkəmə iclasında zərərçəkmiş Zərərçəkmiş şəxs izahatında göstərmişdir ki, 21.07.2021-ci il tarixdə saat 09:45 radələrində özünə məxsus “VAZ-21099” markalı **-BL-*** dövlət qeydiyyat nişanlı avtomobili ilə Qəbələ rayon Bılıx kəndi ərazisində hərəkətdə olarkən, asvalt örtüklü yolda qəflətən qarşısına qoyun sürüsü çıxmışdır. Hadisənin qarşısını ala bilmədiyindən qoyun sürüsündən bir neçə qoyunu vurmuşdur. Hadisə zamanı heç bir bədən xəsarəti almamışdır, içkili vəziyyətdə olmamışdır. Məhkəmə Qəbələ Rayon Polis Şöbəsinin DYPB-nin inspektoru X3 tərəfindən tərtib edilmiş 21 iyul 2021-ci il tarixli, AP ******* saylı inzibati xəta haqqında protokolu və ona əlavə edilmiş iş materiallarını nəzərdən keçirib, tərəflərin izahatını dinləyib, toplanmış sübutlara məcmu halda hüquqi qiymət verərək hesab edir ki, Şəxs Azərbaycan Respublikası İnzibati Xətalar Məcəlləsinin 338.7-ci maddəsində nəzərdə tutulan əməli tərəflərin izahatları, eləcə də işin digər materialları ilə tam sübuta yetirilir. Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Məhkəmə, Şəxs barəsində inzibati tənbeh tətbiq edərkən İXM-nin 31.2-ci maddəsinə əsasən xətanın xarakterini, inzibati xəta törədən şəxsin şəxsiyyətini xarakterizə edən halları, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halları nəzərə alır. Beləliklə, inzibati tənbeh tədbiri tətbiq edərkən məhkəmə inzibati xətanın xarakterini, təqsirin dərəcəsini, barəsində inzibati xəta haqqında iş üzrə icraat aparılan şəxsin ailə və maddi vəziyyətini və işin digər hallarını nəzərə alaraq hesab edir ki, Şəxs Azərbaycan Respublikası İnzibati Xətalar Məcəlləsinin 338.7-ci maddəsi ilə təqsirli bilinməli və barəsində cərimə növündə inzibati tənbeh tətbiq edilməlidir. Göstərilənlərə əsasən və Azərbaycan Respublikası İXM-nin 40, 43, 48-51, 61, 106-109, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 338.7-ci maddəsində nəzərdə tutulmuş inzibati xəta törətməkdə təqsirli bilinib, 80 (səksən) manat məbləğində cərimə edilsin. Qərarın surəti təqdim edildiyi və ya alındığı gündən 10 gün müddətində Şəki Apellyasiya Məhkəməsinə Qəbələ Rayon Məhkəməsi vasitəsi ilə şikayət verilə bilər. Sədrlik edən Elman İsayev