Qəbələ Rayon Məhkəməsi Qərar — İş №3(025)-410/2024

Azərbaycan Respublikası adından QƏRAR Qəbələ şəhəri İş № 3(025)-410/2024 08.08.2024 QƏBƏLƏ RAYON MƏHKƏMƏSİ Qəbələ rayon Məhkəməsi, X5 Oktay oğlunun sədrliyi, məhkəmə iclas katibi Tahirova Ləman Kamran qızının katibliyi, inzibati protokolu tərtib edən şəxs Qəbələ Rayon Polis Şöbəsinin İTB-nin polis sahə rəisi, polis baş leytenantı X1, barəsində inzibati xəta haqqında iş üzrə icraat aparılan şəxs Şəxs və müdafiəçi Vəkil iştirakı ilə, xx.xx.1969-cu ildə Qəbələ rayonu, Nic qəsəbəsində anadan olmuş, AR vətəndaşı, subay, Bakı şəhəri, Buzovna qəsəbəsi, R.İmanov küçəsi keçid 2151, A-yataqxana №1 ev 5-də qeydiyyatda olub Qəbələ rayonu, Nic qəsəbəsində yaşayan Şəxs barəsində Azərbaycan Respublikası 510-cu maddəsi ilə olan inzibati xəta haqqında protokola və toplanmış materiallara açıq məhkəmə iclasında baxaraq M Ü Ə Y Y Ə N E T D İ: Şəxs barəsində AR İXM-nin 510-cu maddəsi ilə ondan ötrü inzibati xəta haqqnda ptotokol (xx.xx.2024-cü il tarixli MN 2012807) tərtib edilmişdir ki, o, xx.xx.2024-cü il tarixdə Qəbələ rayonu, Nic qəsəbəsinin mərkəzində yerləşən çayxanada ünvanlı və ünvansız nalayiq ifadələr işlədərək ictimai qaydanı pozmuşdur. . Barəsində inzibati xəta haqqında protokol tərtib olunmuş şəxs Şəxs izahatında göstərmişdir ki, o, Nic qəsəbəsində yaşayır və fərdi qaydada fəhlə işləyərək qazanc əldə edir. xx.xx.2024-cü il tarixdə o, Qəbələ rayonu, Nic qəsəbəsində yerləşən çayxanaya gedib çay içmiş, lakin çayını içib bitirməmiş çayxana işçisi gələrək masanı yığışdırmışdır. Bundan sonra o, həmin işçidən çayı nəyə görə götürdüyünü soruşmuş və kobud rəftara məruz qalaraq nalayiq ifadələr işlətmişdir. İş üzrə şahid X2 izahatında göstərmişdir ki, Qəbələ rayonu, Nic qəsəbəsində yerləşən kafe ona məxsusdur. Şəxs sərxoş halda tez-tez kafeyə gəlir və nalayiq ifadələr işlədərək ictimai qaydanı pozur. Onun hərəkətləri ilə bağlı dəfələrlə polisə şikayət olunmuş, lakin Hüseyn ona edilən xəbərdarlıqlara məhəl qoymamışdır. xx.xx.2024-cü il tarixdə Şəxs növbəti dəfə kafeyə gəlib ünvanlı və ünvasız nalayiq ifadələr işlədərək orda olan insanların narahatçılığına və narazılığına səbəb olmuşdur. Ona görə də, onun hərəkətləri barədə Qəbələ RPŞ-ə məlumat vermişdir. İş üzrə şahid X3 izahatında göstərmişdir ki, o, xx.xx.2024-cü il tarixdə Qəbələ rayonu, Nic qəsəbəsində yerləşən çayxanada qohumları ilə çay içərkən Şəxs onların əyləşdiyi masaya yaxınlaşmış və dizini masaya dayayaraq heç bir səbəb olmadan nalayiq ifadələr işlətmişdir. Şəxs çıxıb getməsini tələb etdikdə Hüseyn ona “sən kimsən, sənin burda torpağın yoxdur” deyərək cavab vermişdir. AR İXM-nin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 510-cu maddəsinə əsasən xırda xuliqanlıq, yəni ictimai qaydanı pozan və ya fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə inzibati mnəsuliyyət nəzərdə tutulmuşdur. Məhkəmə barəsində inzibati xəta haqqında protokol tərtib olunmuş şəxsi və şahidləri dinləyib işdə olan materialları tədqiq edərək hesab edir ki, Şəxs Azərbaycan Respublikası İXM-nin 510-cu maddəsində nəzərdə tutulan inzibati xətanı törətmişdir. Ona görə də o, həmin maddə ilə təqsirli bilinib inzibati qaydada tənbeh olunmalıdırlar. AR İXM-nin 32.2-ci maddəsinə əsasən fiziki şəxslər barəsində inzibati tənbeh tədbiri tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə baş vermiş inzibati xətanın xarakterini nəzərə alıb Şəxs barəsində AR İXM-nin müvafiq maddəsinin sanksiyasında nəzərdə tutulmuş həbs növündə tənbeh tədbiri tətbiq olunmasını məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 112,115, 130 və 138-ci maddələrini rəhbər tutaraq Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməkdə təqsirli bilinib 5 (beş) gün müddətinə inzibati qaydada həbs edilsin. Həbs etmənin əvvəli 08 avqust 2024-cü il tarixdən saat 15:25-dən hesablansın. Qərarın icrası Qəbələ Rayon Polis Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Şəki Apellyasiya Məhkəməsinə Qəbələ Rayon Məhkəməsi vasitəsi ilə şikayət verilə bilər. Hakim: Ülvi Qənbərov