Qəbələ Rayon Məhkəməsi Qərar — İş №3(025)-416/2022

Azərbaycan Respublikası adından QƏRAR Qəbələ şəhəri İş № 3(025)-416/2022 21.09.2022 QƏBƏLƏ RAYON MƏHKƏMƏSİ Hakim İsayev Elman Bəhruz oğlunun sədrliyi, məhkəmə iclasının katibi Tahirova Ləman Kamran qızının katibliyi, inzibati protokolu tərtib edən şəxs Qəbələ Rayon Polis Şöbəsinin İTBnin polis sahə rəisi polis kapitanı Zamiq Nadirovun, Zərərçəkmiş şəxs, barəsində inzibati xəta haqqında iş üzrə icraat aparılan Şəxs və müdafiəçisi X1 iştirakları ilə, xx.xx.1996-cı ildə Ukrayna Respublikası Donetsk şəhərində anadan olmuş, Qəbələ rayonu, Nic qəsəbəsində qeydiyyatda olan Şəxs barəsində Qəbələ Rayon Polis Şöbəsindən daxil olmuş inzibati xəta haqqında materiala məhkəmənin inzibati binasında açıq məhkəmə iclasında baxaraq, məhkəmə MÜƏYYƏNETDİ: İnzibati xəta haqqında protokoldan görünür ki, Şəxs xx.xx.2022-ci il tarixdə Qəbələ rayonu, Nic qəsəbəsində, bağ sahəsində aralarında olan mübahisə zamanı qonşusu Zərərçəkmiş şəxsya zor tətbiq edərək sonuncuya sağlamlığa zərər vurmayan bədən xəsarətləri yetirmişdir. Cinayət işinin başlanmasının rədd edilməsi barədə 12 sentyabr 2022-ci il tarixli qərarına əsasən Şəxs əməlində Azərbaycan Respublikasının İXM-nin 157-ci maddəsinin tərkib əlaməti olmasına görə barəsində inzibati icraat başlanması və həmin maddə ilə protokol tərtib olunub inzibati məsuliyyətə cəlb olunması üçün Qəbələ RPŞ-nə göndərilməsi qərara alınmışdır. Qəbələ Rayon Polis Şöbəsinin İTB-nin polis sahə rəisi polis kapitanı Zamiq Nadirov Şəxs Azərbaycan Respublikası İXM-nin 157-ci maddəsi ilə inzibati məsuliyyətə cəlb olunması barədə protokol tərtib edərək baxılması üçün Qəbələ Rayon Məhkəməsinə təqdim etmişdir. Məhkəmə iclasında inzibati protokolu tərtib edən şəxs Qəbələ Rayon Polis Şöbəsinin İTBnin polis sahə rəisi polis kapitanı Zamiq Nadirov izahatında bildirmişdir ki, Şəxs xx.xx.2022-ci il tarixdə Qəbələ rayonu, Nic qəsəbəsində, bağ sahəsində aralarında olan mübahisə zamanı qonşusu Zərərçəkmiş şəxsa zor tətbiq edərək sonuncuya sağlamlığa zərər vurmayan bədən xəsarətləri yetirmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs törətdiyi inzibati xətada özünü təqsirli bilməyərək izahatında göstərmişdir ki, X11 və onun heyat yoldaşı X3 qonşusudur. xx.xx.2022-ci il tarixdə günorta saat 12 radələrində qayınanası X6 ilə birlikdə öz bağ sahəsində olarkən X4rın bağ sahəsinə gələrək “bura bizim bağımızdır, bağımızdan çıxın” dedi. Daha sonra ünvanlarına nalayiq ifadələr söylədi. Daha sonra isə Sveta Dallari həyat yoldaşı X9 zəng vuraraq “bunlar bizim bağımıza girib” dedi. Bir neçə dəqiqədən sonra X11 və onun oğlu birlikdə gəldi. X11 və onun heyat yoldaşı X15 onun qayınanasının üzərinə gəldi. Dallari Rafiqin oğlu da çəkiliş edirdi. Daha sonra Dallari Rafiq qayınanasına “bura mənim mülkümdür” dedi. Sveta əvvəlcə qayınanasının başının arxa nahiyyəsindən yumruqla bir neçə dəfə vurdu. Daha sonra onu yerə yıxdı və böyür nahiyyəsindən yumruqla bir neçə dəfə vurdu. Daha sonra Sveta qayınanasını sağ qol nahiyyəsindən yumruqla vurdu. X11 isə qayınanasını itələdi. Daha sonra X5 üzərinə gedərək telefonu ondan istədi. X15 onun sol ayaq nahiyyəsindən bir dəfə çubuqla vurdu. Rafiq Daliari isə onu vurmadı. Mübahisə 5-10 dəqiqə davam etdi. Mübahisə vaxtı orada heç kimə xəsarət yetirmədi. Kənar şəxslərdən orada heç kim yox idi. Məhkəmə iclasında Zərərçəkmiş şəxs izahatında göstərmişdir ki, X10 və onun ailəsi onun qonşusudur. xx.xx.2022-ci il tarixdə günorta saat 12 radələrində oğlu Dallari Murad ilə birlikdə bazarda idi. Həyat yoldaşı X7 zəng edərək qonşuları Dallari Slavik və onun ailə üzvlərinin özlərinə məxsus olan müikiyyetindəki fındıqları yığıdığını bildirdi. Dərhal oğlu ilə birlikdə ünvanlarına getdi. Daha sonra geri qayıdanda öz bağlarında Dallari Slavikin gəilini Şəxs ve Dallari Alvinanın orada olduğunu gördü. Dallari Alvinanın əlində çubuq var idi. Dallari Alvina əvvəlcə gəlib onun sağ qol nahiyyəsindən üç dəfə şillə ilə vurdu. Həyat yoldaşı X15 da orada idi. Daliari Alvina daha sonra onu çubuqla vurmaq istədi. Lakin, arvadı Dallari Sveta, Alvina Dallarinin əlindən çubuğu götürdü. Daha sonra isə Şəxs Arartovna onun üzərinə çubuqla gəldi ve çubuqla onun qarın nahiyyəsindən vurdu. Daliari Alvinanın daha sonra onun arvadı Sveta Daliarinin saçından tutub yoldu. Sonda isə Şəxs ilə barışmayacağını və ondan şikayətçi olduğunu bildirmişdir. Məhkəmə iclasında müdafiəçi – Qəbələ rayon Vəkil Bürosunun vəkili X2 barəsində inzibati xəta haqqında iş üzrə icraat aparılan Şəxs barəsində daha yüngül inazibati tənbeh növünün təyin edilməsini xahiş etdi. Azərbaycan Respublikası Səhiyyə Nazirliyinin Məhkəmə - Tibbi Ekspertiza və X14-Təcrübi və Tədris Birliyinin xx.xx.2022-ci il tarixli, 455 saylı rəyindən görünür ki, Zərərçəkmiş şəxs məhkəmə-tibbi müayinəsi zamanı bədən səthində aşkar edilmiş xəsarətlər – qarının ön divarının sıyrığı kimi xəsarəti vardır. Həmin xəsarətlər küt alətin (əşyanın) təsirindən müayinə olunanın qeyd etdiyi və qərarın təsviri hissəsində göstərilən xx.xx.2022-ci il tarixdə əmələ gələ bilər. Qeyd olunan xəsarət sağlamlığa zərər vurmayan bədən xəsarətinə aiddir. Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Məhkəmə Qəbələ Rayon Polis Şöbəsinin İTB-nin polis sahə rəisi polis kapitanı Zamiq Nadirov tərəfindən tərtib edilmiş 21 sentyabr 2022-ci il tarixli, MN № ******* saylı inzibati xəta haqqında protokolu və ona əlavə edilmiş iş materiallarını nəzərdən keçirib, inzibati xəta törətmiş şəxsin və zərərçəkmiş şəxsin izahatlarını dinləyib, toplanmış sübutlara məcmu halda hüquqi qiymət verərək hesab edir ki, Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulan əməli törətməsi tərəflərin izahatları, ekspert rəyi, eləcə də işin digər materialları ilə tam sübuta yetirilir. Məhkəmə, Şəxs barəsində inzibati tənbeh tətbiq edərkən İXM-nin 31.2-ci maddəsinə əsasən xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran halları nəzərə alır. Beləliklə, inzibati tənbeh tədbiri tətbiq edərkən məhkəmə inzibati xətanın xarakterini, təqsirin dərəcəsini, barəsində inzibati xəta haqqında iş üzrə icraat aparılan şəxsin ailə və maddi vəziyyətini və işin digər hallarını nəzərə alaraq hesab edir ki, Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirli bilinməli və barəsində cərimə növündə inzibati tənbeh tətbiq edilməlidir. Göstərilənlərə əsasən və Azərbaycan Respublikası İXM-nin 40, 43, 48-51, 61, 106-109, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xəta törətməkdə təqsirli bilinib, 300 (üç yüz) manat məbləğində cərimə edilsin. Qərarın surəti təqdim edildiyi və ya alındığı gündən 10 gün müddətində Şəki Apellyasiya Məhkəməsinə Qəbəblə Rayon Məhkəməsi vasitəsi ilə şikayət verilə bilər. Hakim Elman İsayev