Qəbələ Rayon Məhkəməsi Qərar — İş №3(025)-431/2020

Azərbaycan Respublikası adından QƏRAR Qəbələ şəhəri İş № 3(025)-431/2020 02.11.2020 QƏBƏLƏ RAYON MƏHKƏMƏSİ Hakim İsayev Elman Bəhruz oğlunun sədrliyi, məhkəmə iclasının katibi Quliyeva Günay Ələstun qızının katibliyi, Qəbələ Rayon Polis Şöbəsinin DYPB-nin polis baş serjantı X2, barəsində inzibati xəta haqqında iş üzrə icraat aparılan şəxs Şəxs və zərərçəkmiş Zərərçəkmiş şəxs iştirakı ilə, xx.xx.1968-ci ildə Qəbələ rayonu, Tikanlı kəndində anadan olmuş, Qəbələ rayonu, Yemişənli kəndində qeydiyyatda olan Şəxs barəsində Azərbaycan Respublikası Daxili İşlər Nazirliyi Qəbələ Rayon Polis Şöbəsindən daxil olmuş inzibati xəta haqqında materiala məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: İnzibati xəta haqqında protokoldan görünür ki, Şəxs xx.xx.2020-ci il tarixdə saat 12:00 radələrində iri buynuzlu inəyi asvalt örtüklü yola nəzarətsiz buraxmış, nəticədə heyvan həmin yolda hərəkətdə olan “VAZ-21074” markalı ** BX *** dövlət qeydiyyat nişanlı avtomobilə dəyərək ziyan vurmuşdur. Qəbələ Rayon Polis Şöbəsinin DYPB-nin polis baş serjantı X1 Tahir Həbil oğlunun Azərbaycan Respublikası İXM-nin 338.7-ci maddəsi ilə inzibati məsuliyyətə cəlb olunması barədə protokol tərtib edərək baxılması üçün Qəbələ Rayon Məhkəməsinə təqdim etmişdir. Məhkəmə iclasında inzibati protokolu tərtib edən şəxs DYPB-nin polis baş serjantı X4 izahatında bildirmişdir ki, Şəxs xx.xx.2020-ci il tarixdə saat 12:00 radələrində iri buynuzlu inəyi asvalt örtüklü yola nəzarətsiz buraxmış, nəticədə heyvan həmin yolda hərəkətdə olan “VAZ- 21074” markalı ** BX *** dövlət qeydiyyat nişanlı avtomobilə dəyərək ziyan vurmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs törətdiyi inzibati xətada özünü təqsirli bilərək izahatında göstərmişdir ki, xx.xx.2020-ci il tarixdə saat 08:30 radələrində özünə məxsus üç baş iribuynuzlu inəyi yaşadığı evdən təxminən 100 metr kənarda yerləşən açıq at sahəsinə buraxdı. xx.xx.2020-ci il tarixdə saat 12:30 radələrində həmkəndlisi tərəfindən ona zəng olunaraq bildirildi ki, ona məxsus iribuynuzlu inəyi Qəbələ rayonu, Yemişənli kəndi ərazisində asvalt yolda maşın vurub. Həmin vaxt Qəbələ şəhərində idi. Dərhal hadisə yerinə gəldi və inəyin ona məxsus olduğunu gördü. Ona məxsus inəklər yolda sahibsiz olduğundan bu hadisə baş vermişdir. Məhkəmə iclasında zərərçəkmiş Zərərçəkmiş şəxs izahatında göstərmişdir ki, xx.xx.2020ci il tarixdə saat 12:00 radələrində “VAZ-21074” markalı ** BX *** dövlət qeydiyyat nişanlı avtomobili ilə Mirzəbəyli kəndindən Bum qəsəbəsinə gedərkən Yemişənli kəndi ərazisində asvalt örtüklü yolda qəflətən qarşısına 3 baş iribuynuzlu inək çıxdı. Dərhal əyləci basdı, lakin məsafə yaxın olduğundan inəyi vurdu. Hadisə zamanı inəyin sağ buynuzu, sol arxa ayağı sındı. Daha sonra məlum oldu ki, həmin inək Qəbələ rayonu, Yemişənli kənd sakini Şəxs məxsusdur. Hadisə zamanı maşında tək olmuşdur, heç bir bədən xəsarəti almamışdır. Məhkəmə Qəbələ Rayon Polis Şöbəsinin DYPB-nin polis baş serjantı X4 tərəfindən tərtib edilmiş xx xxxxxxx 2020-ci il tarixli, AP ******* saylı inzibati xəta haqqında protokolu və ona əlavə edilmiş iş materiallarını nəzərdən keçirib, zərərçəkmiş şəxsin izahatını dinləyib, toplanmış sübutlara məcmu halda hüquqi qiymət verərək hesab edir ki, Şəxs Azərbaycan Respublikası İnzibati Xətalar Məcəlləsinin 338.7-ci maddəsində nəzərdə tutulan əməli tərəflərin izahatları, eləcə də işin digər materialları ilə tam sübuta yetirilir. Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Məhkəmə, Şəxs barəsində inzibati tənbeh tətbiq edərkən İXM-nin 31.2-ci maddəsinə əsasən xətanın xarakterini, inzibati xəta törədən şəxsin şəxsiyyətini xarakterizə edən halları, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halları nəzərə alır. Məhkəmə iclasında Şəxs məsuliyyətini yüngülləşdirən və ağırlaşdıran hallar müəyyən edilmədi. Beləliklə, inzibati tənbeh tədbiri tətbiq edərkən məhkəmə inzibati xətanın xarakterini, təqsirin dərəcəsini, barəsində inzibati xəta haqqında iş üzrə icraat aparılan şəxsin ailə və maddi vəziyyətini və işin digər hallarını nəzərə alaraq hesab edir ki, Şəxs Azərbaycan Respublikası İnzibati Xətalar Məcəlləsinin 338.7-ci maddəsi ilə təqsirli bilinməli və barəsində cərimə növündə inzibati tənbeh tətbiq edilməlidir. Göstərilənlərə əsasən və Azərbaycan Respublikası İXM-nin 40, 43, 48-51, 61, 106-109, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 338.7-ci maddəsində nəzərdə tutulmuş inzibati xəta törətməkdə təqsirli bilinib, 80 (səksən) manat məbləğində cərimə edilsin. Qərarın surəti təqdim edildiyi və ya alındığı gündən 10 gün müddətində Şəki Apellyasiya Məhkəməsinə Qəbələ Rayon Məhkəməsi vasitəsi ilə şikayət verilə bilər. Sədrlik edən Elman İsayev