Qəbələ Rayon Məhkəməsi Qərar — İş №3(025)-51/2021

Azərbaycan Respublikası adından QƏRAR Qəbələ şəhəri İş № 3(025)-51/2021 08.02.2021 QƏBƏLƏ RAYON MƏHKƏMƏSİ Hakim İsayev Elman Bəhruz oğlunun sədrliyi, məhkəmə iclasının katibi Quliyeva Günay Ələstun qızının katibliyi, inzibati protokolu tərtib edən şəxs Qəbələ Rayon Polis Şöbəsinin İTB-nin sahə rəisi polis leytenantı Elnur Umudəliyevin və barəsində inzibati qaydada icraat aparılan şəxs Şəxs iştirakı ilə, xx.xx.1968-ci ildə Qəbələ rayonu, Cığatelli kəndində anadan olmuş, Qəbələ rayonu, Cığatelli kəndində qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 590.1-ci maddəsi ilə nəzərdə tutulmuş inzibati xətanı törətməsinə dair Azərbaycan Respublikası DİN-nin Qəbələ rayon Polis Şöbəsindən daxil olmuş materiala baxaraq, məhkəmə müəyyən etdi: Şəxs xx.xx.2021-ci il tarixdə, Qəbələ rayonu, Cığatelli kəndində özünə məxsus olan icarə sənədi ilə qeydiyyatdan keçirilmiş 1 ədəd “İj” markalı, 16 kalibirli, tək lülə, M-30241 nömrəli ov silahının daşınması qaydalarını pozmuşdur. Qəbələ Rayon Polis Şöbəsinin İTB-nin sahə rəisi polis leytenantı Elnur Umudəliyev tərəfindən Şəxs Azərbaycan Respublikası İXM-nin 590.1-ci maddəsi ilə inzibati məsuliyyətə cəlb olunması barədə protokol tərtib edilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs törətdiyi inzibati xətada özünü təqsirli bilərək izahatında göstərdi ki, xx.xx.2021-ci il tarixdə, Qəbələ rayonu, Cığatelli kəndi ərazisində özünə məxsus 1 ədəd “İj” markalı, 16 kalibirli, tək lülə, M-30241 nömrəli ov silahı və həmin silaha məxsus iki ədəd patronla bağa gedirdi. Silah atəşə hazır vəziyyətdə idi və içində bir ədəd patron var idi. Bağa gedərkən silahı götürməyinin məqsədi qabağına hər hansı heyvan çıxarsa qorxutmaq olmuşdur. Həmin əraziyə ov məqsədi ilə getməmişdir. Qeyd olunan silahın ona məxsusluğu barədə bütün sənədlər yerindədir. Gələcəkdə də bu cür hallara yol verməyəcək. Sonda isə barəsində daha yüngül inzibati tənbeh verilməsini məhkəmədən xahiş etdi. Məhkəmə, Qəbələ Rayon Polis Şöbəsinin İTB-nin sahə rəisi polis leytenantı Elnur Umudəliyev tərəfindən tərtib edilmiş xx xxxxxx 2021-ci il tarixli MN № ******* saylı inzibati xəta haqqında protokolu nəzərdən keçirib, inzibati xəta törətmiş şəxsin izahatını dinləyib, toplanmış sübutlara məcmu halda hüquqi qiymət verərək hesab edir ki, Şəxs Azərbaycan Respublikası İnzibati Xətalar Məcəlləsinin 590.1-ci maddəsində nəzərdə tutulan əməli özünün izahatı, eləcə də işin digər materialları ilə tam sübuta yetirilir. Beləliklə, inzibati tənbeh tədbiri tətbiq edərkən məhkəmə inzibati xətanın xarakterini, təqsirin dərəcəsini, barəsində inzibati xəta haqqında iş üzrə icraat aparılan şəxsin ailə və maddi vəziyyətini və işin digər hallarını nəzərə alaraq hesab edir ki, Şəxs barəsində inzibati xətanın bilavasitə obyekti olmuş ov tüfəngi müsadirə edilməklə, cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 61, 106-109, 128-130-cu maddələrini rəhbər tutaraq, məhkəmə q ə r a r a a l d ı: Şəxs Azərbaycan Respublikası İnzibati Xətalar Məcəlləsinin 590.1-ci maddəsində nəzərdə tutulmuş inzibati xəta törətməkdə təqsirli bilinib, inzibati xətanın bilavasitə obyekti olmuş bir ədəd “İj” markalı, 16 kalibirli, tək lülə, M-30241 nömrəli ov silahı müsadirə edilməklə, 50 (əlli) manat məbləğdə cərimə edilsin. Qərarın icrası Qəbələ rayon Polis Şöbəsinə və Qəbələ rayon İcra və Probasiya şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Şəki Apellyasiya Məhkəməsinə Qəbələ Rayon Məhkəməsi vasitəsi ilə şikayət verilə bilər. Sədrlik edən Elman İsayev