Qəbələ Rayon Məhkəməsi Qərar — İş №3(025)-51/2025

Azərbaycan Respublikası adından QƏRAR Qəbələ şəhəri İş № 3(025)-51/2025 14.03.2025 QƏBƏLƏ RAYON MƏHKƏMƏSİ Qəbələ rayon Məhkəməsi Qənbərov Ülvi Oktay oğlunun sədrliyi, Məmmədova Gülanə Elmdar qızının katibliyi və AR DİN Qəbələ RPŞ-nin DYPB-nin İTÜBİ-nin polis kapitanı X3 iştirakı ilə, AR DİN AR DİN BDYPİ-nin «inzibati tənbeh vermə haqqında» xx.xx.2025-ci il tarixli EQ 25996780 nömrəli qərarından X4 tərəfindən verilmiş şikayətə açıq məhkəmə iclasında baxaraq M Ü Ə Y Y Ə N E T D İ: AR DİN BDYPİ-nin «inzibati tənbeh vermə haqqında» xx.xx.2025-ci il tarixli EQ 25996780 nömrəli qərarı ilə X4 xx.xx.2025-ci il tarixdə, saat 14:46 radələrində “Lada Niva” minik markalı **-HP-*** dövlət nömrə nişanlı avtomobili idarə edərək Qəbələ şəhəri, H.Əliyev prospektində dayanma və ya durma qaydasına riayət etmədiyinə görə AR İXM-nin 346.4-cü maddəsi ilə 80 manat cərimə edilmişdir. Barəsində qərar qəbul edilmiş şəxs X4 həmin qərardan məhkəməyə şikayət edib xx.xx.2025-ci il tarixdə, saat 14:46 radələrində “Lada Niva” minik markalı **-HP-*** dövlət nömrə nişanlı avtomobili idarə edərək Qəbələ şəhəri, H.Əliyev prospekti ilə hərəkətdə olarkən avtomobildə nasazlıq olduğu üçün qəza işıqlarını yandırıb nəqliyyat vasitəsini yolun dayanacaq olan hissəsinə tərəf çəkərək avtomobildən düşmədən nazaslığı aradan qaldırmağa çalışdığını və bu hərəkətləri ilə yol hərəkəti qaydaları əleyhinə heç bir inzibati xəta törətmədiyini göstərərək qeyd olunan qərarın ləğv edilməsini xahiş etmişdir. AR DİN Qəbələ RPŞ-nin DYPB-nin İTÜBİ-nin polis kapitanı X5 göstərmişdir ki, X4 xx.xx.2025-ci il tarixdə, saat 14:46 radələrində idarə etdiyi “Lada Niva” minik markalı **-HP-*** dövlət nömrə nişanlı avtomobili Qəbələ şəhəri, H.Əliyev prospektində, “Gəncə təndir”i adlı obyektin qarşısında dayanma üçün nəzərdə tutulan yerdə yox, zolaqdan kənarda saxlayaraq dayanma və ya durma qaydasını pozmuşdur. Pozuntu ərazidə quraşdırılmış kamera vasitəsi ilə qeydə alınmış və barəsində AR İXMnin 346.4-cü maddəsi ilə inzibati xəta haqqında elektron protokol tərtib edilərək inzibati qaydada tənbeh edilmişdir. Ona görə də, AR DİN Qəbələ Rayon DYPŞ-nin «inzibati tənbeh vermə haqqında» xx.xx.2025-ci il tarixli EQ 25996780 nömrəli qərarı qanuni hesab edilməlidir. İşdə olan fotoşəkildə X1 idarə etdiyi “Lada Niva” minik markalı **-HP-*** dövlət nömrə nişanlı avtomobilin xx.xx.2025-ci il tarixdə, saat 14:46 radələrində Qəbələ şəhəri, H.Əliyev prospektində “Gəncə təndiri”i obyektinin qarşısında dayanma üçün nəzərdə tutulan yerdə yox, kənarda dayanması görüntülənmişdir. AR İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. AR İXM-nin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 346.4-cü maddəsinə əsasən yanqoşqusu olmayan motosikletlər, mopedlər, velosipedlər və kiçik elektrik nəqliyyat vasitələri istisna olmaqla, digər nəqliyyat vasitələrinin yolun hərəkət hissəsinin kənarında ikinci və sonrakı cərgələrdə dayanmasına və ya durmasına görə məsuliyyət nəzərdə tutulmuşdur. Məhkəmə tədqiq olunmuş sübutlara əsasən X1 idarə etdiyi “Lada Niva” minik markalı **-HP-*** dövlət nömrə nişanlı avtomobilin xx.xx.2025-ci il tarixdə, saat 14:46 radələrində “Qəbələ şəhəri, H.Əliyev prospekti ilə hərəkətdə olarkən nasazlıq səbəbindən yolun hərəkət hissəsinin kənarında dayandığı öz təsdiqini tapmamışdır. Ona görə də, səlahiyyətli orqan X2 AR İXM-nin 346.4-cü maddəsi ilə təqsirli bilərək inzibati qaydada tənbeh etməkdə haqlı olmuşdur. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 133-136cı maddələrini rəhbər tutaraq Q Ə R A R A A L D İ: Şikayət təmin olunmasın. AR DİN Qəbələ Rayon DYPŞ-nin «inzibati tənbeh vermə haqqında» xx.xx.2025-ci il tarixli EQ 25996780 nömrəli qərarı qanuni hesab edilsin. Qərardan 10 (on) gün müddətində Qəbələ Rayon Məhkəməsi vasitəsilə Şəki Apellyasiya məhkəməsinə apellyasiya şikayəti verilə bilər. Hakim: Ülvi Qənbərov