Qəbələ Rayon Məhkəməsi Qərar — İş №3(025)-556/2024

Azərbaycan Respublikası adından QƏRAR Qəbələ şəhəri İş № 3(025)-556/2024 17.10.2024 QƏBƏLƏ RAYON MƏHKƏMƏSİ Qəbələ rayon Məhkəməsi, X6 Oktay oğlunun sədrliyi, məhkəmə iclasının katibi Rəhimli Arzu İsmət oğlunun katibliyi, inzibati protokolu tərtib edən şəxs Qəbələ Rayon Polis Şöbəsinin İTB-nin polis sahə rəisi X2, barəsində inzibati xəta haqqında iş üzrə icraat aparılan şəxs Şəxs və müdafiəçi Vəkil iştirakı ilə, xx.xx.1997-ci ildə Qəbələ şəhərində anadan olmuş, AR vətəndaşı, subay, Qəbələ şəhəri, E.Kərimov küçəsi ev 6-da qeydiyyatda olan Şəxs barəsində Qəbələ Rayon Polis Şöbəsindən daxil olmuş Azərbaycan Respublikası 510-cu maddəsi ilə olan inzibati xəta haqqında iş üzrə icraat materiallarına açıq məhkəmə iclasında baxaraq, məhkəmə M Ü Ə Y Y Ə N E T D İ: Şəxs barəsində AR İXM-nin 510-cu maddəsi ilə ondan ötrü inzibati xəta haqqnda ptotokol (xx.xx.2024-cü il tarixli MN 2052555) tərtib edilmişdir ki, o, xx.xx.2024-cü il tarixdə Qəbələ şəhəri, Heydər Əliyev prospektində yerləşən “OBA Market” ticarət məntəqəsində satıcı X4 ilə səbəsiz yerə mübahisə etmiş və ünvansız nalayiq ifadələr işlədərək ictimai qaydanı pozmuşdur. Barəsində inzibati xəta haqqında protokol tərtib olunmuş şəxs Şəxs özünü inzibati xəta törətməkdə təqsirli bilərək izahatında göstərmişdir ki, o, Qəbələ şəhəri, E.Kərimov, ev 6-da yaşayır və bazarda fəhlə işləməklə qazanc əldə edir. xx.xx.2024-cü il tarixdə, saat 03:00-da Qəbələ şəhəri, Heydər Əliyev prospektində yerləşən “Oba Market” ticarət məntəqəsinə daxil olaraq “Go” markalı içki almış, sərxoş olduğu üçün içkinin pulunu verməmiş və satıcı ilə mübahisə edib nalayiq ifadələr işlətmişdir. Lakin ayıldıqdan sonra əməlindən peşman olmuş, mağazadan aldığı içkinin pulunu ödəyərək satıcıdan üzr istəmişdir. Ona görə də, inzibati məsuliyyətdən azad edilməsini xahiş edir. İş üzrə zərərçəkmiş şəxs X4 göstərmişdir ki, Qəbələ şəhərinin mərkəzində yerləşən “Oba Market” ticarət məntəqəsində gecə növbəsində satıcı işləyir. xx.xx.2024-cü il tarixdə saat 03:00 radələrində Qəbələ şəhər sakini Şəxs marketə daxil olmuş və “Go” adlı spirtli içki alaraq mağazadan çıxmaq istəmişdir. Ondan aldığı içkinin pulunu ödəməsini tələb etdikdə o, pulu olmadığını deyərək ödənişdən imtina etmişdir. Vasifdən aldığı içkini geri qaytarmağı tələb etdikdə Vasif mağazanın qarşısına çıxaraq uca səslə nalayiq ifadələr işlətmişdir. Vasif sonradan mağazadan aldığı içkinin pulunu ödəmiş və ondan üzr istəmişdir. İşdə olan xx.xx.2024-cü il tarixli 298 nömrəli Sərxoşluq hallarının bütün növlərinin təyini məqsədilə aparılan tibbi müayinə Protokolunun surətinə əsasən müayinə olunan X1 müayinədən imtina etdiyi üçün sərxoşluğun dərəcəsi təyin olunmamışdır. İşdə olan xx.xx.2024-cü il tarixli 022636 nömrəli İnzibati qaydada tutma haqqında protokola əsasən Şəxs həmin tarixdə saat 05-00-da AR İXM-nin 510-cu maddəsi ilə tutulmuşdur. AR İXM-nin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 510-cu maddəsinə əsasən xırda xuliqanlıq, yəni ictimai qaydanı pozan və ya fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə inzibati mnəsuliyyət nəzərdə tutulmuşdur. Məhkəmə barəsində inzibati xəta haqqında iş üzrə icraat aparılan şəxsi dinləyib toplanmış materialları araşdıraraq hesab edir ki, Şəxs Azərbaycan Respublikası İXM-nin 510-cu maddəsində nəzərdə tutulmuş inzibati xəta hadisəsini törətmişdir. Ona görə də, o, həmin maddə ilə təqsirli bilinib inzibati qaydada tənbeh olunmalıdır. Azərbaycan Respublikası İXM-nin 32.2-ci maddəsinə əsasən fiziki şəxslər barəsində inzibati tənbeh tədbiri tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuıiyyəti yüngülləşdirən və ağırlaşdıran hallar nəzərə alınır. Şəxs hərəkətlərinə görə səmimi peşmançılıq çəkməsi onun məsuliyyətini yüngülləşdirən haldır. İş üzrə məsuliyyəti ağırlaşdıran hallar müəyyən olunmamışdır. Məhkəmə Şəxs ilk dəfə inzibati xəta törətməsini və məsuliyyətini yüngülləşdirən halı nəzərə alaraq barəsində maddənin sanksiyasında nəzərdə tutulmuş cərimə növündə tənbeh tədbiri tətdiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43,50, 114,115, 117,130 və 138-ci maddələrini rəhbər tutaraq Q Ə R A R A A L D İ: Şəxs Azərbaycan Respublikası İXM-nin 510-cu maddəsində nəzərdə tutulmuş inzibati xəta hadisəsinin törədilməsində təqsirli bilinib 50 (əlli) manat cərimə edilsin. Qərarın icrası Qəbələ rayon İcra və Probasiya şöbəsinə həvalə edilsin. Qərardan 10 (on) gün müddətində Qəbələ rayon Məhkəməsi vasitəsi ilə Azərbaycan Respublikası Şəki Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov.