Qəbələ Rayon Məhkəməsi Qərar — İş №3(025)-59/2021

Azərbaycan Respublikası adından QƏRAR Qəbələ şəhəri İş № 3(025)-59/2021 15.02.2021 QƏBƏLƏ RAYON MƏHKƏMƏSİ Hakim Əliyev Abbas Baba oğlunun sədrliyi, Qədirzadə Çinarə Çingiz qızının katibliyi, İnzibati xəta haqqında protokol tərtib edən şəxs Qəbələ RPŞ İTB-nin sahə rəisi, polis kapitanı X1, barəsində inzibati icraat aparılan şəxs Şəxs iştirakları ilə Şəxs – xx xxxxx 1983-cü ildə Kəlbəcər rayonu Zar kəndində anadan olmuş, Azərbaycan Respublikası vətəndaşı, evli, orta təhsilli, işləməyən, Qəbələ rayonu, Nic qəsəbəsində qeydiyyatda olan və yaşayan Şəxs barəsində Azərbaycan Respublikasının İXM-nin 590.2-ci maddəsi ilə Azərbaycan Respublikası Daxili İşlər Nazirliyi Qəbələ rayon Polis Şöbəsindən daxil olmuş inzibati xəta haqqında iş materialına açıq məhkəmə iclasında baxaraq, MÜƏYYƏN ETDİ: Məhkəmənin icraatına xx xxxxxx 2021-ci il tarixdə Azərbaycan Respublikası Daxili İşlər Nazirliyi Qəbələ RPŞ İTB-nin sahə rəisi, polis kapitanı X2 tərəfindən Şəxs barəsində tərtib olunmuş inzibati xəta haqqında (İXH) protokol və ona əlavə edilmiş sənədlər daxil olmuşdur. İXH protokolda göstərilir ki, Şəxs müvafiq icra hakimiyyəti orqanının icazəsi olmadan bir ədəd tək lülə, İj-18EM markalı, 16 kalibirli, T-36154 nömrəli mülki öv tüfəngini özündə saxlamışdır. Bununla da, onun barəsində Azərbaycan Respublikasının İXM-nin 590.2-ci maddəsi ilə inzibati xətanın törətməsini nəzərdə tutan MN ******* nömrəli, xx xxxxxx 2021-ci il tarixli həmin inzibati xəta haqqında protokol tərtib olunmuşdur. Məhkəmə iclasında Qəbələ RPŞ İTB-nin sahə rəisi, polis kapitanı X2 göstərdi ki, Qəbələ RPŞ-nin İTB-nin sahə polis nəfərləri, polis baş serjantı Azər Əzəmmədov, polis baş serjantı Cavidan Əsgərov və polis serjantı Rəvan Qaçayev xx.xx.2021-ci il tarixdə ovla bağlı reyd keçirmişlər və Qəbələ rayon Nic qəsəbə sakini Şəxs Əhliyyət oğlundan bir ədəd tək lülə, İj-18EM markalı, 16 kalibirli, T-36154 nömrəli mülki ov silahını aşkar etmişlər. Həmin vaxt vətəndaş elektrik enerjilərinin kəsildiyini bildirmiş və elektrik xətlərini yoxlamaq üçün silah ilə çölə çıxdığını bildirmişdir. Silah yivsiz silahdır. Şəxs silah aşkarlanan zaman əlində ov olmamışdır. Həmin fakt üzrə Şəxs barəsində tərəfindən Azərbaycan Respublikası İXM-nin 590.2-ci maddəsi ilə inzibati xəta haqqında protokol tərtib olunmuşdur. Məhkəmə iclasında barəsində inzibati xəta haqqında iş üzrə icraat aparılan Şəxs özünü Azərbaycan Respublikası İXM-nin 590.2-ci maddəsi ilə təqsirli bilərək izahatında göstərdi ki, Qəbələ rayon, Nic qəsəbəsində Abdallı kəndində fermada yaşayır. xx.xx.2021-ci il tarixdə güclü qar yağdığı üçün elektrik xətləri qırılmışdır. Elektrik xətlərinə baxmaq və çöl heyvanlarından qorunmaq üçün silahla meşə sahəsinə çıxmışdır. Həmin günü ov məqsədi ilə evdən çıxmamışdır. Fermada yaşadıqlarından və ferma da meşə sahəsində olduğu üçün evdən silahla çıxmışdır. Silahı təhvil verərkən üzərində iki ədəd patron olmuş və onu da polis serjantı Rəvan Qaçayevə təhvil vermişdir. Silah babasından yadigar qalmışdır və sənədsizdir. İmkanı olmadığı üçün silahı sənədləşdirə bilməmişdir və həmin silahla ov etməmişdir. Sonda isə bir daha özündə qanunsuz silah saxlamayacağına söz verib, barəsində daha yüngül inzibati tənbeh verilməsini məhkəmədən xahiş etdi. Məhkəmə, Azərbaycan Respublikası Daxili İşlər Nazirliyi Qəbələ RPŞ İTB-nin sahə rəisi, polis kapitanı X2 tərəfindən tərtib edilmiş MN ******* nömrəli, xx xxxxxx 2021-ci il tarixli inzibati xəta haqqında protokolu nəzərdən keçirib, sübutlara məcmu halda hüquqi qiymət verərək hesab edir ki, Şəxs Azərbaycan Respublikası İnzibati Xətalar Məcəlləsinin 590.2-ci maddəsində nəzərdə tutulan əməli özünün etirafı və işin digər materialları ilə tam sübuta yetirilir. İş materiallarında olan Qəbələ RPŞ-nin İTB-nin sahə polis nəfəri, polis baş serjantı Azər Əzəmmədov tərəfindən Qəbələ RPŞ-nin rəisi, polis polkovniki Nadir Məmmədova ünvanlanmış xx.xx.2021-ci il tarixli Raportdan görünür ki, xx.xx.2021-ci il tarixdə Qəbələ RPŞnin İTB-nin sahə polis nəfərləri polis serjantı Rəvan Qaçayev və Cavidan Əsgərovla birlikdə xidmətdə olarkən saat 12:30 radələrində Qəbələ rayon Nic qəsəbəsində müvəqqəti yaşayan Kəlbəcər rayon Zar kənd sakini Şəxs 1 ədəd 16 kalibirli mülki ov tüfəngi aşkar olunaraq tərəflərindən götürülüb Qəbələ RPŞ-nin növbətçi hissəsinə təhvil verilmişdir. İş materiallarında olan xx xxxxxx 2021-ci il tarixli “götürülmüş mülki ov tüfənglərinin şöbənin NH-nə təhvil verilməsi barədə” aktdan görünür ki, xx.xx.1983-cü ildə Kəlbəcər rayonu, Zar kəndində anadan olmuş, azərbaycanlı, AR vətəndaşı, evli, orta təhsilli, işsiz və hal-hazırda Qəbələ rayonu Nic qəsəbəsində yaşayan Şəxs Qəbələ RPŞ-də qeydiyyatda olan bir ədəd tək lülə, İj-18EM markalı, 16 kalibirli, T-36154 nömrəli mülki ov silahı götürülərək Qəbələ RPŞ-nin Növbətçi Hissəsinə təhvil verilmişdir. Azərbaycan Respublikası İXM-in 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən, yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-in 4-cü maddəsinə əsasən, bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Azərbaycan Respublikası İXM-in 6.1-ci maddəsinə əsasən, inzibati xətalara görə inzibati tənbeh həmin Məcəlləyə uyğun olaraq tətbiq edilir. Azərbaycan Respublikası İXM-in 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İXM-in 12.1-ci maddəsinə əsasən, həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-in 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İXM-in 590.2-ci maddəsinə əsasən, müvafiq icra hakimiyyəti orqanından xüsusi icazə almamış şəxslər tərəfindən mülki silahın və ya onun üçün döyüş sursatının əldə edilməsi, saxlanılması, daşınması, başqa şəxslərə verilməsi və ya satılmasına görə silah və döyüş sursatı müsadirə edilməklə səksən manatdan yüz manatadək məbləğdə cərimə edilir. Beləliklə, inzibati tənbeh tədbiri tətbiq edərkən məhkəmə inzibati xətanın xarakterini, təqsirin dərəcəsini, barəsində inzibati xəta haqqında iş üzrə icraat aparılan şəxsin ailə və maddi vəziyyətini və işin digər hallarını nəzərə alaraq hesab edir ki, Şəxs barəsində inzibati xətanın bilavasitə obyekti olmuşov tüfəngi müsadirə edilməklə cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 61, 106-109, 128-130-cu maddələrini rəhbər tutaraq, məhkəmə Qərara aldı: Şəxs Azərbaycan Respublikası İnzibati Xətalar Məcəlləsinin 590.2-ci maddəsində nəzərdə tutulmuş inzibati xəta törətməkdə təqsirli bilinib, inzibati xətanın bilavasitə obyekti olmuş bir ədəd tək lülə, İj-18EM markalı, 16 kalibirli, T-36154 nömrəli mülki öv tüfəngi müsadirə edilməklə, 100 (bir yüz) manat məbləğdə cərimə edilsin. Qərarın icrası Qəbələ rayon İcra və probasiya şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Şəki Apellyasiya Məhkəməsinə Qəbələ Rayon Məhkəməsi vasitəsi iləşikayət verilə bilər. Sədrlik edən: Abbas Əliyev