Qəbələ Rayon Məhkəməsi Qərar — İş №3(025)-619/2025

Azərbaycan Respublikası adından QƏRAR Qəbələ şəhəri İş № 3(025)-619/2025 24.11.2025 QƏBƏLƏ RAYON MƏHKƏMƏSİ Hakim Əliyev Abbas Baba oğlunun sədrliyi, İsayeva Elvina Allahverdi qızının katibliyi, İnzibati xəta haqqında protokol tərtib edən şəxs Qəbələ RPŞ İTB-nin sahə rəisi, polis kapitanı X1, Müdafiəçi – Qəbələ rayon Vəkil Bürosunun vəkili Vəkil, barəsində inzibati xəta haqqında iş üzrə icraat aparılan Şəxs iştirakları ilə 2003-cü il xxx xx-də İsmayıllı rayonu İstisu kəndində doğulmuş, evli, orta təhsilli, işləməyən, Azərbaycan Respublikasının vətəndaşı, İsmayıllı rayonu İstisu kəndində qeydiyyatda olan və yaşayan Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə tərtib olunan inzibati xəta haqqında protokol üzrə inzibati xəta haqqında işə açıq məhkəmə iclasında baxaraq, məhkəmə MÜƏYYƏN ETDİ: Məhkəmənin icraatına 24 noyabr 2025-ci il tarixdə Şəxs barəsində tərtib olunmuş İnzibati xəta haqqında (İXH) protokol və ona əlavə edilmiş sənədlər daxil olmuşdur. İXH protokolda göstərilir ki, Şəxs xx.xx.2025-ci il tarixdə saat 00:15 radələrində Qəbələ şəhəri Həzi Aslanov küçəsində sərxoş vəziyyətdə qəsdən uca səslə qışqıraraq nalayiq ifadələr işlətmiş, küçədə səs-küy salaraq ictimai asayişi pozaraq xırda xuliqanlıq hərəkətləri etmişdir. Bununla da, onun barəsində Azərbaycan Respublikasının İXM-nin 510-cu maddəsi ilə inzibati xətanın törətməsini nəzərdə tutan MN № ******* nömrəli, 24 noyabr 2025-ci il tarixli həmin İXH protokol tərtib olunmuşdur. Məhkəmə iclasında inzibati xəta haqqında protokolu tərtib etmiş Qəbələ RPŞ İTB-nin sahə rəisi, polis baş leytenantı kapitanı X5 izahatında göstərdi ki, Şəxs xx.xx.2025-ci il tarixdə saat 00:15 radələrində Qəbələ şəhəri Həzi Aslanov küçəsində sərxoş vəziyyətdə qəsdən uca səslə qışqıraraq nalayiq ifadələr işlətmiş, küçədə səs-küy salaraq ictimai asayişi pozaraq xırda xuliqanlıq hərəkətləri etmişdir. Bununla da Şəxs barəsində Azərbaycan Respublikası İXM-nin 510-cu maddəsi ilə inzibati xəta haqqında protokol tərtib olunmuşdur. Məhkəmə iclasında barəsində inzibati xəta haqqında iş üzrə icraat aparılan Şəxs özünü Azərbaycan Respublikası İXM-nin 510-cu maddəsi ilə təqsirli bilərək izahatında göstərdi ki, İsmayıllı rayonu, İstisu kəndində yaşayır. xx.xx.2025-ci il tarixdə axşam vaxtı saat 20:00 radələrində Bakı şəhərindən gələn qonaqları Pünhan və Nurlan adlı şəxslərlə Qəbələ şəhəri, Z.Əliyeva küçəsində yerləşən Pərviz kafasinə gəlmişlər, orda yeyib-içdikdən sonra qonaqlarını Bakıya yola salmış və X9 adlı kafeyə getmişlər. Həmin vaxt həmkəndlisi Bəxtiyar Məmmədov da orada olmuşdur. Troya adlı kafedə o, yarım litr spirtli içki olan araq qəbul etmişdir. xx.xx.2025-ci il tarixdə saat 00:15 radələrində o kafedən çıxaraq içkili vəziyyətdə olduğundan küçədə kafenin qarşısında qəsdən uca səslə qışqıraraq Bəxtiyar Məmmədovun ünvanına nalayiq ifadələr işlətmiş və küçədə səs-küy salmışdır. Bəxtiyar Məmmədov da öz növbəsində cavab olaraq küçədə mübahisə yaradaraq onun ünvanına nalayiq ifadələr işlətmiş, küçədə səs-küy salmışdır. Həmin ərazidə xidmət edən PPX əməkdaşları ictimai asayişin pozulması ilə bağlı izahatlarının alınması üçün xidməti avtomobilə əyləşdirib Qəbələ RPŞ-yə gətirib Növbətçi Hissəyə təhvil vermişlər. O, Qəbələ şəhəri Həzi Aslanov küçəsində ictimai asayişi pozduğunu səmimi etiraf edir və törətdiyi xırda xuliqanlıq əməlindən peşmandır. Müdafiəçi – Qəbələ rayon Vəkil Bürosunun vəkili Vəkil Şəxs törətdiyi əməli səmimi etiraf etməsini və əməlindən peşman olmasını nəzərə alaraq, barəsində yüngül inzibati tənbeh tətbiq edilməsini xahiş etdi. Məhkəmə iclasında şahid qismində dindirilmiş X3 ifadəsində göstərdi ki, xx.xx.2025-ci il tarixdə axşam saat 20:00 radələrində Troya adlı kafeyə gəlmişdir. Daha sonra həmin kafeyə həmkəndliləri Şəxs və X4 da gəlmişlər. Troya adlı kafedə o, 2 bakal pivə içmişdir. xx.xx.2025-ci il tarixdə saat 00:15 radələrində Şəxs kafedən çıxaraq içkili vəziyyətdə olduğundan küçədə kafenin qarşısında onun ünvanına qəsdən uca səslə qışqıraraq nalayiq ifadələr işlətmiş, küçədə səs-küy salmışdır. Bu səbəbdən o da öz növbəsində cavab olaraq küçədə mübahisə yaradaraq Kamilin ünvanına nalayiq ifadələr işlətmiş və küçədə səs-küy salmışdır. Fəxri Əzizov isə onları aralaşdırmaq istəmişdir. Həmin ərazidə xidmət edən PPX əməkdaşları ictimai asayişin pozulması ilə bağlı izahatlarının alınması üçün xidməti avtomobilə əyləşdirib Qəbələ RPŞ-yə aparıb Növbətçi Hissəhyə təhvil vermişlər. Məhkəmə iclasında şahid qismində dindirilmiş X4 ifadəsində göstərdi ki, xx.xx.2025-ci il tarixdə axşam saat 8, 9-a işləmiş o, Kamil, Bəxtiyar və Kamilin Bakıdan gələn qonaqları Qəbələ şəhərinə Pərviz kafesinə yemək yeməyə gəlmişdirlər. Oturub yemək yemişlər, daha sonra Kamilin qonaqları getmişdirlər. Pərviz kafesində Bəxtiyar da yanlarında olmuşdur. O, spirtli içki içən deyil, çay içmişdir, onlar isə pivə içmişdirlər. Sonra o, çölə çıxmış, qayıdanda görmüşdür ki, çöldə səs-küy var, Kamillə Bəxtiyar dalaşırlar. Səbəbini bilməmiş, dava etməsinlər deyə onları ayıranda polis işçiləri də gəlmişdir. Troyaya yoldan keçən taksi ilə gəlmişdirlə, onun öz maşını var, amma taksi kimi fəaliyyət göstərmir. Taksi sürücüsünü tanımamışlar, saxlamış, onlar da minmişdirlər. Qonaqlar da ordan taksi ilə Bakıya qayıtmışdırlar. İş materiallarında olan 24 noyabr 2025-ci il tarixli, AZA 027665 nömrəli “X7 Haqqında” protokoldan görünür ki, Şəxs xx.xx.2025-ci il tarixdə saat 01:00 radələrində inzibati qaydada tutulmuşdur. İşdə olan 24 noyabr 2025-ci il tarixli, “Sərxoşluq hallarının bütün növlərinin təyini məqsədi ilə aparılan tibbi müayinə” protokolundan görünür ki, Şəxs xx.xx.2025-ci il tarixdə saat 14:00-da ayıq olmuşdur və qanında alkoqolun miqdarı 0,0 % olmuşdur. İnzibati material üzrə araşdırılan sübutların məcmusunu hərtərəfli, tam və obyektiv qiymətləndirərək, məhkəmə hesab edir ki, Şəxs Azərbaycan Respublikası İXM-in 510-cu maddəsində nəzərdə tutulan inzibati xətanı törətməsi araşdırılmış sübutlarla tam sübuta yetir, Şəxs xx.xx.2025-ci il tarixdə saat 00:15 radələrində Qəbələ şəhəri Həzi Aslanov küçəsində sərxoş vəziyyətdə qəsdən uca səslə qışqıraraq nalayiq ifadələr işlətməklə, küçədə səs-küy salmaqla ictimai asayişi pozaraq xırda xuliqanlıq hərəkətləri etməsi tədqiq olunmuş digər materiallarla da, o cümlədən özünün və şahidlərin məhkəmə iclasında verdiyi ifadəsi ilə də tam təsdiqini tapır. Azərbaycan Respublikası İXM-in 510-cu maddəsinə əsasən, xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Azərbaycan Respublikası Ali Məhkəməsi Plemumunun «Xuliqanlıq işləri üzrə məhkəmə təcrübəsi haqqında» xx.xx.2004-cü il tarixli 1 saylı Qərarının 2-3-cü bəndlərində göstərilir ki, «Cinayət Məcəlləsinin xuliqanlığa görə məsuliyyət müəyyən edən 221-ci maddəsinin mətnində nəzərdə tutulan mənada ictimai qayda dedikdə, cəmiyyətdə insanlar arasında təşəkkül tapmış, adət və ənənələrlə, əxlaq normaları ilə, habelə qüvvədə olan qanunvericiliklə müəyyən edilən qarşılıqlı davranış və birgəyaşayış qaydalarının sistemi başa düşülür.İctimai qaydanı kobud surətdə pozan hərəkətlər dedikdə, ictimai və ya şəxsi mənafelərə əhəmiyyətli zərər vuran və ya cəmiyyətdə insanlar arasında bərqərar olmuş birgəyaşayış və davranış qaydalarının qərəzli surətdə pozulmasında ifadə olunan hərəkətlər başa düşülür. Cəmiyyətə açıqca hörmətsizlik etmə dedikdə isə, təqsirkarın ətrafdakı şəxslər üçün aşkar surətdə ictimai qaydaya əhəmiyyətli dərəcədə laqeydlik, etinasızlıq göstərməsi, cəmiyyətdə hamı tərəfindən qəbul olunmuş davranış qaydaları, əxlaq və mənəviyyat normalarına qarşı saymamazlıq, bir çox insanın və ya cəmiyyətin hər hansı bir üzvünün mənafelərinə toxunan hərəkətlər etməsi başa düşülür. Məhkəmə, Şəxs əməlindən peşman olmasını məsuliyyətini yüngülləşdirən hal kimi nəzərə alır. Barəsində inzibati xəta haqqında iş üzrə icraat aparılan şəxs Şəxs inzibati xətanı sərxoş vəziyyətdə törətməsini Azərbaycan Respublikası İXM-nin 33.1.7-ci maddəsinə əsasən əməlində inzibati xətaya görə məsuliyyəti ağırlaşdıran hal kimi nəzərə alır. Azərbaycan Respublikası İXM-in 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən, yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-in 4-cü maddəsinə əsasən, bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Azərbaycan Respublikası İXM-in 6.1-ci maddəsinə əsasən, inzibati xətalara görə inzibati tənbeh həmin Məcəlləyə uyğun olaraq tətbiq edilir. Azərbaycan Respublikası İXM-in 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İXM-in 12.1-ci maddəsinə əsasən, həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-in 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Beləliklə, məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini, məsuliyyəti yüngülləşdirən və ağırlaşdıran halların müəyyən edilməsini nəzərə alıb, iş üzrə sübutları qiymətləndirərək, hesab edir ki, Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməkdə təqsirli bilinərək barəsində həmin maddənin sanksiyasında nəzərdə tutulmuş inzibati həbs növündə inzibati tənbeh tətbiq edilməlidir. Həbsetmənin əvvəli onun tutulduğu andan – 24 noyabr 2025-ci il saat 01:00-dan hesablanmalıdır. Şərh olunanlara əsasən və Azərbaycan Respublikası İXM-nin 40.0.1,49, 48-51, 55, 114, 115, 128-130 maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 510-cu maddəsi ilə nəzərdə tutulan inzibati xətanı törətməkdə təqsirli bilinsin və barəsində 05 (beş) gün müddətində inzibati həbs növündə tənbeh tədbiri tətbiq edilsin. Həbsdə saxlama müddətinin əvvəli 24 noyabr 2025-ci il saat 01:00-dan hesablansın. Qərarın icrası Qəbələ Rayon Polis Şöbəsinə həvalə edilsin. Qərardan onun surəti rəsmi qaydada təqdim edildiyi gündən 10 gün müddətində Qəbələ Rayon Məhkəməsi vasitəsi ilə və ya birbaşa Şəki Apellyasiya Məhkəməsinə apellyasiya şikayət verilə bilər. Sədrlik edən: Abbas Əliyev