Qəbələ Rayon Məhkəməsi Qərar — İş №3(025)-621/2025

Azərbaycan Respublikası adından QƏRAR Qəbələ şəhəri İş № 3(025)-621/2025 09.12.2025 QƏBƏLƏ RAYON MƏHKƏMƏSİ Qəbələ Rayon Məhkəməsi Qənbərov Ülvi Oktay oğlunun sədrliyi, Məmmədova Gülanə Elmar qızının katibliyi və AR DRA X3 İdarəsinin nümayəndəsi Nümayəndə iştirakı ilə, Şəxs (VÖEN: **********) barəsində Azərbaycan Respublikası İXM-nin 428.7.3-cü maddəsi ilə olan inzibati xəta haqqında iş üzrə icraat materiallarına açıq məhkəmə iclasında baxaraq M Ü Ə Y Y Ə N E T D İ: Şəxs (VÖEN: **********) barəsində ondan ötrü inzibati xəta haqqında protokol (xx.xx.2025; MN № 1254527) tərtib edilmişdir ki, o, Qəbələ şəhəri, Heydər Əliyev prospektində yerləşən “X2” sahibkarlıq obyektində açıq məkanda reklam yayımının dayandırılması haqqında AR DRA X3 İdarəsinin xx.xx.2025-ci il tarixli 11-3-5/2-776/2025 saylı Yazılı Göstərişini vaxtında və tam yerinə yetirməmişdir. AR DRA X3 İdarəsinin nümayəndəsi Nümayəndə izahatında göstərmişdir ki, xx.xx.2025-ci il tarixdə idarənin əməkdaşları tərəfindən açıq məkanda reklam yayımına Dövlət nəzarəti həyata keçirilərkən Şəxs (VÖEN: **********) məxsus olan Qəbələ şəhəri, Heydər Əliyev prospektində yerləşən “X2” sahibkarlıq obyektində müvafiq icazə alınmadan 2 ədəd 6.24 kv/m (5.20mx0.60m) ölçüdə fasad, 1 ədəd 2.20 kv/m (2.20mx1.00m), 1 ədəd 0.48 kv/m (2.00mx0.24m) ölçüdə fasad üstü lövhələrlə reklam, 1 ədəd 2.38 kv/m (0.85mx1.40m) ayrıca dayaqlı reklam və 1 ədəd 3.08 kv/m (2.20mx1.40m) monitor yerləşdirilməklə reklam yayımının həyata keçirildiyi aşkar edilmiş və Şəxs qeyd olunan açıq məkanda reklam yayımının dərhal dayandırılması və reklam yayımına müvafiq icazənin alınması üçün 5 gün müddətində Agentliyə müraciət olunması barədə göstərişlər verilmişdir. Bundan sonra qeyd olunan sahibkarlıq obyektində 2 ədəd 6.24 kv/m (5.20mx0.60m) ölçüdə fasad, 1 ədəd 2.20 kv/m (2.20mx1.00m), 1 ədəd 0.48 kv/m (2.00mx0.24m) ölçüdə fasad üstü lövhələrlə reklam, 1 ədəd 2.38 kv/m (0.85mx1.40m) ayrıca dayaqlı reklam yayımına icazənin alınması üçün müraciət edilərək müvafiq icazələr alınsa da, 1 ədəd 3.08 kv/m (2.20mx1.40m) monitor yerləşdirilməklə reklam yayımı müvafiq icazə alınmadan həyata keçirilməkdə davam etdirilmişdir. AR DRA X3 İdarəsinin xx.xx.2025-ci il tarixli 11-3-5/2-776/2025 saylı Yazılı Göstərişi tam şəkildə yerinə yetirmədiyindən Şəxs (VÖEN: **********) barəsində AR İXM-nin 428.7.3-cü maddəsi ilə inzibati xəta haqqında protokol (xx.xx.2025; MN №1254527) tərtib edilmişdir. İşdə olan AR DRA X3 İdarəsi üzrə tərtib edilmiş xx.xx.2025-ci il tarixli 001001 nömrəli Akta əsasən idarənin iki nəfər əməkdaşı tərəfindən açıq məkanda reklam yayımına Dövlət nəzarəti həyata keçirilərkən Qəbələ şəhəri, Heydər Əliyev prospektində yerləşən “X2” sahibkarlıq obyektində Şəxs (VÖEN: **********) tərəfindən “Reklam haqqında” AR Qanunun tələbləri pozularaq müvafiq icazə alınmadan 2 ədəd 6.24 kv/m (5.20mx0.60m) ölçüdə fasad, 1 ədəd 2.20 kv/m (2.20mx1.00m), 1 ədəd 0.48 kv/m (2.00mx0.24m) ölçüdə fasad üstü lövhələrlə reklam, 1 ədəd 2.38 kv/m (0.85mx1.40m) ayrıca dayaqlı reklam və 1 ədəd 3.08 kv/m (2.20mx1.40m) monitor reklam yayımının həyata keçirildiyi aşkar edilmişdir. (fotoşəkillər əlavə edilmişdir) İşdə olan AR DRA X3 İdarəsinin xx.xx.2025-ci il tarixli 11-3-5/2-776/2025 saylı Yazılı Göstərişinin surətinə əsasən Şəxs (VÖEN: **********) Qəbələ şəhəri, Heydər Əliyev prospektndə yerləşən “X2” sahibkarlıq obyektində açıq məkanda reklam yayımının dərhal dayandırılması və “Reklam haqqında” AR Qanunun 26.2-ci maddəsində nəzərdə tutulmuş müvafiq icazənin alınması üçün 5 gün müddətində Agentliyə müraciət olunması barədə göstərişlər verilmişdir. İşdə olan ADRA İcazələr sisteminin məlumatına əsasən xx.xx.2025-ci il tarixdə Qəbələ şəhəri, Heydər Əliyev prospektində yerləşən “X2” sahibkarlıq obyektində 2 ədəd 6.24 kv/m (5.20mx0.60m) ölçüdə fasad, 1 ədəd 2.20 kv/m (2.20mx1.00m), 1 ədəd 0.48 kv/m (2.00mx0.24m) ölçüdə fasad üstü lövhələrlə reklam, 1 ədəd 2.38 kv/m (0.85mx1.40m) ayrıca dayaqlı reklam yayımına icazə alınmış, 1 ədəd 3.08 kv/m (2.20mx1.40m) monitor yerləşdirilməklə reklam yayımı isə müvafiq icazə alınmadan həyata keçirilmişdir. AR İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 428.7.3-ci maddəsinə əsasən müvafiq icra hakimiyyəti orqanının yaratdığı qurumun açıq məkanda reklam sahəsində (o cümlədən tikintisinə icazə tələb olunmayan açıq məkanda reklam qurğularının quraşdırılması və sökülməsi sahəsində) nəzarətin həyata keçirilməsi çərçivəsində verdiyi yazılı göstərişlərin və qərarların (bu Məcəllənin 394.0.7-ci maddəsində nəzərdə tutulmuş hallar istisna olmaqla) vaxtında və tam yerinə yetirilməməsinə görə inzibati məsuliyyət nəzərdə tutulmuşdur. Məhkəmə tədqiq olunmuş sübutlara qiymət verərək hesab edir ki, Şəxs (VÖEN: **********) Qəbələ şəhəri, Heydər Əliyev prospektində yerləşən “X1” sahibkarlıq obyektində xx.xx.2025-ci il tarixdə 1 ədəd 3.08 kv/m (2.20mx1.40m) monitor reklam yayımını həyata keçirtməklə açıq məkanda reklam yayımının dayandırılması haqqında AR DRA X3 İdarəsinin xx.xx.2025-ci il tarixli 11-3-5/2-776/2025 saylı Yazılı Göstərişini tam şəkildə yerinə yetirməyərək AR İXM-nin 428.7.3-cü maddəsində nəzərdə tutulan inzibati xətanı törətmişdir. Ona görə də o, İXM-nin müvafiq maddəsi ilə təqsirli bilinərək inzibati qaydada tənbeh edilməlidir. AR İXM-nin 32.2-ci maddəsinə əsasən fiziki şəxslər barəsində inzibati tənbeh tədbiri tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuıiyyəti yüngülləşdirən və ağırlaşdıran hallar nəzərə alınır. Məhkəmə hesab edir ki, törədilən inzibati xətanın xarakteri nəzərə alınaraq Şəxs (VÖEN: **********) barəsində AR İXM-nin müvafiq maddəsinin sanksiyasında nəzərdə tutulan cərimə növündə tənbeh tədbiri tətbiq edilməli və cərimənin miqdarı müəyyən edilərkən onun inzibati xətanı ilk dəfə törətməsi nəzərə alınmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 50, 114,115, 117,130 və 138-ci maddələrini rəhbər tutaraq Q Ə R A R A A L D İ: Şəxs (VÖEN: **********) Azərbaycan Respublikası İXM-nin 428.7.3-cü maddəsində nəzərdə tutulan inzibati xətanı törətməkdə təqsirli bilinib 1500,0 (bir min beş yüz) manat cərimə edilsin. Qərarın icrası Qəbələ rayon İcra və Probasiya şöbəsinə həvalə edilsin. Qərardan 10 (on) gün müddətində Qəbələ Rayon Məhkəməsi vasitəsi ilə Azərbaycan Respublikası Şəki Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov.