Qobustan Rayon Məhkəməsi Qərar — İş №3(026)-127/2020

Azərbaycan Respublikası adından QƏRAR Qobustan rayonu İş № 3(026)-127/2020 07.07.2020 QOBUSTAN RAYON MƏHKƏMƏSİ Hakim Quliyev Mirələm Qoçu oğlunun sədrliyi, Ağayev Zaur Qarabəy oğlunun katibliyi ilə, barəsində inzibati xəta haqqında iş üzrə icraat aparılan şəxs Şəxs iştirakı ilə, xx xxxxxx 1996-cı ildə Qobustan rayonunun Şıxzərli kəndində anadan olmuş, Azərbaycan Respublikası vətəndaşı, Qobustan rayonunun Qobustan şəhərində yaşayan Şəxs barəsində Qobustan rayon polis şöbəsində daxil olmuş inzibati xəta haqqında materiala baxaraq MÜƏYYƏN ETDİ: İnzibati xəta haqqında İXP ******* nömrəli protokolda Şəxs 03 iyul 2020-ci il tarixdə idarə etdiyi 2106 markalı **-BC-*** dövlət qeydiyyat nişanlı avtomaşınla Qobustan şəhəri M.Ə. Sabir küçəsində hərəkət edən zaman yol polisi əməkdaşları tərəfindən saxlanılmış və sürücü avtomaşını sərxoş vəziyyətdə idarə etməsi müəyyən olunduğu göstərilmişdir. Şəxs Azərbaycan Respublikası İXM-in 334.1-ci maddəsində nəzərdə tutulan inzibati xətanı törətmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs əməlini etiraf edərək bildirdi ki, 03 iyul 2020-ci il tarixdə bir şüşə pivə içdikdən sonra idarə etdiyi 2106 markalı **-BC-*** dövlət qeydiyyat nişanlı avtomaşınla Qobustan şəhərinin M.Ə. Sabir küçəsi ilə hərəkət edərkən yol polis əməkdaşları tərəfindən saxlanılmış, həkim müayinəsindən keçərkən sərxoş olduğu müəyyən olunmuşdur. Əməlindən peşmandır. İşdə olan “Spirtli içkilərin qəbul edilməsinin sərxoşluq vəziyyətinin təyin edilməsi haqqında” Qobustan rayon mərkəzi xəstəxanasının x1 03 iyul 2020-ci il tarixli protokolunda göstərilir ki, Şəxs 03 iyul 2020-ci il tarixdə yüngül dərəcəli sərxoşluq müəyyən edilmişdir. Məhkəmə barəsində inzibati xəta haqqında iş üzrə icraat aparılan şəxs Şəxs izahatını dinləyib, iş materiallarını nəzərdən keçirib hesab edir ki, M.R. Məmmədov Azərbaycan Respublikası İXM-in 334.1-ci maddəsində nəzərdə tutulan inzibati xətanı törətmişdir. Ona görə də o, həmin maddələri ilə inzibati tənbeh edilməlidir. Şəxs məsuliyyətini yüngülləşdirən və ağırlaşdıran hal müəyyən olunmadı. Məhkəmə Şəxs barəsində inzibati tənbeh tədbiri tətbiq edərkən törədilmiş inzibati xətanın ictimai təhlükəlilik dərəcəsini, onun şəxsiyyətini, ailə vəziyyətini nəzərə alaraq Azərbaycan Respublikası İXM-in 334.1-ci maddəsinin sanksiyasında nəzərdə tutulan inzibati həbs tənbeh tədbirinin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115 və 128-130-cu maddələrini rəhbər tutaraq məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 334.1-ci maddəsi ilə təqsirli bilinib 500 manat məbləğində inzibati cərimə edilsin. Qərarın surəti təqdim edildiyi və ya alındığı gündən 10 gün müddətində Sumqayıt Apelyasiya Məhkəməsinə şikayət və ya protest verilə bilər.