Qobustan Rayon Məhkəməsi Qərar — İş №3(026)-140/2021

Azərbaycan Respublikası adından QƏRAR Qobustan rayonu İş № 3(026)-140/2021 24.06.2021 QOBUSTAN RAYON MƏHKƏMƏSİ Hakim Quliyev Mirələm Qoçu oğlunun sədrliyi, Atakişiyeva Şəfa Qəhrəman qızının katibliyi ilə, barəsində inzibati xəta haqqında iş üzrə icraat aparılan şəxs Şəxs və zərərçəkmiş şəxs X1 iştirakı ilə, 17 aprel 1992-ci ildə Qobustan rayonunun Mərəzə qəsəbəsində anadan olmuş, Azərbaycan Respublikası vətəndaşı, Qobustan rayonunun Qobustan şəhərində qeydiyyatda olan Şəxs barəsində Qobustan rayon polis şöbəsindən daxil olmuş inzibati xəta haqqında materiala baxaraq MÜƏYYƏN ETDİ: Qobustan Rayon Məhkəməsinə Qobustan RPŞ-dən Şəxs Azərbaycan Respublikası İXM-in 510-cu maddəsində nəzərdə tutulan inzibati xətanı törətməsi barədə daxil olmuş inzibati xəta haqqında protokolda Şəxs 23 iyun 2021-ci il tarixdə və 24 iyun 2021-ci il tarixdə Qobustan rayonunda yerləşən evlərində atası Aftandillə mübahisə edərək səs-küy salaraq xırda xuliqanlıq hərəkətləri etdiyi göstərilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs əməlini etiraf edərək bildirdi ki, 23 iyun 2021-ci il tarixdə Qobustan şəhərinə atasının evinə gəlmişdir. Həmin günü və 24 iyun 2021-ci il tarixdə atası ilə mübahisə etmişdir. Atası əsəbi olduğundan ondan polis şöbəsinə şikayət etmişdir. Atası ilə mübahisə etdiyinə görə atasından üzr istəyir, əməlindən peşmandır, bir daha belə hallara yol verməyəcək. Zərərçəkmiş şəxs X2 izahatında göstərdi ki, Rəvan onun oğludur. 23 iyun 2021-ci il tarixdə Rəvan onun yaşadığı evə gələrək ondan pul və qızıl-zinət əşyaları istəmiş, istədiyi pul və qızıl əşyalarını Rəvana vermədiyi üçün Rəvan onu və həyat yoldaşını küçə qapısının qarşısında nalayiq ifadələrlə söyüb təhqir etmişdir. Rəvan bu hərəkətlərini 24 iyun 2021-ci il tarixdə də davam etdirmişdir. Məhkəmə, barəsində inzibati xəta haqqında iş üzrə icraat aparılan Şəxs və zərərçəkmiş şəxsin izahatlarını dinləyib, iş materiallarını nəzərdən keçirib hesab edir ki, Şəxs oğlu Azərbaycan Respublikası İXM-in 510-cu maddəsində nəzərdə tutulan inzibati xətanı törətmişdir. Ona görə də onun barəsində həmin maddələrdə nəzərdə tutulan inzibati tənbeh tədbiri görülməlidir. Şəxs məsuliyyətini yüngülləşdirən və ağırlaşdıran hal müəyyən edilmədi. Məhkəmə Şəxs inzibati tənbeh tətbiq edərkən törədilmiş inzibati xətanın ictimai təhlükəlilik dərəcəsini və onun şəxsiyyətini nəzərə alaraq Azərbaycan Respublikası İXM-in 510-cu maddəsinin sanksiyasında nəzərdə tutulan inzibati həbs tənbeh tədbirinin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115 və 128-130-cu maddələrini rəhbər tutaraq məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinib 5 gün müddətinə inzibati həbs edilsin. Qərarın icrası Qobustan rayon Polis şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Sumqayıt Apelyasiya Məhkəməsinə şikayət və ya protest verilə bilər. Sədrlik edən: Mirələm Quliyev