Qobustan Rayon Məhkəməsi Qərar — İş №3(026)-140/2024

Azərbaycan Respublikası adından QƏRAR Qobustan rayonu İş № 3(026)-140/2024 01.05.2024 QOBUSTAN RAYON MƏHKƏMƏSİ Hakim Quliyev Mirələm Qoçu oğlunun sədrliyi, Rüstəmova Xədicə Abbasəli qızının katibliyi ilə, barəsində inzibati xəta haqqında iş üzrə icraat aparılan şəxs X2 və zərərçəkmiş şəxs X3 iştirakı ilə, xx xxxxxx 1987-ci il tarixdə Şamaxı rayonunda anadan olmuş, Azərbaycan Respublikası vətəndaşı, Qobustan rayonu Sədəf kəndində qeydiyyatda olan Şəxs barəsində Qobustan rayon polis şöbəsindən daxil olmuş inzibati xəta haqqında materiala baxaraq MÜƏYYƏN ETDİ: Qobustan Rayon Məhkəməsinə Qobustan RPŞ-dən Azərbaycan Respublikası İXM-in 510-cu maddəsində nəzərdə tutulan inzibati xətanı törətməsi barədə daxil olmuş MN ******* saylı inzibati xəta haqqında protokolda Şəxs oğlunun 29 aprel 2024-cü il tarixdə X1 təhqir edərək xırda xuliqanlıq hərəkətləri etdiyi göstərilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında göstərdi ki, 29 aprel 2024-cü il tarixdə yaşadığı Qobustan rayonu Sədəf kənd sakini, eyni zamanda kənd məktəbində müəllimə işləyən azyaşlı uşaqlarının müəlliməsi Sevda Mövləmova ilə aralarında mübahisə yaranmışdır, mübahisə zamanı onlar birbirlərini uca səslə söymüşlər. Əməlindən peşmandır. Zərərçəkmiş şəxs X5 ifadə verərək göstərdi ki, bir neçə gün əvvəl Şəxs ilə onun qardaşı arasında mübahisə olduğunu eşitmiş, lakin həmin mübahisəyə müdaxilə etməmişdir. 29 aprel 2024-cü il tarixdə işlədiyi kənd məktəbindən evlərinə gələrkən Şahanə Babaxan qızı onun qarşısını kəsərək heç bir səbəb olmadan onu söyüb təhqir etmişdir. Şəxs onu niyə söyüdüyünü irad tutaraq ona heç bir cavab vermədən evlərinə getmiş və bu barədə atası Qubata danışmışdır. X9 Qobustan rayon polis şöbəsinə məlumat vermişdir. Məhkəmə, barəsində inzibati xəta haqqında iş üzrə icraat aparılan şəxs Şəxs və zərərçəkmiş şəxsin izahatını dinləyib, iş materiallarını araşdırıb hesab edir ki, Şəxs Azərbaycan Respublikası İXM-in 510-cu maddəsində nəzərdə tutulan inzibati xətanı törətmişdir. Ona görə də onun barəsində həmin maddədə nəzərdə tutulan inzibati tənbeh tədbiri görülməlidir. Şəxs əməlindən peşman olmasını və azyaşlı uşaqlarının olmasını məsuliyyətini yüngülləşdirən hal kimi nəzərə alır. Onun məsuliyyətini ağırlaşdıran hal müəyyən olunmadı. Məhkəmə Şəxs barəsində inzibati tənbeh tədbiri tətbiq edərkən törədilmiş inzibati xətanın ictimai təhlükəlilik dərəcəsini, onun şəxsiyyətini və ailə vəziyyətini nəzərə alaraq Azərbaycan Respublikası İXM-in 510-cu maddəsinin sanksiyasında nəzərdə tutulan inzibati cərimə tənbeh tədbirinin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115 və 128-130-cu maddələrini rəhbər tutaraq məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməkdə təqsirli bilinib 100 manat cərimə edilsin. Qərarın surəti təqdim edildiyi və ya alındığı gündən 10 gün müddətində Sumqayıt Apelyasiya Məhkəməsinə şikayət və ya protest verilə bilər. Sədrlik edən: Mirələm Quliyev