Qobustan Rayon Məhkəməsi Qərar — İş №3(026)-155/2020

Azərbaycan Respublikası adından QƏRAR Qobustan rayonu İş № 3(026)-155/2020 10.08.2020 QOBUSTAN RAYON MƏHKƏMƏSİ Hakim Quliyev Mirələm Qoçu oğlunun sədrliyi, Ağayev Zaur Qarabəy oğlunun katibliyi ilə, barəsində inzibati xəta haqqında iş üzrə icraat aparılan şəxs Şəxs iştirakı ilə, xx xxxx 1933-cü ildə Şamaxı rayonunun Nabur kəndində anadan olmuş, Azərbaycan Respublikası vətəndaşı, Qobustan rayonunun Nabur kəndində yaşayan Şəxs Azərbaycan Respublikası İXM-in 513.2-ci maddəsi ilə inzibati xəta törətməsi barədə Qobustan rayon Polis şöbəsindən daxil olmuş inzibati xəta haqqında materiala baxaraq MÜƏYYƏN ETDİ: İnzibati xəta haqqında protokolda Şəxs xx xxxxxx 2020-ci il tarixdə müəyyən edilməmiş qaydada nümayiş və mitinqdə iştirak etdiyi göstərilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, Qobustan rayonunun Nabur kəndində yaşayır. Nabur kəndinə asfalt yolun çəkilməsində iştirak edən işçi onlara Nabur kəndinə yol çəkilməyəcəyini demişdir. Bu səbəbdən də bir neçə nəfər Nabur kənd sakinləri ilə birlikdə Qobustan şəhərinə gəlmişlər. Lakin avtomaşınlarda olan gənclər saxlanılmış və həmin vaxtı oraya çox sayda insanlar toplaşmışdır. Bundan sonra Qobustan rayon İcra Hakimiyyətinin inzibati binasına getmişlər. İcra Hakimiyyətinin başçısı tərəfindən vətəndaşlar qəbul edilmişdir. O da səhv olaraq oraya getmişdir. Bir daha belə hal olmayacaq. Məhkəmə barəsində inzibati xəta haqqında iş üzrə icraat aparılan şəxs X1 izahatını dinləyib, iş materiallarını nəzərdən keçirib hesab edir ki, İ.M. Zaidov Azərbaycan Respublikası İXM-in 513.2-ci maddəsində nəzərdə tutulan inzibati xətanı törətmişdir. Ona görə də onun barəsində həmin maddədə nəzərdə tutulan inzibati tənbeh tədbiri görülməlidir. Məhkəmə X2 barəsində inzibati tənbeh tədbiri tətbiq edərkən törədilmiş inzibati xətanın ictimai təhlükəlilik dərəcəsini, əməlindən peşman olmasını, ailə vəziyyətini nəzərə alaraq Azərbaycan Respublikası İXM-in 513.2-ci maddəsinin sanksiyasında nəzərdə tutulan inzibati cərimə tənbeh tədbirinin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115 və 128-130-cu maddələrini rəhbər tutaraq məhkəmə QƏRARA ALDİ: X2 Azərbaycan Respublikası İnzibati Xətalar Məcəlləsinin 513.2-ci maddəsi ilə təqsirli bilinib 300 manat cərimə edilsin. Qərarın surəti təqdim edildiyi və ya alındığı gündən 10 gün müddətində Sumqayıt Apelyasiya Məhkəməsinə şikayət və ya protest verilə bilər. Sədrlik edən: Mirələm Quliyev