Qobustan Rayon Məhkəməsi Qərar — İş №3(026)-189/2022

Azərbaycan Respublikası adından QƏRAR Qobustan rayonu İş № 3(026)-189/2022 13.06.2022 QOBUSTAN RAYON MƏHKƏMƏSİ Hakim Quliyev Mirələm Qoçu oğlunun sədrliyi, Ağaliyev Məmmədağa Mustafa oğlunun katibliyi ilə, Qobustan rayon İcra və probasiya şöbəsinin icra məmuru X1 və barəsində inzibati xəta haqqında iş üzrə qərar qəbul edilən şəxs Şəxs iştirakı ilə, xx xxx 1979-cu ildə Qobustan rayonunda anadan olmuş, Azərbaycan Respublikası vətəndaşı, Qobustan rayonunun Yekəxana kəndində yaşayan Şəxs barəsində Qobustan rayon İcra və probasiya şöbəsindən daxil olmuş inzibati xəta haqqında materiala baxaraq MÜƏYYƏN ETDİ: Qobustan Rayon Məhkəməsinə Qobustan rayon İcra və probasiya şöbəsindən Şəxs Azərbaycan Respublikası İXM-in 529.1-ci maddəsi ilə nəzərdə tutulan inzibati xəta törətməsi barədə protokol daxil olmuşdur. Məhkəmə iclasında Qobustan rayon İcra və probasiya şöbəsinin icra məmuru X2 izahatında göstərdi ki, Şəxs Azərbaycan Respublikası Ekologiya və Təbii Sərvətlər Nazirliyi 4 saylı Regional Ekologiya və Təbii Sərvətlər İdarəsinin MN ******* saylı 19 noyabr 2021-ci il tarixli icra sənədi üzrə 1000 manat cəriməni ödəməyərək icra məmurunun qanuni tələbini yerinə yetirmir. Cərimənin ödənilməsi ilə əlaqədar ona rəsmi məlumat verilmiş və ondan izahat alınıb, cəriməni ödəmədiyinə görə məsuliyyətlər ona elan olunub, Cahakgir Bələdov icra şöbəsinə gələn zaman cəriməni ödəməyə maddi imkanının olmadığını bildirib. Məhkəmədən Şəxs barəsində qanuni tədbir görülməsini xahiş etdi. Şəxs izahat verərək göstərdi ki, 12 oktyabr 2021-ci il tarixdə qadağan olunmuş ərazidə ov qaydalarını pozaraq ov etmişdir. 4 saylı Regional Ekologiya və Təbii Sərvətlər İdarəsinin MN ******* saylı 19 noyabr 2021-ci il tarixli qərarı ilə Azərbaycan Respublikası İXM-in 272.3-cü maddəsi ilə inzibati xətanı törətməkdə təqsirli bilinib 1000 manat cərimə edilmişdir. İş olan zaman günəmüzd işləyir və işlədiyi gün 15 manat qazanır. Ailəlidir üç uşağı var, qazandığı pulla ailəsini çox çətinliklə dolandırır. Cəriməni ödəməyə maddi imkanı yoxdur. Azərbaycan Respublikası Ekologiya və Təbii Sərvətlər Nazirliyi 4 saylı Regional Ekologiya və Təbii Sərvətlər İdarəsinin MN ******* saylı 19 noyabr 2021-ci il tarixli qərarının surətindən görünür ki, Şəxs Azərbaycan Respublikası İXM-in 272.3-cü maddəsi ilə 1000 manat cərimə edilmişdir. Məhkəmə barəsində inzibati xəta haqqında iş üzrə icraat aparılan şəxs Şəxs izahatını dinləyib, iş materiallarını nəzərdən keçirib hesab edir ki, C.N. Bələdov Azərbaycan Respublikası İXM-in 529.1-ci maddəsində nəzərdə tutulan inzibati xətanı törətmişdir. Ona görə də o, Azərbaycan Respublikası İXM-in 529.1-ci maddəsində nəzərdə tutulan həddə inzibati tənbeh edilməlidir. Azərbaycan Respublikası İXM-in 529.1-ci maddəsinə əsasən yol hərəkəti qaydaları əleyhinə olan inzibati xətaların və bu Məcəllənin 353.2-ci maddəsində nəzərdə tutulan inzibati xətanın törədilməsinə görə inzibati cərimə istisna olmaqla, inzibati cərimə növündə inzibati tənbeh tətbiq etmə haqqında səlahiyyətli orqanın (vəzifəli şəxsin) qərarının qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə yüz altmış saatdan iki yüz qırx saatadək ictimai işlər tətbiq olunur. Azərbaycan Respublikası İXM-in 145.1.6-ci maddəsinə görə, barəsində inzibati xəta haqqında iş üzrə qərar çıxarılmış şəxs həmin qərarı icra etməməyə görə İXM-in 529.1, 529.2 və ya 529.4-cü maddələrinə əsasən inzibati məsuliyyətə cəlb edildikdə, inzibati tənbeh tətbiq etmə haqqında qərarı qəbul etmiş hakim, səlahiyyətli orqan (vəzifəli şəxs) qərarın icrasına xitam verir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114 və 128-130-cu maddələrini rəhbər tutaraq QƏRARA ALDİ: Şəxs Azərbaycan Respublikası İnzibati Xətalar Məcəlləsinin 529.1-ci maddəsi ilə təqsirli bilinib yüz səksən saat ictimai işlər tənbehi tətbiq olunsun. Azərbaycan Respublikası Ekologiya və Təbii Sərvətlər Nazirliyi 4 saylı Regional Ekologiya və Təbii Sərvətlər İdarəsinin MN ******* saylı 19 noyabr 2021-ci il tarixli qərarının icrasına xitam verilsin. Qərarın icrası Azərbaycan Respublikası Ədliyyə Nazirliyi Probasiya Xidmətinin Sumqayıt şəhər Probasiya Şöbəsinə həvalə edilsin. Şəxs üzərinə ictimai işlərin yerinə yetirildiyi yerdə elektron nəzarət vasitəsini gəzdirmək və həmin vasitənin işlək vəziyyətdə saxlanması üçün ona xidmət etmək vəzifəsi qoyulsun. Qərarın surəti təqdim edildiyi və ya alındığı gündən 10 gün müddətində Sumqayıt Apelyasiya Məhkəməsinə şikayət və ya protest verilə bilər. Sədrlik edən: Mirələm Quliyev