Qobustan Rayon Məhkəməsi Qərar — İş №3(026)-218/2020

Azərbaycan Respublikası adından QƏRAR Qobustan rayonu İş № 3(026)-218/2020 03.11.2020 QOBUSTAN RAYON MƏHKƏMƏSİ Hakim Quliyev Mirələm Qoçu oğlunun sədrliyi, Ağaliyev Məmmədağa Mustafa oğlunun katibliyi ilə, barəsində inzibati xəta haqqında iş üzrə icraat aparılan şəxs Şəxs və zərərçəkmiş şəxs X1 iştirakı ilə, xx xxx 1970-ci ildə Qobustan rayonunun Dərəkənd kəndində anadan olmuş, Azərbaycan Respublikası vətəndaşı, Qobustan rayonunun Dərəkənd kəndində yaşayan Şəxs barəsində Qobustan rayon Polis şöbəsindən daxil olmuş inzibati xəta haqqında materiala baxaraq MÜƏYYƏN ETDİ: Qobustan Rayon Məhkəməsinə Qobustan RPŞ-dən Şəxs Azərbaycan Respublikası İXM-in 510-cu madəsində nəzərdə tutulan inzibati xətanı törətməsi barədə daxil olmuş inzibati xəta haqqında protokolda göstərilmişdir ki, Şəxs xx xxxxxxx 2020-ci il tarixdə yaşadığı Qobustan rayonunun Dərəkənd kəndində, həmkəndlisi X2 nalayiq söyüşlərlə söyərək ictimai qaydanı pozan xırda xuliqanlıq hərəkətləri etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında bildirdi ki, Qobustan rayonunun Dərəkənd kəndində yaşayır. xx xxxxxxx 2020-ci il tarixdə həmkəndlisi X3 təsərrüfat damının üstünə çıxaraq dəmiri bir-birinə vurub səs saldığını eşidib həyətə çıxmış, Rüstəmə aşağı düşməsini bildirmişdir. Rüstəm də ona polisə ondan şikayət etdiyini deyərək onu söymüşdür. Məhkəmə iclasında zərərçəkmiş şəxs X3 izahatında bildirdi ki, Qobustan rayonunun Dərəkənd kəndində yaşayır. xx xxxxxxx 2020-ci il tarixdə həmkəndliləri və qonşuları Sənubər və Şəxslar onun həyətində olan tikilinin divarına paltar ipi asmaq üçün mıx vurduqlarını və ip asdıqlarını görüb onlara ipi açmasını bildirmişdir. Onların ipi açmadıqlarını görüb ipi özü açmaq istədikdə Gülşən və Sənubər onun və ailəsinin ünvanına söyüşlər söyərək onları təhqir etmişlər. Onların bu hərəkətlərindən DİN-nin 102 xidmətinə zəng vuraraq şikayət etmişdir. Məhkəmə, barəsində inzibati xəta haqqında iş üzrə icraat aparılan şəxs Şəxs və zərərçəkmiş şəxs X1 izahatını dinləyib, iş materiallarını nəzərdən keçirib hesab edir ki, Şəxs Azərbaycan Respublikası İXM-in 510-cu maddəsində nəzərdə tutulan inzibati xətanı törətmişdir. Ona görə də onun barəsində həmin maddədə nəzərdə tutulan inzibati tənbeh tədbiri görülməlidir. Məhkəmə Şəxs barəsində inzibati tənbeh tədbiri tətbiq edərkən törədilmiş inzibati xətanın ictimai təhlükəlilik dərəcəsini, onun şəxsiyyətini nəzərə alaraq Azərbaycan Respublikası İXM-in 510-cu maddəsinin sanksiyasında nəzərdə tutulan inzibati cərimə tənbeh tədbirinin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115 və 128-130-cu maddələrini rəhbər tutaraq məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinib 50 manat məbləğində inzibati cərimə edilsin. Qərarın surəti təqdim edildiyi və ya alındığı gündən 10 gün müddətində Sumqayıt Apelyasiya Məhkəməsinə şikayət və ya protest verilə bilər. Sədrlik edən: Mirələm Quliyev