Qobustan Rayon Məhkəməsi Qərar — İş №3(026)-219/2023

Azərbaycan Respublikası adından QƏRAR Qobustan rayonu İş № 3(026)-219/2023 02.08.2023 QOBUSTAN RAYON MƏHKƏMƏSİ Hakim Quliyev Mirələm Qoçu oğlunun sədrliyi, Ağaliyev Məmmədağa Mustafa oğlunun katibliyi ilə, Qobustan rayon İcra və Probasiya şöbəsinin böyük icra məmuru X3 və barəsində inzibati xəta haqqında iş üzrə icraat aparılan şəxs Şəxs iştirakı ilə, xx xxxx 1970-cı ildə Şamaxı rayonunda anadan olmuş, Azərbaycan Respublikası vətəndaşı, Qobustan rayonu Yekəxana kəndində qeydiyyatda olan Şəxs barəsində Qobustan rayon icra və probasiya şöbəsindən daxil olmuş inzibati xəta haqqında materiala baxaraq MÜƏYYƏN ETDİ: Qobustan rayon İcra və probasiya şöbəsindən Şəxs Azərbaycan Respublikası İXM-in 528.1-ci maddəsi ilə nəzərdə tutulan inzibati xətanı törətməsi barədə daxil olmuş inzibati xəta haqqında 02 avqust 2023-cü il tarixli MN ******* saylı protokolda göstərilir ki, Qobustan rayon məhkəməsinin 09 aprel 2004-cü il tarixli AT-3 saylı icra sənədinə əsasən Şəxs Hüseyn oğlu icra məmurunun qanuni tələblərini yerinə yetirməmişdir. Qobustan rayon icra və probasiya şöbəsinin böyük icra məmuru X7 bildirdi ki, Qobustan rayon məhkəməsinin 09 aprel 2004-cü il tarixli AT-3 saylı icra sənədinə əsasən cavabdeh Şəxs aylıq gəlirlərinin və başqa gəlirlərinin üçdə bir hissəsi miqdarında aliment tutulub 27 oktyabr 1992-ci il tarixdə anadan olmuş X2 və 15 may 1997-ci il tarixdə anadan olmuş X4 yetkinlik yaşına çatanadək saxlanılması üçün X1 verilməsinə dair icra vərəqəsi üzrə bu günə 11750 manat aliment borcu yaranmışdır. Borcluya icra vərəqəsi üzrə rəsmi xəbərdarlıq edilməsinə baxmayaraq borclu pulu olmadığını və işləmədiyini bildirmiş, alimenti ödəməkdən boyun qaçıraraq onun qanuni tələblərini yerinə yetirməmişdir. Qobustan rayon icra və probasiya şöbəsinin 04 mart 2014-cü il tarixli və 11 iyul 2023-cü il tarixli qərarları ilə borclunun barəsində axtarış elan edilmiş, Qobustan rayon məhkəməsinin 01 iyun 2022-ci il tarixli 3(026)-160/2022 saylı qərarı ilə Şəxs Azərbaycan Respublikası İXM-in 528.1-ci maddəsi ilə təqsirli bilinib 10 gün müddətində həbs edilmişdir. Şəxs barəsində qanuni tədbir görülməsini xahiş etdi. Barəsində inzibati xəta haqqında iş üzrə icraat aparılan şəxs Şəxs məhkəmə iclasında izahat verərək göstərdi ki, Qobustan rayon məhkəməsinin 09 aprel 2004-cü il tarixli AT-3 saylı icra sənədinə əsasən aylıq gəlirlərinin və başqa gəlirlərinin üçdə bir hissəsi miqdarında aliment tutulub 27 oktyabr 1992-ci il tarixdə anadan olmuş X2 və 15 may 1997-ci il tarixdə anadan olmuş X4 yetkinlik yaşına çatanadək saxlanılması üçün X1 verilməsinə dair icra vərəqəsi üzrə bu günə 11750 manat aliment borcu yaranmışdır. Hazırda ailəlidir və iki uşağı var. Uşaqları saxlamaq çətindir. Heç bir yerdə işləmir və işləmədiyi üçün borcunu ödəyə bilmir. Azərbaycan Respublikası İXM-in 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Məhkəmə icra məmurunun və barəsində inzibati xəta haqqında iş üzrə icraat aparılan şəxs Şəxs izahatını dinləyib, iş materiallarını nəzərdən keçirib hesab edir ki, Şəxs Azərbaycan Respublikası İXM-in 528.1-ci maddəsində nəzərdə tutulan inzibati xətanı törətmişdir. Ona görə də o, həmin maddədə nəzərdə tutulmuş inzibati qaydada tənbeh edilməlidir. İş materiallarında olan Qobustan rayon məhkəməsinin 09 aprel 2004-cü il tarixli AT-3 saylı icra sənədindən görünür ki, cavabdeh Şəxs aylıq gəlirlərinin və başqa gəlirlərinin üçdə bir hissəsi miqdarında aliment tutulub 27 oktyabr 1992-ci il tarixdə anadan olmuş X2 və 15 may 1997-ci il tarixdə anadan olmuş X4 yetkinlik yaşına çatanadək saxlanılması üçün X1 verilməsi əmr edilmişdir. Qobustan rayon icra və probasiya şöbəsinin 04 mart 2014-cü il tarixli və 11 iyul 2023-cü il tarixli qərarlarından görünür ki, Şəxs barəsində axtarış elan edilmişdir. Qobustan rayon məhkəməsinin 01 iyun 2022-ci il tarixli 3(026)-160/2022 saylı qərarından görünür ki, Şəxs Azərbaycan Respublikası İXM-in 528.1-ci maddəsi ilə təqsirli bilinib 10 gün müddətində həbs edilmişdir. Məhkəmə Şəxs barəsində inzibati tənbeh tədbiri tətbiq edərkən törədilmiş inzibati xətanın ictimai təhlükəlilik dərəcəsini, onun şəxsiyyətini və ailə vəziyyətini nəzərə alaraq Azərbaycan Respublikası İXM-in 528.1-ci maddəsinin sanksiyasında nəzərdə tutulan inzibati tənbeh tədbirinin tətbiq edilməsini məqsədəmüvafiq hesab edir. Şəxs məsuliyyətini yüngülləşdirən və ağırlaşdıran hal müəyyən edilmədi. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115 və 128-130-cu maddələrini rəhbər tutaraq məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinib 15 gün müddətinə inzibati həbs edilsin. Həbsetmənin əvvəli 02 avqust 2023-cü il tarixdən hesab edilsin. Qərarın icrası Qobustan rayon Polis şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Sumqayıt Apelyasiya Məhkəməsinə şikayət və ya protest verilə bilər. Sədrlik edən: Mirələm Quliyev