Qobustan Rayon Məhkəməsi Qərar — İş №3(026)-227/2020

Azərbaycan Respublikası adından QƏRAR Qobustan rayonu İş № 3(026)-227/2020 13.11.2020 QOBUSTAN RAYON MƏHKƏMƏSİ Hakim Quliyev Mirələm Qoçu oğlunun sədrliyi, Atakişiyeva Şəfa Qəhrəman qızının katibliyi ilə, barəsində inzibati xəta haqqında iş üzrə icraat aparılan şəxs Şəxs və zərərçəkmiş şəxs X1 iştirakı ilə, xx xxxxxxxx 1970-ci ildə Ağsu rayonunun Sarvan kəndində anadan olmuş, Azərbaycan Respublikası vətəndaşı, Qobustan rayonunun Nabur kəndində qeydiyyatda olan Şəxs barəsində Qobustan rayon Polis şöbəsindən daxil olmuş inzibati xəta haqqında materiala baxaraq MÜƏYYƏN ETDİ: Qobustan Rayon Məhkəməsinə Qobustan RPŞ-dən Şəxs Azərbaycan Respublikası İXMin 510-cu maddəsində nəzərdə tutulan inzibati xətanı törətməsi barədə daxil olmuş inzibati xəta haqqında protokolda göstərilmişdir ki, Şəxs xx xxxxxx 2020-ci il tarixdə yaşadığı Qobustan rayonunun Yekəxana kəndində, yaşadığı ünvanda həyat yoldaşı və ailə üzvlərini söyüb təhqir edərək xırda xuliqanlıq hərəkətləri etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında bildirdi ki, Qobustan rayonunun Yekəxana kəndində yaşayır və Laçın adlı şəxsin nar bağında fəhlə işləyir. xx xxxxxx 2020-ci il tarixdə yaşadığı evdə spirtli içki içmiş və həyat yoldaşı Zemfira ilə aralarında mübahisə yaranmışdır. Mübahisə zamanı Zemfiranı söymüşdür. Əməlindən pesmandır. Məhkəmə iclasında zərərçəkmiş şəxs X2 izahatında bildirdi ki, Qobustan rayonunun Yekəxana kəndində yaşayır. Şəxs Eşqları oğlu onun həyat yoldaşıdır. Şəban mütəmadi olaraq spirtli içki qəbul edir və evdə dava-dalaş salır. xx xxxxxx 2020-ci il tarixdə həyat yoldaşı Şəxs evə gələrək spirtli içki qəbul etmiş və onunla mübahisə etmişdir. Mübahisə zamanı onu və ailə üzvlərini söyüb təhqir etmişdir. Məhkəmə, barəsində inzibati xəta haqqında iş üzrə icraat aparılan şəxs Şəxs və zərərçəkmiş şəxs X1 izahatını dinləyib, iş materiallarını nəzərdən keçirib hesab edir ki, Şəxs Azərbaycan Respublikası İXM-in 510-cu maddəsində nəzərdə tutulan inzibati xətanı törətmişdir. Ona görə də onun barəsində həmin maddədə nəzərdə tutulan inzibati tənbeh tədbiri görülməlidir. Məhkəmə Şəxs barəsində inzibati tənbeh tədbiri tətbiq edərkən törədilmiş inzibati xətanın ictimai təhlükəlilik dərəcəsini, onun şəxsiyyətini nəzərə alaraq Azərbaycan Respublikası İXM-in 510-cu maddəsinin sanksiyasında nəzərdə tutulan inzibati cərimə tənbeh tədbirinin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115 və 128-130-cu maddələrini rəhbər tutaraq məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinib 100 manat məbləğində inzibati cərimə edilsin. Qərarın surəti təqdim edildiyi və ya alındığı gündən 10 gün müddətində Sumqayıt Apelyasiya Məhkəməsinə şikayət və ya protest verilə bilər. Sədrlik edən: Mirələm Quliyev