Qobustan Rayon Məhkəməsi Qərar — İş №3(026)-242/2024

Azərbaycan Respublikası adından QƏRAR Qobustan rayonu İş № 3(026)-242/2024 31.07.2024 QOBUSTAN RAYON MƏHKƏMƏSİ X13 Elbrus oğlunun sədrliyi, Rüstəmova Xədicə Abbasəli qızının katibliyi ilə, protokolu tərtib edən Qobustan rayon Polis Şöbəsinin əməkdaşı, polis mayoru X7, Barəsində inzibati xəta haqqında iş üzrə icraat aparılan şəxs Şəxs və zərərçəkmiş şəxs X5 iştirakı ilə, 26 avqust 1971-ci ildə Şamaxı rayonunda anadan olmuş, Azərbaycan Respublikasının vətəndaşı, evli, Qobustan rayonu Poladlı kəndində qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirləndirilməsinə dair Qobustan rayon Polis Şöbəsindən daxil olmuş inzibati xəta haqqında materiallara Qobustan rayon Məhkəməsinin binasında açıq məhkəmə iclasında baxaraq, məhkəmə müəyyən etdi: Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə 31 iyul 2024-cü il tarixli, MN ******* nömrəli inzibati xəta haqqında protokol tərtib olunmuşdur, ona görə ki, Şəxs 30 iyul 2024-cü il tarixdə Qobustan rayonu Poladlı kəndində X6 bir neçə şəxsin yanında nalayiq ifadələrlə söyüb xırda xuliqanlıq hərəkətləri etmişdir. Nəticə də Şəxs tərəfindən Azərbaycan Respublikası İXM-in 510-cu maddəsində nəzərdə tutulmuş inzibati xəta törədilmişdir. Azərbaycan Respublikası Daxili İşlər Nazirliyi Qobustan rayon Polis Şöbəsi tərəfindən Şəxs barəsində toplanmış materiallar baxılmaq üçün Qobustan rayon məhkəməsinə göndərilmişdir. Protokolu tərtib edən Qobustan rayon polis şöbəsinin əməkdaşı X10 bildirdi ki, X17 İstismar idarəsinin Qobustan Xidmət Sahəsinin Təbii qazın qəbulu və satış xidmətinin qaz təsərrüfatının nəzarətçisi X8 30 iyul 2024-cü il tarixdə Qobustan rayonunun Poladlı kəndində xidməti vəzifəsini yerinə yetirən zaman kənd sakini Şəxs tərəfindən nalayiq ifadələrlə söymüşdür. Barəsində inzibati xəta haqqında iş üzrə icraat aparılan şəxs Şəxs barəsində qanuna müvafiq inzibati tənbeh tətbiq edilməsini məhkəmədən xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü qismən təqsirli bilərək göstərdi ki, 30 iyul 2024-cü il tarixdə X17 İstismar idarəsinin Qobustan Xidmət Sahəsinin Təbii qazın qəbulu və satış xidmətinin qaz təsərrüfatının işçiləri X8 və X1 qaz sayğaclarına baxış keçirən zaman onlara qaz xətlərində sızma olduğunu və qazın az gəldiyini demiş, onlar da həmin işlərin onlara aid olmadığını və məsələnin həll üçün müdiriyyətə müraciət etməsini ona bildirmişlər. Babək və Qulama əgər onların iradlarına qulaq asıb nöqsanları aradan qaldırmayacaqları təqdirdə Poladlı kəndinə gəlməmələrini demişdir. Həmin vaxtı heç kimi söyüb təhqir etməmişdir. Zərərçəkmiş şəxs X8 bildirdi ki, Qobustan rayon qaz təsərrüfatında nəzarətçi işləyir. 30 iyul 2024-cü il tarixdə Qobustan rayonunun Poladlı kəndində xidməti işində olarkən kənd sakini Şəxs onu köməkçisi Qulam Zahidovun yanında heç bir səbəb olmadan söyüb təhqir etmişdir. O, da bu barədə əvvəlcə işlədiyi idarənin rəhbərliyinə, sonra isə Qobustan rayon Polis Şöbəsinə müraciət etmişdir. X4 zərərçəkmiş şəxs X5 izahatına uyğun izahat verdi. İş materiallarına əlavə olunmuş 31 iyul 2024-cü il tarixli eketron sorğulama məlumatından görünür ki, Şəxs 2-ci qrup əlildir. Azərbaycan Respublikası İnzibati Xətalar Məcəlləsinin 111.3-cü maddəsinə görə inzibati həbs tənbeh növü nəzərdə tutan inzibati xətalar haqqında işlərə inzibati xəta haqqında protokola daxil olduğu gün baxılır. Azərbaycan Respublikası İnzibati Xətalar Məcəlləsinin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə-əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Şəxs məsuliyyətini yüngülləşdirən və ağırlaşdıran hal müəyyən olunmadı. Şəxs məsuliyyətini ağırlaşdıran hallar müəyyən olunmamışdır. Məhkəmə inzibati xəta haqqında iş üzrə materialları araşdırıb, barəsində inzibati xəta haqqında iş üzrə icraat aparılan şəxs Şəxs, zərərçəkmiş şəxsin izahatını və şahidin ifadəsini dinləyib, inzibati materiallara əlavə olunmuş Şəxs törətməsi istinad olunan inzibati xətaların əks olunduğu sübutlara qiymət verərək hesab edir ki, Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətaları törətməsi sübuta yetirilərək təqsirli bilinməlidir. Beləliklə iş materialları araşdırılaraq məhkəmə belə nəticəyə gəlir ki, Şəxs Azərbaycan Respublikasının İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətmişdir, ona Azərbaycan Respublikası İXM-nin 510-cu maddəsinə əsasən tənbeh tətbiq edilməli və ona həmin maddənin sanksiyasında nəzərdə tutulan inzibati cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 114-115, 117, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinərək 50 manat məbləğində inzibati cərimə olunsun. Qərarın surəti təqdim edildiyi və ya alındığı gündən 10 gün müddətində Sumqayıt Apelyasiya Məhkəməsinə şikayət və ya protest verilə bilər. Sədrlik edən: Rövşən Xəlilov