Qobustan Rayon Məhkəməsi Qərar — İş №3(026)-246/2023

Azərbaycan Respublikası adından QƏRAR Qobustan rayonu İş № 3(026)-246/2023 30.08.2023 QOBUSTAN RAYON MƏHKƏMƏSİ Hakim Quliyev Mirələm Qoçu oğlunun sədrliyi, Ağaliyev Məmmədağa Mustafa oğlunun katibliyi ilə, Təqirləndirilən şəxs Şəxs Əlisəfa oğlunun və zərərçəkmiş şəxs X1 iştirakı ilə, barəsində inzibati xəta haqqında iş üzrə icraat aparılan şəxs xx xxxxxx 1985-ci ildə Qobustan rayonunda anadan olmuş, Azərbaycan Respublikası vətəndaşı, Qobustan şəhərində qeydiyyatda olan Şəxs Əlisəfa oğlu barəsində Qobustan rayon polis şöbəsindən daxil olmuş inzibati xəta haqqında protokola baxaraq MÜƏYYƏN ETDİ: Qobustan rayon polis şöbəsindən daxil olmuş ******* saylı protokolda Şəxs Əlisəfa oğlunun 16 iyul 2023-cü il tarixdə X5 ilə aralarında yaranmış mübahisə zamanı X3 dərəcəsi müəyyən olunmayan xəsarət yetirdiyi göstərilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs Əlisəfa oğlu izahat verərək bildirdi ki, 10 ildir ki, Qobustan rayonunun Qurbançı kəndindən icarəyə torpaq sahəsi götürüb əkir. Hazırda isə həmin torpaq sahəsini alıb adına rəsmiləşdirmişdir. Qurbançı kənd sakini X5 hər il onun əkdiyi sahəyə heyvanlarını salaraq yararsız hala salır. Fədələrlə deməsinə baxmayaraq heç bir nəticəsi olmur. 16 iyul 2023-cü il tarixdə qardaşı Orxanla birlikdə əkin sahəsinə baxmağa getmiş və yenə də əkin sahəsində heyvanların otladığını görmüşdür. Xəlgüllah İsgəndərovun mobil telefonuna zəng vursa da, Xəlgüllah telefona cavab verməmişdir. O, heyvanları əkin sahəsindən çıxardıqdan sonra Xəlgüllah “NİVA” markalı avtomaşınla onlara yaxınlaşıb ona zəng etməsinin səbəbini soruşmyşdur. O, da Xəlgüllüh İsgəndərova heyvanlarının onun əkin sahəsinə girdiyini deyərək ona irad bildirmişdir. Xəlgüllah İsgəndərov ona “get malları çıxart, canın çıxsın yerinin yanında dur” dedi. və nalayıq söyüşlərdə ata-anasını söyərək ona “oğluma deyərəm sənin qulağını kəsər, türmədə kişi kimi yatar” demişdir. Həmin an Daxili İşlər Nazirliyinin 102 xidmətinə zəng edərək bu barədə məlumat vermişdir. Ondan sonra Xəligüllahda DİN-in 102 xidmətinə zəng vurmuşdur. Xəlgüllah İsgəndərovu nə o, nə də qardaşı Orxan vurmamışdır. Zərərçəkmiş şəxs X5 izahat verərək göstərdi ki, Qobustan rayonunun Qurbançı kəndində yaşayır, təqaüdçüdür, 42 il müəllim işləmişdir, iki alı təhsili var. Şəxs Əlisəfa oğlunu tanıyır, Azər Qirbançı kəndində əkin-için işləri ilə məşğul olur. Heyvanlarının taxıl sahəsinə girməsinə görə Azərlə aralarında mübahisə yaranmışdır. 16 iyul 2023-cü il tarixdə saat 12 radələrində Azər onun mobil telefonuna 2 dəfə zəng vurmuş, o isə telefona cavab verməmişdir. Özünə məxsus avtomaşınla gedərkən Azərin idarə etdiyi avtomaşınla qarşı-qarşıya gəlmiş, Azər onu tanıyıb maşını döndərib onun arxasınca gəlmişdir. Heyvanların Azərin əkin sahəsinə girdiyinə görə aralarında mübahisə yaranmışdır. Az sonra Azərin qardaşı Orxanla onların yanına gəlmiş, hər ikisi onu təpik və yumruqla vurmuşlar. Orxan Cəbiyev avtomaşının qapısını onun ayaqlarına çırpmışdır. Şəxs isə onu söydüyünə görə o, da həmin söyüşləri Azərə qaytarmışdır. Daha sonra Azərbaycan Respublikası DİN-in 102 xidmətinə zəng edərək Azər və Orxan Cəbiyevlərin onu döymələri barədə məlumat vermişdir. Evə gəldikdən sonra qarın nahiyyəsində ağrılar olduğuna görə təcili tibbi yardın stansiyasına zəng etmişdir. Təcili tibbi yardın avtomaşını gərələr onu xəstəxanaya aparmış və orada həkim ona ağrıkəsici dərmanlar vermişdir. Azər və Orxan Cəbiyevlər onu döydükdən sonra o, həqiqətən Azərə “oğluma deyərəm sənin qulağını kəsər, türmədə kişi kimi yatar”-sözlərini demişdir. Bundan sonra Azər və Orxan Cəbiyevlər barəsində Qobustan rayon polis şöbəsinə məlumat vermişdir. İş materiallarına əlavə olunmuş Qobustan rayon polis şöbəsinin TQ-nin 21 avqust 2023-cü il tarixli “cinayət işinin başlanmasının rədd edilməsi barədə” qərarından görünür ki, Xəlgüllah İsgəndərovun müraciəti əsasında toplanmış materialda cinayət tərkibi olmadığından cinayət işinin başlanılması rədd edilmişdir. İş materiallarına əlavə olunmuş Qobustan rayon polis şöbəsinin TQ-nin 21 avqust 2023-cü il tarixli “cinayət işinin başlanmasının rədd edilməsi barədə” qərarındakı Şamaxı rayon MTE və PA birliyinin verdiyi 19 iyul 2023-cü il tarixli 90 nömrəli rəyindən görünür ki, X2 məhkəmə tibbi ekspertizası zamanı müəyyən olundu ki, sağ və sol bazu oynağı nahiyyəsinin, sağ və sol döş qəfəsinin alt nahiyyəsinin, sağ və sol baldırın orta 3/1 ön səthinin qançırları küt əşya təsirindən törənməklə yetirilmə müddəti 16 iyul 2023-cü il tarixə uyğun gəlir. Təsvir olunan xəsarətlər kənar şəxs tərəfindən, eləcə də bədənin əlçatan nahiyyələrində yerləşdiyindən, zərərçəkənin özü tərəfindən yetirilməsi mümkündür. X4in almış olduğu xəsarətlər ayrı-ayrılıqda və ümumilikdə sağlamlığa zərər vurmayan xəsarətlərə aid olduğundan dərəcəsi təyin edilmir. Məhkəmə barəsində inzibati xəta haqqında iş üzrə icraat aparılan şəxs Şəxs Əlisəfa oğlunun və zərərçəkmiş şəxsin izahatını dinləyib, iş materiallarını araşdırıb hesab edir ki, Şəxs Əlisəfa oğlu Azərbaycan Respublikası İXM-in 157-ci maddəsində nəzərdə tutulan inzibati xətanı törətmişdir. Məhkəmə Şəxs Əlisəfa oğlu barəsində inzibati tənbeh tədbiri görərkən törədilmiş inzibati xətanın ictimai təhlükəlilik dərəcəsini, onun şəxsiyyətini, ailə vəziyyətini nəzərə alaraq Azərbaycan Respublikası İXM-in 157-ci maddəsinin sanksiyasında nəzərdə tutulan inzibati cərimə tənbeh tədbirinin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115 və 128-130-cu maddələrini rəhbər tutaraq məhkəmə QƏRARA ALDİ: Şəxs Əlisəfa oğlu Azərbaycan Respublikası İnzibati Xətalar Məcəlləsinin 157-ci maddəsi ilə təqsirli bilinib 500 manat məbləğində inzibati cərimə edilsin. Qərarın surəti təqdim edildiyi və ya alındığı gündən 10 gün müddətində Sumqayıt Apelyasiya Məhkəməsinə şikayət və ya protest verilə bilər. Sədrlik edən: Mirələm Quliyev