Qobustan Rayon Məhkəməsi Qərardad — İş №3(026)-41/2023

Azərbaycan Respublikası adından QƏRARDAD Qobustan rayonu İş № 3(026)-41/2023 17.01.2023 QOBUSTAN RAYON MƏHKƏMƏSİ Mən Qobustan rayon məhkəməsinin hakimi Quliyev Mirələm Qoçu oğlu xx xxxxxx 1997-ci ildə Ağdan rayonunun Seyidli kəndində anadan olmuş, Ağdam rayonunun Seyidli kəndində qeydiyyatda olan Şəxs barəsində tərtib olunmuş Azərbaycan Respublikası İXM-nin 529.3-cü maddəsi ilə nəzərdə tutulan inzibati məsuliyyətə cəlb olunması barədə İXP ******* saylı protokola baxıb MÜƏYYƏN ETDİM: Qobustan rayon məhkəməsinə Bakı şəhəri Xətai rayon Polis İdarəsindən Şəxs Azərbaycan Respublikası İXM-nin 529.3-cü maddəsi ilə inzibati xəta törətməsi barədə 16 noyabr 2022-ci il tarixli İXP ******* saylı protokol daxil olmuşdur. Məhkəmə protokolu və ona əlavə olunmuş sənədləri araşdırıb hesab edir ki, protokol və əlavə olunmuş sənədlər geri qaytarılmalıdır. İş materiallarına əlavə olunmuş portaldan çıxarışdan görünür ki, AA seriyalı ******* saylı şəxsiyyət vəsiqəsi məlumatlarında Şəxs Ağdam rayonunun Seyidli kəndində qeydiyyatda olduğu göstərilmişdir. Azərbaycan Respublikası İnzibati Xətalar Məcəlləsinin 110.1-ci maddəsinə görə, inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Azərbaycan Respublikası İnzibati Xətalar Məcəlləsinin 109.1.6-cı maddəsinə görə, protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Məhkəmə hesab edir ki, Şəxs barəsində olan inzibati xəta haqqında işə baxılarkən onu tamamlamaq mümkün olmadığına görə 16 noyabr 2022-ci saylı İXP ******* saylı protokol Bakı şəhəri Xətai rayon Polis İdarəsinə qaytarılmalıdır. Yuxarıda qeyd olunanlara əsasən və Azərbaycan Respublikası İnzibati Xətalar Məcəlləsinin 109, 114, 118 və 128-ci maddəsini rəhbər tutub QƏRARA ALDİ: İnzibati xəta haqqında 16 noyabr 2022-ci saylı İXP ******* saylı protokol və ona əlavə edilmiş sənədlər Bakı şəhəri Xətai rayon Polis İdarəsinə qaytarılsın. Sədrlik edən: Mirələm Quliyev