Qobustan Rayon Məhkəməsi Qərar — İş №3(026)-8/2022

Azərbaycan Respublikası adından QƏRAR Qobustan rayonu İş № 3(026)-8/2022 07.01.2022 QOBUSTAN RAYON MƏHKƏMƏSİ Hakim Quliyev Mirələm Qoçu oğlunun sədrliyi, Atakişiyeva Şəfa Qəhrəman qızının katibliyi ilə, barəsində inzibati xəta haqqında iş üzrə icraat aparılan şəxs Şəxs iştirakı ilə, xx xxxxxxx 1973-cü ildə Şamaxı rayonunun Nabur kəndində anadan olmuş, Azərbaycan Respublikası vətəndaşı, Qobustan rayonunun Nabur kəndində yaşayan Şəxs Azərbaycan Respublikası İXM-in 442-ci maddəsi ilə inzibati xəta törətməsi barədə Qobustan rayon Polis şöbəsindən daxil olmuş inzibati xəta haqqında materiala baxaraq MÜƏYYƏN ETDİ: İnzibati xəta haqqında protokolda Şəxs 31 dekabr 2021-ci il tarixdə Qobustan rayonun Nabur kəndində yerləşən həyətində pirotexniki partlayıcı maddələri qanunsuz olaraq masanın üzərinə qoyub satmaqla məşğul olduğu göstərilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, Qobustan rayonunun Nabur kəndində yaşayır. 29 dekabr 2021-ci il tarixdə Bakı şəhərində olarkən mağazaların birindən yeni il bayramı hədiyyəsi olaraq uşaqları üçün bir neçə fişəng və pirotexniki vasitə olan partlayıcı maddə almışdır. Lakin çox olduğunu görüb 30 dekabr 2021-ci il tarixdə həyətində olan stolun üzərinə qoyaraq satmaq istədikdə saat 15:00-da Qobustan rayon polis şöbəsinin əməkdaşları onun həyətinə gəlmiş və həmin vasitələrin satışının qadağan olduğunu ona deyərək onu polis şöbəsinə dəvət etmişlər. Əməlindən peşmandır. Məhkəmə Şəxs izahatını dinləyib, iş materiallarını araşdırıb hesab edir ki, Şəxs Azərbaycan Respublikası İXM-in 442-ci maddəsində nəzərdə tutulan inzibati xətanı törətmişdir. Ona görə də onun barəsində həmin maddədə nəzərdə tutulan inzibati tənbeh tədbiri görülməlidir. Məhkəmə Şəxs barəsində inzibati tənbeh tədbiri tətbiq edərkən törədilmiş inzibati xətanın ictimai təhlükəlilik dərəcəsini, əməlindən peşman olmasını və ailə vəziyyətini nəzərə alaraq Azərbaycan Respublikası İXM-in 442-ci maddəsinin sanksiyasında nəzərdə tutulan inzibati cərimə tənbeh tədbirinin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115 və 128-130-cu maddələrini rəhbər tutaraq məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 442-ci maddəsi ilə təqsirli bilinib 350 manat cərimə edilsin. Qərarın surəti təqdim edildiyi və ya alındığı gündən 10 gün müddətində Sumqayıt Apelyasiya Məhkəməsinə şikayət və ya protest verilə bilər. Sədrlik edən: Mirələm Quliyev