Quba Rayon Məhkəməsi Qərar — İş №3(027)-1023/2025

Azərbaycan Respublikası adından QƏRAR Quba şəhəri İş № 3(027)-1023/2025 12.11.2025 QUBA RAYON MƏHKƏMƏSİ Hakim Kamilli Günel Hakim qızının sədrliyi, Xudaverdiyev Elşad Mütəllim oğlunun katibliyi, Şikayət verən X2 iştirakı ilə, Azərbaycan Respublikası DİN BDYPİ-nin xx.xx.2025-ci il tarixli EQ 31618034 nömrəli inzibati tənbeh vermə haqqında qərarının ləğv edilməsi və inzibati xəta haqqında iş üzrə icraata xitam verilməsi barədə X2 şikayətinə açıq məhkəmə iclasında baxaraq, məhkəmə Müəyyən etdi: X3 inzibati tənbeh vermə haqqında qərardan şikayət ərizəsi ilə müraciət edərək, barəsində Azərbaycan Respublikası İXM-nın 346.4-cü maddəsi ilə tərtib edilmiş inzibati tənbeh vermə haqqında xx.xx.2025-ci il tarixli EQ 31618034 nömrəli qərarın ləğv edilməsi barədə qərar qəbul edilməsini xahiş etmişdir. Ərizə onunla əsaslandırılmışdır ki, etibarnamə əsasında idarə etdiyi VAZ 21063 MİNİK markalı ** LK *** dövlət qeydiyyat nişanlı avtomaşını idarə edərək 28 oktyabr 2025-ci il tarixdə saat 19-15 radələrində salonunda iki sərnişinlə birlikdə Quba rayonunun Qırmızı Qəsəbə tərəfdən gəlib «köhnə avtovağzal « dairəsinə daxil olmuş, sola dönüb Xaçmaz taksi dayanacağında həmin iki sərnişini avtomaşından düşürməli olmuşdur. Sola dönüş edəndən sonra qarşısına köhnə avtovağzal tərəfdən gələn bir avtomaşın çıxdı və ona görə avtomaşınının sürətini dayanacaq həddə qədər azaltmış, həmin avtomaşına yol vermişdir. O da,qarşısından avtomaşın keçəndən sonra Heydər Əliyev prospekti ilə hərəkətini davam etdirərək çıxıb getmişdir. O, avtomaşınını sürətini qarşısına maşın çıxdığı üçün son dərəcə azaltdığı zaman avtomaşınının şəkli çəkilərək X1nə ötürülmüş və o, AR DİN BDYPİ X1 tərəfindən, guya yanqoşqusu olmayan motosikletlər,mopedlər, velosipedlər və kiçik elektrik nəqliyyat vasitələri istisna olmaqla, digər nəqliyyat vasitələrinin yolun hərəkət hissəsinin kənarında ikinci və sonrakı cərgələrdə dayanmasına və durması adlanan inzibati xəta törətdiyinə görə AR İXM-nin 346.4-cü maddəsilə təqsirləndirilib 80 manat məbləğində cərimə olunmuşdur. Tətbiq olunan bu inzibati tənbeh tədbirini o, aşağıda göstərilən səbəblərdən əsassız hesab edir. Birincisi, avtomaşınını o saxlamamışdım,sadəcə sürətini son dərəcə azaltmış, hətta mühərrikini belə söndürməmişdir. Çünki qarşısından perpendikulyar istiqamətdə başqa avtomaşın keçirdi. O həmin avtomaşının keçməsinə şərait yaratmalı idi, əks halda toqquşma baş verəcəkdi. Özü nə avtomaşını dayandırmamışdım, nə də mühərrikini söndürməmişdim, sükanın arxasında idim. Bu hal çəkilən fotoşəkillərdən də açıq-aydın görünür. İkincisi, Bakı taksilərinin dayandığı birinci cərgənin özündə avtomaşınları saxlamaq olmaz, çünki burada avtomaşınların saxlanılmasını qadağan edən nişan qoyulmuşdur. Lakin nədənsə DYP buna əhəmiyyət vermir.Mən isə həmin taksilərin dayandığı birinci cərgəni ötüb Xaçmaz taksilərinin dayandığı yerdə sərnişinləri düşürmək istəyirdim ki , qarşımdan avtomaşın keçdiyindən elə görüntü yarandı ki, guya o, avtomaşını saxlamışdır. Amma avtomaşının sürətini dayanacaq həddə yaxın azaltmış ki,qarşısından keçən avtomaşınla toqquşma baş verməsin. Ona görə də hesab edir ki, barəsində qəbul edilmiş qərar əsassız olduğundan ləğv edilməklə inzibati xəta üzrə icraata xitam verilməlidir. Məhkəmə iclasında şikayət verən X3 ərizənin məzmununa uyğun izahat vermiş və qərarın ləğv edilməsini xahiş etmişdir. İşə baxılmasının yeri və vaxtı barədə qərarından şikayət verilən Azərbaycan Respublikası DİN BDYPİ-yə məlumat verilsə də, nümayəndələrinin məhkəmə iclasında iştirakını təmin etməmiş və səbəbləri barədə məlumat verməmişdilər. Məhkəmə işə, qərarından şikayət verilən orqanın nümayəndələrinin iştirakı olmadan baxılmasını mümkün hesab etmişdir. Məhkəmə şikayəti və təqdim olunmuş inzibati xəta materialını tədqiq edərək hesab edir ki, qərardan verilmiş şikayət qismən təmin edilməlidir. Belə ki, iş materiallarına əlavə edilmiş BDYPİ-nin xx.xx.2025-ci il tarixli EQ 31618034 nömrəli inzibati tənbeh vermə haqqında qərarından görünür ki, X3 Azərbaycan Respublikasının İnzibati Xətalar Məcəlləsinin 346.4-cü maddəsində nəzərdə tutulan inzibati xətanı törətməkdə təqsirli bilinib, barəsində 80 (səksən) manat cərimə cəzası tətbiq edilmişdir. Azərbaycan Respublikası İXM-nin 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-nin 124.6-cı maddəsinə əsasən bu Məcəllənin 346.1 346.2, 346.4–346.9, 346-1.1–346-1.4 və 346-1.6–346-1.8-ci maddələrində nəzərdə tutulmuş inzibati xətanı törətmiş şəxs nəqliyyat vasitəsinin yanında olmadığı hallarda inzibati xəta törətmiş şəxsin iştirakı olmadan foto və ya video çəkiliş aparılmaqla, nəqliyyat vasitəsinin istifadəçisi barədə inzibati tənbeh vermə haqqında qərar çıxarılır. İnzibati xəta hadisəsinin baş verdiyini və hansı nəqliyyat vasitəsinin sürücüsü tərəfindən törədildiyini sübut edən foto və ya video materiallar əlavə olunmaqla, həmin qərarın surəti nəqliyyat vasitəsinin ön şüşəsinə qoyulur. İnzibati tənbeh vermə haqqında qərar operativ nəqliyyat vasitəsində quraşdırılmış bortkompüter vasitəsilə tərtib olunaraq dərhal müvafiq icra hakimiyyəti orqanının müəyyən etdiyi orqanın (qurumun) müvafiq informasiya sistemində yerləşdirilir və barəsində inzibati xəta haqqında iş üzrə icraat aparılan şəxsə həmin qərar barədə bu Məcəllənin 125.2.1 və 125.2.2-ci maddələrində nəzərdə tutulmuş qaydada məlumat verilir. Azərbaycan Respublikası İXM-nin 346.4-cü maddəsinə əsasən, yanqoşqusu olmayan motosikletlər, mopedlər, velosipedlər və kiçik elektrik nəqliyyat vasitələri istisna olmaqla, digər nəqliyyat vasitələrinin yolun hərəkət hissəsinin kənarında ikinci və sonrakı cərgələrdə dayanmasına və ya durmasına görə səksən manat məbləğində cərimə edilir. “Yol hərəkəti haqqında “Azərbaycan Respublikasının Qanununa əsasən yolun hərəkət hissəsi – yolun nəqliyyat vasitələrinin hərəkəti üçün istifadə edilən hissəsidir (yolun ayırıcı zolaq vasitəsilə dürüst müəyyən edilən və ya müxtəlif səviyyələrdə olan bir neçə hərəkət hissəsi ola bilər); Məhkəməyə təqdim edilmiş foto görüntülərdən VAZ 21063 MİNİK markalı ** LK *** dövlət qeydiyyat nişanlı avtomobilin yolun hərəkət hissəsinin kənarında ikinci və sonrakı cərgələrdə dayanması və ya durması müəyyən edilməmişdir. Belə ki, görüntülərdən məlum olur ki, sürücü nəqliyyat vasitəsinin içərisindədir və avtomobil işlək vəziyyətdədir. Əlavə olaraq şikayətçiyə məxsus nəqliyyat vasitəsinin qarşısında digər bir avtomobilin olması onun şikayətdə göstəridiyi halların mövcud olduğunu deməyə əsas verir. Azərbaycan Respublikası İXM-nin 135.1.4-cü maddəsinə əsasən inzibati məsuliyyət müəyyən edən qanunun normasının düzgün tətbiq edilməməsi inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Həmin Məcəllənin 134.1.4-cü maddəsinin tələbinə əsasən, hakimin, səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması (135.1.1) və Azərbaycan Respublikası İXM ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulmasının müəyyən edilməsi (135.1.6) hallarında qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında məhkəmə qərar qəbul edir. Beləliklə Azərbaycan Respublikası DİN BDYPİ-nin İnzibati Xətalar Məcəlləsinin 346.4-cü maddəsi ilə tərtib edilmiş xx.xx.2025-ci il tarixli EQ 31618034 nömrəli qərarı ləğv edilməli və inzibati xəta haqqında iş yenidən araşdırılması üçün Azərbaycan Respublikası DİN Quba RPŞ-ə göndərilməlidir. Yuxarıda göstərilənlərə əsasən və Azərbaycan Respublikası İXM-nin 128-137-ci maddələrini rəhbər tutaraq, məhkəmə qərara aldı: Şikayət qismən təmin edilsin. Azərbaycan Respublikası DİN BDYPİ-nin İnzibati Xətalar Məcəlləsinin 346.4-cü maddəsi ilə tərtib edilmiş xx.xx.2025-ci il tarixli EQ 31618034 nömrəli nömrəli qərarı ləğv edilsin və inzibati xəta haqqında iş yenidən araşdırılması üçün Azərbaycan Respublikası DİN Quba RPŞ-ə göndərilsin. Qərarın surəti rəsmi qaydada verildiyi vaxtdan 10 (on) gün müddətində Quba Rayon Məhkəməsi vasitəsilə və ya birbaşa Sumqayıt Apellyasiya Məhkəməsinə apellyasiya şikayəti verilə bilər. Hakim: Günel Kamilli