Quba Rayon Məhkəməsi Qərardad — İş №3(027)-1057/2022

Azərbaycan Respublikası adından QƏRARDAD Quba şəhəri İş № 3(027)-1057/2022 04.10.2022 QUBA RAYON MƏHKƏMƏSİ Mən, Quba Rayon Məhkəməsinin hakimi Məmmədov İlqar Aslan oğlu, X2 barəsində Azərbaycan Respublikası İXM-nin 510 və 535.1-ci maddələri ilə Quba rayon Polis şöbəsindən daxil olmuş inzibati xəta haqqında protokollara və əlavə edilmiş sənədlərə baxaraq, müəyyən etdim: MN N ******* nömrəli, 03 oktyabr 2022-ci il tarixli inzibati xəta haqqında protokola əsasən, X2 xx.xx.2022-ci il tarixdə saat 21:30 radələrində xidmətdə olan polis əməkdaşlarına qarşı nəlayiq ifadələr işlədərək, onları təhqir edib. MN N ******* nömrəli, 03 oktyabr 2022-ci il tarixli inzibati xəta haqqında protokola əsasən, X2 xx.xx.2022-ci il tarixdə saat 21:30 radələrində Quba şəhəri ərazisində sərxoş halda ucadan qışqıraraq nəlayiq ifadələr işlətməklə polisin qanuni tələblərini pozmuşdur. Azərbaycan Respublikası Daxili İşlər Nazirliyi Quba RPŞ-i tərəfindən X2 barəsində toplanmış materiallar baxılmaq üçün Quba Rayon Məhkəməsinə göndərilmişdir. Azərbaycan Respublikası İnzibati Xətalar Məcəlləsinin 111.3-cü maddəsinə görə inzibati həbs tənbeh növü nəzərdə tutan inzibati xətalar haqqında işlərə inzibati xəta haqqında protokola daxil olduğu gün baxılır. Həmin Məcəlləsinin 34.2-ci maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərcivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Həmin Məcəllənin 34.3-cü maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Hesab edirəm ki, X1 Azərbaycan Respublikası İnzibati Xətalar Məcəlləsinin 510 və 535.1-ci maddələri ilə təqsirləndirilməsinə dair xx.xx.2022-ci il tarixli, ******* və ******* nömrəli inzibati xəta haqqında protokollara eyni vaxtda baxılmasının təmin olunması üçün 3(027)-1057/2022 nömrəli iş bir icraatda 3(027)-1058/2022 nömrə ilə birləşdirilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 34.2-ci maddəsini rəhbər tutaraq, qərara aldım: X1 Azərbaycan Respublikası İnzibati Xətalar Məcəlləsinin 510 və 535.1-ci maddələri ilə təqsirləndirilməsinə dair xx.xx.2022-ci il tarixli, ******* və ******* nömrəli inzibati xəta haqqında protokollara eyni vaxtda baxılmasının təmin olunması üçün 3(027)-1057/2022 nömrəli iş bir icraatda 3(027)-1058/2022 nömrə ilə birləşdirilsin. Hakim: İlqar Məmmədov