Quba Rayon Məhkəməsi Qərar — İş №3(027)-1138/2022

Azərbaycan Respublikası adından QƏRAR Quba şəhəri İş № 3(027)-1138/2022 28.10.2022 QUBA RAYON MƏHKƏMƏSİ Hakim Məmmədov İlqar Aslan oğlunun sədrliyi, Hacıyev Əmiraslan Arif oğlunun katibliyi ilə, Protokol tərtib edən şəxs X4, Zərərçəkmiş şəxs nümayəndəsi X1, Barəsində inzibati xəta haqqında iş üzrə icraat aparılan şəxs Şəxs iştirakları ilə xx.xx.1969-cu ildə Quba rayonunda anadan olmuş, Azərbaycan vətəndaşı, ailəli, fərdi əməklə məşğul olan, Quba rayonu, Paşaoba kəndində yaşayan və qeydiyyatda olan Şəxs barəsində Quba RPŞ-dən daxil olmuş inzibati xəta haqqında protokola və ona əlavə edilmiş sənədlərə baxaraq, məhkəmə Müəyyən etdi: Quba RPŞ-dən daxil olmuş inzibati xəta haqqında xx.xx.2022-ci il tarixli, MN ******* saylı protokola əsasən Şəxs xx.xx.2022-ci il tarixdə, saat 12:30 radələrində Quba Rayon Məhkəməsinin qarşısında Zərərçəkmiş şəxs döymüşdür. Məhkəmədə inzibati xəta haqqında protokol tərtib edən şəxs X7 bildirdi ki, Şəxs xx.xx.2022-ci il tarixdə, saat 12:30 radələrində Quba Rayon Məhkəməsinin qarşısında Zərərçəkmiş şəxs döymüşdür. Protokolu təhqiqat qərarına əsasən tərtib etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilməyərək, bildirdi ki, qızı X2 2018-ci ildə rəsmi ailə həyatı qurmuşdur sonradan Zəka Məmmədovdan boşanıb və azyaşlı uşağı qızında qalmışdır. Məhkəmənin qətnaməsilə 130 manat aliment pulu təyin edilmiş, o, da hər ay pulu ödəmişdir. aliment pulunun 130 manatda 193 manata qaldırılması barədə Məhkəmədə yenidən iddia qaldırmışlar 29 avqust 2022-ci il tarixdə Quba rayon məhkəməsinə gəlmiş və məhkəmə təxirə salınmışdır. Bundan sonra məhkəmə çəkişməsi zamanı məhkəmənin inzibati binasının içərisində Gülbəhər üstünə cumub onu döymək istədikdə, məhkəmə polisləri onu ayırıb çölə çıxarmışlar. Həmin vaxt Gülbəhər onu vurmaq istədikdə məhkəmənin binasının qarşısında Gülbəhərin əli qızı Safiyanın sağ gözünə dəymişdir. Qızı şikayət etmək istədikdə, o, qızını sakitləşdirmiş və şikayət etməyə qoymamışdır. Sonradan oradan aralınıb getmişlər. O, Zərərçəkmiş şəxs döyməmişdir, onun barəsində yazdıqları yalandır. Mübahisə təxminən 10-15 dəqiqə davam etmiş və orada kənar şəxslər olmamışdır. Мəhkəmə iclasında Zərərçəkmiş şəxs nümayəndəsi X3 bildirdi ki, Şəxs qızı onun gəlini olub, sonradan onlar boşanıblar, nəvəsi anasında qaldığına görə onun oğlundan hər ay aliment tutulub. 2022-ci ildə yenidən Quba rayon məhkəmsinə iddia ərizəsi yazaraq alimentin artırılmasını xahiş edib. Hər ay məhkəmə qərarına əsasən oğlu Zəka uşağına 180 manat aliment ödəyir. 29 avqust 2022-ci il tarixdə təxminən saat 11:30 radələrindəə Quba rayon məhkəməsinin inzibati binasında alimentin artırılması ilə əlaqədar hakim Rahim Həsənovun sədrliyi ilə 3-cü məhkəmə prosesi keçirilmiş və o, da oğlu Zəka Məmmədovun adından etibarnamə ilə məhkəmədə iştirak etmişdir. Təxminən 1 saat məhkəmə zalında proses davam etmiş və 12:30 radələrində proses başa çatmış və onlar inzibati binanın tərk edib binanın qarşısına çıxmışlar. Keçmiş gəlini Sofiya məhkəmə binasının qarşısında dayısı Telmanla birlikdə dayanmış və Sofiyanın anası Arzu üstünə gəlib üzünə tüpürərək qardaşının ünvanına nalayiq söyüşlər söymüşdür. O, da onların söyüşlərini özlərinə qaytardığı zaman, Sofiyanın atası Yadigar üstünə cummuş və qaynı Telmanla onu itələyib yerə yıxmışlar. O, da onların əlindən çıxıb şikayət etmək üçün RPŞ-nə gəlmişdir. Münaqişə təxminən 5- 10 dəqiqə davam etmiş və yanlarında kənar şəxs olmamışıdr. Münaqişə zamanı onu keçmiş qudası Şəxs sol qolundan tutaraq. Yadigarın qaynı Telman isə saçının arxa tərəfindən tutaraq onu yerə yıxmışlar. Münaqişə nəticəsində sol qolundan və sol ayağından yıxılma nəticəsində xəsarət almışdır. Hazırda şikayətçidir. İş materiallarında olan cinayət işinin başlanmasının rədd edilməsi barədə 27 sentyabr 2022-ci il tarixli qərardan görünür ki, toplanmış material üzrə cinayət işinin başlanılması əməldə cinayət tərkibi olmadığından rədd edilməsi, qərarın surəti Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə inzibati tədbir görülməsi üçün Quba RPŞ-nin İTB-nə göndərilməsi qərara alınmışdır. Məhkəmə hesab edir ki, Şəxs hərəkətində İXM-nin 157-ci maddəsinin tərkibi var və o, həmin inzibati xətanın törədilməsində təqsirli bilinməlidir. Belə ki, inzibati xəta hadisəsinin olması və onun Şəxs tərəfindən törədilməsi, zərərçəkmiş şəxsin nümayəndəsinin, protokolu tərtib etmiş şəxsin izahatları ilə, cinayət işinin başlanmasının rədd edilməsi barədə 27 sentyabr 2022-ci il tarixli qərar, inzibati xəta haqqında protokol və protokola əlavə edilmiş digər sənədlərlə təsdiq olunur. Azərbaycan Respublikası İnzibati Xətalar Məcəlləsinin 157-ci maddəsinə əsasən döymə və sair zorakı hərəkətlərlə qəsdən fiziki ağrı yetirməyə görə üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 6.1-ci maddəsinə əsasən inzibati xətaya görə inzibati tənbeh bu Məcəlləyə uyğun olaraq tətbiq edilir. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin səxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərərçəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollar müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə Şəxs barəsində inzibati tənbeh tətbiq edərkən onun törətdiyi inzibati xətanın xarakterini və ictimai təhlükəlilik dərəcəsini, inzibati xəta törədən şəxsin şəxsiyyətini, onun əmlak vəziyyətini, o cümlədən Azərbaycan Respublikasının İnzibati Xətalar Məcəlləsinin 32 və 33-cü maddələrində nəzərdə tutulmuş məsuliyyəti yüngülləşdirən və ağırlaşdıran halları nəzərə alır. Məhkəmə inzibati xətanın xarakterini, xəta törətmiş şəxsin şəxsiyyətini və onun təqsirinin dərəcəsini nəzərə alaraq məhkəmə hesab edir ki, inzibati xəta törətmiş Şəxs barəsində inzibati tənbeh cərimə edilməklə inzibati tənbeh öz məqsədinə nail ola bilər. Azərbaycan Respublikası İnzibati Xətalar Məcəlləsinin 114.1.1-ci maddəsinə əsasən inzibati xəta haqqında işə baxılarkən inzibati tənbeh vermə haqqında qərar çıxarılır. Qeyd olunanlara əsasən və Azərbaycan Respublikası İXM-nin 157, 40, 43, 48-51-ci, 114-cü və 128-130-cu maddələrini rəhbər tutaraq, Qərara aldı: Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirli bilinib, barəsində 400 (dörd yüz) manat məbləğində cərimə tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 gün müddətində Quba Rayon Məhkəməsi vasitəsilə Sumqayıt Apelyasiya Məhkəməsinə şikayət və protest verilə bilər. Sədrlik edən: İlqar Məmmədov