Quba Rayon Məhkəməsi Qərar — İş №3(027)-120/2023

Azərbaycan Respublikası adından QƏRAR Quba şəhəri İş № 3(027)-120/2023 09.02.2023 QUBA RAYON MƏHKƏMƏSİ Hakim Babayev Aydın Vahid oğlunun sədrliyi, Hacıyev Əmiraslan Arif oğlunun katibliyi ilə, xx.xx.1978-ci ildə Quba rayonu, Ərməki kəndində doğulmuş, Quba rayonu, Ərməki kəndində qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə AR DİN Quba RPŞ-dən daxil olmuş inzibati xəta haqqında protokola və ona əlavə edilmiş sənədlərinə baxaraq, məhkəmə müəyyənetdi: Şəxs barəsində DİN Quba RPŞ-dən İXP ******* nömrəli inzibati xəta haqqında protokol məhkəməyə daxil olmuşdur. Qeyd edilən protokoldan göründüyü kimi, Şəxs EQ 10423650, EQ 10498334 , EQ 10547089, EQ 10547352, EQ 10611270, EQ 10617887 və EQ 10619746 seriyalı qərarlarla inzibati qaydada cərimə edilmiş, lakin cəriməni qərarların qanuni qüvvəyə mindiyi gündən 3 (üç) ay müddətində qanunla müəyyən edilmiş əsaslar olmadan ödəməmişdir. Buna görə də barəsində Azərbaycan Respublikası İXM-nin 529.3-cü maddəsi ilə inzibati protokol tərtib edilmişdir. Məhkəmə iclasının vaxtı və yeri barədə Şəxs və Quba RPŞ -nə lazımi qaydada məlumat verilsə də, barəsində inzibati xəta haqqında icraat aparılan şəxs və protokol tərtib etmiş orqanın nümayəndəsi məhkəmə iclasında iştirak etməmiş və səbəbləri barədə məlumat verməmişlər. Məhkəmə işə Azərbaycan Respublikası İXM-nin 61.3-cü maddəsinə əsasən tərəflərin iştirakı olmadan baxılmasını mümkün hesab etmişdir. İş sənədlərinə əlavə edilmiş qərarlardan görünür ki, Şəxs EQ 10423650 seriyalı və nömrəli inzibati tənbeh vermə haqqında qərara əsasən 328.1-ci maddəsilə 10.0 manat, EQ 10498334 seriyalı və nömrəli inzibati tənbeh vermə haqqında qərara əsasən 328.1-ci maddəsilə 10.0 manat, EQ 10547089 seriyalı və nömrəli inzibati tənbeh vermə haqqında qərara əsasən 328.1-ci maddəsilə 10.0 manat, EQ 10547352 seriyalı və nömrəli inzibati tənbeh vermə haqqında qərara əsasən 328.1-ci maddəsilə 10.0 manat, EQ 10611270 seriyalı və nömrəli inzibati tənbeh vermə haqqında qərara əsasən 328.1-ci maddəsilə 10.0 manat, EQ 10617887 seriyalı və nömrəli inzibati tənbeh vermə haqqında qərara əsasən 328.1-ci maddəsilə 10.0 manat, EQ 10619746 seriyalı və nömrəli inzibati tənbeh vermə haqqında qərara əsasən 328.1-ci maddəsilə 10.0 manat, cərimə edilmişdir. “AsanPay” rəsmi internet saytında yuxarıda göstərilən inzibati tənbeh vermə haqqında qərarlar üzrə cərimələrin yoxlanılması zamanı məlum olmuşdu ki, cərimələr ödənilməmişdir. Azərbaycan Respublikasının İnzibati Xətalar Məcəlləsinin 529.3-cü maddəsinə əsasən Yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 (üç) ay müddətində qanunla müəyyən edilmiş əsaslar olmadan icra edilməməsinə görə nəqliyyat vasitəsini idarə etmək hüququ altı aydan bir ilədək müddətə məhdudlaşdırılır. Məhkəmə iş üzrə toplanmış sübutların və onların məcmusunun tam, hərtərəfli və obyektiv baxılmasına əsaslanmaqla belə nəticəyə gəlir ki, Şəxs Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulmuş inzibati xətanın törədilməsində təqsirliliyi inzibati xəta haqqında protokol və digər sənədlərlə tam sübuta yetirilmiş və onun əməli düzgün olaraq İXM-nin 529.3-cü maddəsi ilə tövsif edilmişdir. Əməlin inzibati xəta olmasını aradan qaldıran hallar və inzibati məsuliyyətdən azad edilməsi üçün əsaslar olmadığından, habelə təqsiri sübuta yetirildiyindən inzibati məsuliyyətə cəlb edilməlidir. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə hesab edir ki, Şəxs Azərbaycan Respublikası İnzibati Xətalar Məcəlləsinin 529.3cü maddəsində nəzərdə tutulan inzibati xətanı törətməkdə təqsirli bilinməli və barəsində nəqliyyat vasitəsini idarə etmək hüququnun məhdudlaşdırılması inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 9, 32, 529.3-cü maddəsini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 529.3-cü maddəsi ilə nəzərdə tutulmuş inzibati xətanın törədilməsində təqsirli bilinsin və nəqliyyat vasitəsini idarə etmə hüququ 6 (altı) ay müddətinə məhdudlaşdırılsın. Qərardan rəsmi qaydada verildiyi vaxtdan 10 (on) gün müddətində Quba Rayon Məhkəməsi vasitəsi ilə Sumqayıt Apellyasiya Məhkəməsinə şikayət verilə bilər. Sədrlik edən: Aydın Babayev