Quba Rayon Məhkəməsi Qərar — İş №3(027)-166/2025

Azərbaycan Respublikası adından QƏRAR Quba şəhəri İş № 3(027)-166/2025 25.02.2025 QUBA RAYON MƏHKƏMƏSİ Hakim Babayev Aydın Vahid oğlunun sədrliyi, Hacıyev Əmiraslan Arif oğlunun katibliyi ilə, Protokol tərtib edən Quba RPŞ-nin İTB-nin polis sahə rəisi X1, Zərərçəkmiş şəxs, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1983-cü ildə Quba rayonu Xınalıq kəndində anadan olmuş, Azərbaycan Respublikası vətəndaşı, Fin: xxxxxxx, orta təhsilli, subay, fərdi əməklə məşğul olan Quba rayonu İ Nügədi kəndində qeydiyyatda olan və yaşayan Şəxs barəsində Azərbaycan Respublikası İnzibati Xətalar Məcəlləsinin 157-ci maddəsilə Quba rayon Polis şöbəsindən daxil olmuş inzibati xəta haqqında materiala məhkəmənin inzibati binasında açıq məhkəmə iclasında baxaraq, məhkəmə m ü ə y y ə n e t d i: İnzibati xəta haqqında xx.xx.2025-ci il tarixli, MN ******* saylı protokola əsasən, Şəxs xx.xx.2025-ci il tarixdə həmkəndlisi Zərərçəkmiş şəxs bədəninin müxtəlif yerlərinə əli ilə vuraraq xəsarət yetirmişdir. Məhkəmədə inzibati xəta haqqında protokol tərtib edən Quba RPŞ-nin İTB-nin polis sahə rəisi X2 izahatında bildirmişdir ki, Şəxs xx.xx.2024-cü il tarixdə 11 radələrində Quba rayonu, Gədikqışlaq kəndində yerləşən qoz bağında yaranmış mübahisə zamanı qardaşının arvadı Zərərçəkmiş şəxsnı vurmuşdur. xx.xx.2024-cü il tarixdə Zərərçəkmiş şəxs və ailə üzvlərinin Şəxs tərəfindən döyülməsi izahat, ekspertiza rəyləri və təhqiqat sənədlərilə təsdiq edilmişdir. Protokol təhqiqatçının qərarına əsasən tərtib etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilməyərək izahatında bildirmişdir ki, 15 yanvar 2025-ci il tarixdə saat 23 radələrində Quba rayonu Xınalıq kəndində qardaşının evinin qarşısında qardaşı Əfqanla birlikdə heyvan dərisi soyan zaman həmkəndlisi Pərvizin “UAZ” markalı avtomaşınla musiqiyə ucadan səs verib onlara tərəf gəldiyini görmüş və qardaşı Əfqanla avtomaşına yaxınlaşanda Pərviz Mahir və Azad adlı həmkəndliləri avtomaşından düşmüşlər. Qardaşı Əfqan onlardan həmin yerdən avtomobil yolu olmadığını və gecə vaxtı gəlmə səbəbini soruşmuş və onlara yaxınlaşıb iki gün əvvəl evin həyətində olan avtomaşına kiminsə girmək istədiyini aşkar etdiyini bildirmişdir. Bu səbəbdən aralarında mübahisə yaranmaması üçün onları yola salmışdır. Həmin zaman adları qeyd olunan şəxsləri vurmamış, təhqir etməmiş və bir neçə saat sonra öz yaşadığı evinə getmişdir. Daha sonra həmin şəxslər təkrarən avtomobildə müsiqiyə ucadan səs verib onun evinin qarşısına gəlmiş, onu və ailə üzvlərini narahat etmişlər. Bundan başqa Pərviz və Mahir dəfələrlə onun qızı Minayənin üzərinə avtomobil sürmüş və bununla kifayətlənməyib onu söhbət etməyə kəndə yerləşən məktəbin yanma çağırmışlar. Məhkəmə iclasında Zərərçəkmiş şəxs izahatında bildirmişdir ki, 15 yanvar 2025-ci il tarixdə saat 22 radələrində Quba rayonu Xınalıq kəndində həmkəndlisi Pərvizə məxsus “UAZ” markalı avtomobillə Xınalıq kəndi ərazisində gəzən zaman kəndin yuxarı hissəsində yolun bitdiyi yerə çatdıqda, Pərviz avtomobili döndərib geri qayıtmaq istəyərkən orada yaşayan X4 yaxınlaşaraq axşam vaxtı onun evinin qarşısına hansı səbəbə gəldiklərini soruşmuş və bu səbəbdən Pərvizə Əfqanın arasında mübahisə yarandığını görüb avtomobildən düşərək onlara yaxınlaşmışdır. Həmin zaman Bəhlul və Aydın da ora gəlmiş, onlar da mübahisəyə qoşulmuş və mübahisə zamanı Bəhlul və Əfqan onun qolundan tutaraq dartıb onu həyətlərində yerləşən tövləyə aparmaq istəmişlər. Onların əlindən çıxmaq istəmiş, lakin onu təkrar tutmaq üçün hər ikisi əlləri ilə onu tutmağa çalışarkən üz nahiyəsinə və boynuna onların əl zərbələri dəymişdir. Aralarındakı mübahisə 5 dəqiqə davam etmiş, mübahisə zamanı onları vurmamış və təhqir etməmiş, lakin səhərisi gün Bəhlula və Əfqana zəng edərək axşam niyə belə hərəkə etdiklərini öyrənmək üçün görüşmək istədiyini bildirmiş, lakin görüş baş tutmamışdır. Bəhlulun və Əfqanın dedikləri yalan və əsassızdır. İş materialında olan MTE və PAB Quba rayon şöbəsinin 18 yanvar 2025-ci il tarixli, 18 sayh rəyindən görünür ki, Zərərçəkmiş şəxs bədəni üzərində aşkar olunan xəsarətlər - alt çənədə ortada sıyrıq küt əşyanın təsirindən törənməklə, yetirilmə müddəti qərarda göstərilən vaxta, yəni 15 yanvar 2025-ci il tarixə uyğun gəlir, qərarda göstərilən vəziyyətdə əmələ gələ bilər və sağlamlığa zərər vurmadığından dərəcəsi təyin olunmayan xəsarətlər növünə aiddir. İş materiallarında olan cinayət işinin başlanmasının rədd edilməsi barədə xx.xx.2025-ci il tarixli qərardan görünür ki, Şəxs əməlində cinayət tərkibi deyil, Azərbaycan Respublikası İXM-nin 157-cı maddəsinin tərkibi vardır. Ona görə də, Şəxs barəsində cinayət işinin başlanılması rədd edilmiş və qərarın surəti onun barəsində həmin maddə ilə inzibati tədbir görülməsindən ötrü RPŞ- nin İTB-nə göndərilmişdir. Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərərçəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollar müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə barəsində inzibati xəta haqqında iş üzrə icraat aparılan şəxsi, zərərçəkmiş şəxsi və protokolu tərtib etmiş şəxsin izahatlarını dinləyib, sübutlrı tam, hərtərəfli və obyektiv tədqiq edərək, hesab edir ki, Şəxs döymə və sair zorakı hərəkətlərlə qəsdən fiziki ağrı yetirməklə Azərbaycan Respublikası İXM-nin 157-ci maddəsi ilə nəzərdə tutulmuş inzibati xətanı törətmişdir və onun əməli düzgün olaraq həmin maddə ilə tövsif olunmuşdur. Əməlin inzibati xəta olmasını aradan qaldıran hallar və inzibati məsuliyyətdən azad edilməsi üçün əsaslar yoxdur. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Qeyd edilən Məcəllənin 157-ci maddəsinə əsasən döymə və sair zorakı hərəkətlərlə qəsdən fiziki ağrı yetirməyə görə - üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Həmin Məcəllənin 6.1-ci maddəsinə əsasən inzibati xətaya görə inzibati tənbeh bu Məcəlləyə uyğun olaraq tətbiq edilir. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. AR İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikasının İnzibati Xətalar Məcəlləsinin 32.2-ci maddəsinə əsasən himayəsində azyaşlı uşaqlarının olması məsuliyyətini yüngülləşdirən hal kimi müəyyən olunmuşdur. Azərbaycan Respublikasının İnzibati Xətalar Məcəlləsinin 33-cü maddəsinə əsasən inzibati məsuliyyətini ağırlaşdıran hal müəyyən olunmamışdır. Məhkəmə Şəxs barəsində inzibati tənbeh tətbiq edərkən törətdiyi inzibati xətanın xarakterini və ictimai təhlükəlilik dərəcəsini, inzibati xəta törədən şəxsin şəxsiyyətini, onun əmlak vəziyyətini, məsuliyyətini yüngülləşdirən halın mövcudluğunu və məsuliyyətini ağırlaşdıran halın olmamasını nəzərə alaraq, barəsində Azərbaycan Respublikası İnzibati Xətalar Məcəlləsinin 157-ci maddəsinin sanksiyasında nəzrədə tutulmuş inzibati cərimə növündə inzibati tənbeh tədbirinin tətbiq edilməsini inzibati tənbehin məqsədlərinə nail olunması baxımından daha məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 528.1, 114-115-ci və 130-cu maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 157-ci maddəsilə nəzərdə tutulmuş inzibati xətanın törədilməsində təqsirli bilinərək 300 (üç yüz) manat məbləğində cərimə edilsin. Qərarın surəti rəsmi qaydada verildiyi vaxtdan 10 (on) gün müddətində Quba Rayon Məhkəməsi vasitəsilə və ya birbaşa Sumqayıt Apellyasiya Məhkəməsinə apellyasiya şikayəti və ya protesti verilə bilər. Sədrlik edən: Aydın Babayev