Azərbaycan Respublikası adından QƏRAR Quba şəhəri İş № 3(027)-1726/2023 20.07.2023 QUBA RAYON MƏHKƏMƏSİ Hakim Babayev Aydın Vahid oğlunun sədrliyi ilə X2 oğlunun katibliyi, Protokol tərtib edən şəxs X1, Barəsində inzibati xəta haqqında iş üzrə icraat aparılan Şəxs iştirakları ilə, xx.xx.1991-ci il tarixdə Quba rayonunda anadan olmuş, Azərbaycan Respublikası vətəndaşı, orta təhsilli, işləməyən, evli, ünvan 1i ünvanında qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 511.1.3-cü maddəsilə Quba RPŞ-dən daxil olmuş inzibati xəta haqqında protokollara və ona əlavə edilmiş sənədlərə baxaraq, məhkəmə müəyyən etdi: Daxil olmuş xx.xx.2023-cü il tarixli, İXP ******* nömrəli protokola Şəxs xx.xx.2023-cü il tarixdə saat 19:50-də “Vaz 2106” minik markalı **-BT-*** dövlət qeydiyyat nişanlı nəqliyyat vasitəsini idarə edərkən Azərbaycan Respublikası İXM-nin 511.1.3-cü maddəsində nəzərdə tutulan inzibati xətaya yol vermişdir. Məhkəmə iclasında protokol tərtib edən şəxs X3 izahatında bildirmişdir ki, Şəxs idarə etdiyi nəqliyyat vasitəsilə hərəkətdə olarkən Azərbaycan Respublikası İXM-nin 511.1.3-cü maddəsində nəzərdə tutulan inzibati xətaya yol verdiyi üçün barəsində protokol tərtib edilmişdir. Belə ki, Şəxs idarə etdiyi nəqliyyat vasitəsinin görüntüləri olmasa da, həmin anda səs o avtomobil istiqamətindən gəldiyi üçün, ətrafda digər avtomobillər olmadığı üçün, o ehtimal etmişdir ki, inzibati xətanı “Vaz 2106” minik markalı **-BT-*** dövlət qeydiyyat nişanlı avtomobilin sürücüsü etmişdir. Məhkəmə iclasında barəsində inzibati xəta haqqında iş üzrə icraat aparılan Şəxs özünü təqsirli blməyərək izahatında bildirmişdir ki, xx.xx.2023-cü il tarixdə saat 19:50-də etibarnamə ilə idarə etdiyi “Vaz 2106” minik markalı **-BT-*** dövlət qeydiyyat nişanlı nəqliyyat vasitəsilə Quba şəhəri, H.Əliyev prospektində hərəkətdə olarkən patrul xidmətinin maşını onu ötərək qarşıda saxlamış və ona “saxla” əmri verdiyi üçün o da kənara çəkib maşını saxlamışdır. Xidmətin əməkdaşı ona yaxınlaşıb ona təkərləri sürüşdürərək maşını sürdüyünü irad tutmuş və maşının saxlanc yerinə getməsini bildirmişdir. O heç bir inzibati xəta törətməmiş, buna baxmayaraq, ona heç bir tutarlı dəlil, sübut göstərmədən, maşın saxlanc yeinə aparılmış, barəsində protokol tərtib olunmuşdur. Azərbaycan Respublikası İnzibati Xətalar Məcəlləsinin 511.1.3-cü maddəsinə əsasən mexaniki nəqliyyat vasitəsini qəflətən sürətləndirməklə davamlı olaraq təkərlərin yolun səthi ilə sürtünməsi səslərinin çıxarılmasına və ya yolun səthində çoxsaylı təkər izlərinin buraxılmasına görə-nəqliyyat vasitəsini idarə etmək hüququ bir il müddətinə məhdudlaşdırılmaqla beş yüz manatdan yeddi yüz əlli manatadək məbləğdə cərimə edilir və ya nəqliyyat vasitəsini idarə etmək hüququ bir il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, on beş gündən bir ayadək müddətə inzibati həbs tətbiq olunur. Məhkəmə, işin bütün hallarının məcmusuna hərtərəfli, tam və obyektiv surətdə baxaraq, hesab edir ki, Şəxs barəsində Azərbaycan Respublikası İnzibati Xətalar Məçəlləsinin 511.1.3-cü maddəsi ilə başlanmış inzibati xəta haqqında iş üzrə icraata xitam verilməlidir. Belə ki, iş materiallarına Şəxs isnad edilən əməlin məhz onun tərəfindən törədilməsilə bağlı, habelə xətanın ümumiyyətlə törədilmə vaxtı ilə bağlı hər hansı sübut əlavə edilməmişdir. Azərbaycan Respublikası İnzibati Xətalar Məcəlləsinin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Azərbaycan Respublikası İnzibati Xətalar Məcəlləsinin 53.1.2-ci maddəsinə əsasən inzibati xəta tərkib olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Azərbaycan Respublikası İnzibati Xətalar Məcəlləsinin 105-ci maddəsinə əsasən bu Məcəllənin 53-cü maddəsində nəzərədə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 53,
105. 114-115-ci və 130-cu maddələrini rəhbər tutaraq, məhkəmə
qəraraaldı:
İnzibati xəta tərkib olmadığından Şəxs barəsində Azərbaycan Respublikasının İnzibati Xətalar Məcəlləsinin 511.1.3-cü maddəsilə inzibati xəta haqqında iş üzrə icraata xitam verilsin. Qərardan rəsmi qaydada verildiyi vaxtdan 10 (on) gün müddətində işə Quba Rayon Məhkəməsi vasitəsilə və ya birbaşa Sumqayıt Apellyasiya Məhkəməsinə apellyasiya şikayəti və ya protesti verilə bilər.
Hakim: Aydın Babayev