Quba Rayon Məhkəməsi Qərar — İş №3(027)-188/2025

Azərbaycan Respublikası adından QƏRAR Quba şəhəri İş № 3(027)-188/2025 03.03.2025 QUBA RAYON MƏHKƏMƏSİ Quba Rayon Məhkəməsinin hakimi Seyidov Vüqar Mircuma oğlu, Məhkəmə iclas katibi X3, Protokolu tərtib edən X1, Zərərçəkmiş şəxs, barəsində inzibati xəta haqqında iş üzrə icraat aparılan Şəxs iştirakı ilə xx.xx.1976-cı ildə Quba rayonu anadan olmuş, Azərbaycan Respublikasının vətəndaşı, evli, ünvan 1 ünvanında qeydiyyatda olan və yaşayan, Şəxs haqqında Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM) 510-cu maddəsilə icraatı başlanmış inzibati xəta haqqında işə açıq məhkəmə iclasında baxaraq məhkəmə, müəyyənetdi: Quba RPŞ-nin polis sahə rəisi, X2 tərəfindən Şəxs barəsində Azərbaycan Respublikası İXM-nin 510-cu madddəsində nəzərdə tutulmuş inzibati xətanı törətməsi haqqında 02 mart 2025-ci il tarixli, MN ******* nörməli protokol tərtib edilmişdir. Həmin protokolda göstərilir ki, Şəxs xx.xx.2025-ci il tarixdə ünvan 2 ünvanında kirayə yaşadıqların evin qarşısında aralarında yaranmış mübahisə zamanı həyat yoldaşı Zərərçəkmiş şəxs nalayiq ifadələrlə təhqir etmişdir. Məhkəmə iclasında barəsində inzibati xəta haqqında iş üzrə icraat aparılan Şəxs Azərbaycan Respublikası İXM-nin 510-cu maddəsində nəzərdə tutulmuş inzibati xətanın törədilməsində özünü təqsirli bilərək, Aynurə ilə 20 ildir ki, evlidirlər. xx.xx.2025-ci il tarixdə Quba şəhərində yerləşən restoranların birində dostları ilə yemək yemiş və spirtli içki qəbul edərək evə gəlmişdir. Aynurə həmin vaxt qonşuda olduğundan evə dəvət etdim və qapının qarşısında, küçədə onunla mübahisə etməyə başladım. Mübahisə zamanı Aynurəni təhqir etdim, evdən qovacağımı dedim. Lakin öldürməklə hədələmədim. Mübahisələri küçədə baş vermiş, Aynurəni təhqir etmişdir. Məhkəmədə zərərçəkmiş şəxs X4 izahatında bildirmişdir ki, 20 ildir ki, Şəxs ilə evlidirlər. Quba şəhərində kirayədə yaşayırlar. Faiq mütəmadi spirtli içki qəbul edərək evdə mübahisə yaradır. Əvvəllər əri Faiq onu döysə də müraciət etməmişdir. Sonuncu mübahisələri xx.xx.2025-ci il tarixdə baş vermişdir. Faiq qeyd olunan tarixdə, təxminən saat 22 radələrində sərxoş halda evə gələrək mübahisə yaratmış, onu Quba rayonundan qovacağı ilə hədələmiş, eləcə də təhqir etmişdir. Faiq onu evdən qovan zaman küçədə təhqir etmişdir. Mübahisələri təxminən 15-20 dəqiqə davam etmişdir. Hazırda Şəxs barəsində qanuni qərar qəbul edilməsini xahiş edir. Məhkəmə inzibati xəta haqqında işin materiallarını tədqiq edib, barəsində inzibati xəta haqqında iş üzrə icraat aparılan şəxsi və zərəçəkən şəxsi dinləyərək, hesab edir ki, toplanmış sübutlarla Şəxs Azərbaycan Respublikası İXM-nin 510-cu maddəsində göstərilən inzibati xətanı törətməsində təqsirli olması sübuta yetir. Belə ki, Azərbaycan Respublikası İXM-nin 510-cu maddəsi xırda xuliqanlıq, yəni ictimai qaydanı pozan, fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə inzibati məsuliyyət nəzərdə tutur. İnzibati tənbeh növünü tətbiq edərkən məhkəmə törədilmiş xətanın xarakterini, Şəxs şəxsiyyətini, onun təqsirinin dərəcəsini və əmlak vəziyyətini, habelə məsuliyyətini yüngülləşdirən və ağırlaşdıran halları nəzərə alır. İş materiallarına əsasən Şəxs inzibati məsuliyyətini yüngülləşdirən və ağırlaşdıran hallar müəyyən edilməmişdir. Törətdiyi inzibati xətanın hallarını nəzərə alaraq, məhkəmə hesab edir ki, Şəxs cərimə növündə inzibati tənbeh tətbiq etməklə, inzibati tənbehin məqsədlərinə nail olmaq mümkündür. Göstərilənlərə əsasən və Azərbaycan Respublikası İnzibati Xətalar Məcəlləsinin 112-115, 117 və 128-130-cu maddələrini rəhbər tutaraq məhkəmə, qəraraaldı: Şəxs Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanın törədilməsində təqsirli bilinsin və 75 (yetmiş beş) manat məbləğində inzibati qaydada cərimə edilsin. Qərardan onun surəti rəsmi qaydada təqdim edildiyi vaxtdan 10 gün müddətində qərarı qəbul etmiş hakim vasitəsilə Azərbaycan Respublikası Sumqayıt Apellyasiya Məhkəməsinə şikayət və protest verilə bilər. Sədrlik edən: Vüqar Seyidov