Quba Rayon Məhkəməsi Qərardad — İş №3(027)-1968/2023

Azərbaycan Respublikası adından QƏRARDAD Quba şəhəri İş № 3(027)-1968/2023 23.08.2023 QUBA RAYON MƏHKƏMƏSİ Hakim Seyidov Vüqar Mircuma oğlunun sədrliyi, Fətəliyev Veysəl Surxay oğlunun katibliyi ilə Şəxs barəsində Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM) 528.1-ci maddəsi ilə başlanmış inzibati xəta haqqında iş materiallarını araşdırıb, m ü ə y y ə n e t d i m: Quba rayon İcra və Probasiya Şöbəsinin icra məmuru X3 tərəfindən Şəxs Quba Rayon Məhkəməsinin xx.xx.2023-cü il tarixli, 2(027)-528/2023 saylı icra sənədinin icra edilməməsi və icra məmurunun qanuni tələblərinin yerinə yetirilməməsi əsasına görə 23 avqust 2023-cü il tarixdə inzibati xəta haqqında protokol tərtib edilmişdir. İnzibati xəta haqqında protokolun və ona əlavə olunmuş materialların Azərbaycan Respublikasının İXM-nin 106-cı maddəsinə müvafiq olaraq baxılması üçün hazırlanması zamanı müəyyən etdim ki, protokol düzgün tərtib olunmadığından inzibati xəta haqqında protokol və ona əlavə olunmuş sənədlər geri qaytarılmalıdır. Belə ki, Azərbaycan Respublikası İnzibati Xətalar Məcəlləsinin 528.1-ci maddəsi məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə inzibati məsuliyyət nəzərdə tutur. İnzibati xəta haqqında protokoldan görünür ki, həmin protokolda bu əməllərdən hansı birinin törədilməklə, inzibati xətanın mahiyyəti düzgün göstərilməmiş və Azərbaycan Respublikası İXM-nin 100.1.4-cü maddəsinin tələbləri pozulmuşdur. İnzibati xəta haqqında protokolda zərərçəkmiş şəxs haqqında məlumat göstərilməmişdir (Azərbaycan Respublikası İXM-nin 100.1.6-ci maddəsi). Azərbaycan Respublikası İXM-nin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və digər sənədlərin onu tərtib etmiş orqana, vəzifəli şəxsə geri qaytarılması haqqında qərardad qəbul edilir. Hesab edirəm ki, qeyd edilən halların işə baxılarkən tamamlanması mümkün olmadığından, inzibati xəta haqqında protokol və ona əlavə edilmiş sənədlər Quba rayon İcra və Probasiya Şöbəsinin icra məmuru X1ytarılmalıdır. Qeyd olunanlara əsasən və Azərbaycan Respublikası İXM-nin 109-cu maddəsini rəhbər tutaraq, q ə r a r a a l d ı m: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə Quba rayon İcra və Probasiya Şöbəsinin icra məmuru X3 tərəfindən tərtib olunmuş inzibati xəta haqqında 23 avqust 2023-cü il tarixli protokol və digər sənədlər Quba rayon İcra və Probasiya Şöbəsinin icra məmuru X1ytarılsın. Quba Rayon Məhkəməsinin hakimi: Vüqar Seyidov