Quba Rayon Məhkəməsi Qərardad — İş №3(027)-205/2025

Azərbaycan Respublikası adından QƏRARDAD Quba şəhəri İş № 3(027)-205/2025 06.03.2025 QUBA RAYON MƏHKƏMƏSİ Hakim Babayev Aydın Vahid oğlunun sədrliyi, Hacıyev Əmiraslan Arif oğlunun katibliyi, Barəsində inzibati xəta haqqında icraat aparılan şəxs Şəxs iştirakı ilə, Şəxs barəsində Azərbaycan Respublikası Daxili İşlər Nazirliyi Quba rayon Polis şöbəsindən AR İXM-nin 327.2 və 334.3-cü maddələri ilə daxil olmuş inzibati xəta haqqında protokola və ona əlavə edilmiş sənədlərə baxaraq, müəyyən etdi: Şəxsn barəsində Azərbaycan Respublikasının İnzibati Xətalar Məcəlləsinin 327.2 və 334.3cü maddələri ilə inzibati xəta materialı daxil olmuşdur. Məhkəmə araşdırması zamanı müəyyən olunmuşdur ki, iş üzrə zərər çəkmiş şəxsin iştirakı təmin olunmamış, iş üzrə zərərçəkmiş şəxs müəyyən olunmamış və iş materiallarına zərərçəkmiş şəxs barədə məlumatlar əlavə edilməmişdir. Azərbaycan Respulikasının İnzibati Xətalar Məcəlləsinin 334.3-cü maddəsinə əsasən bu Məcəllənin 334.1-ci maddəsində nəzərdə tutulmuş xətanın törədilməsi və yol hərəkəti qaydalarının pozulması nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə-səkkiz yüz manat məbləğində cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir aydan iki ayadək müddətə inzibati həbs tətbiq olunur. Həmin Məcəllənin 111.3-cü maddəsinə əsasən inzibati həbs tənbeh növü nəzərdə tutan inzibati xətalar haqqında işlərə inzibati xəta haqqında protokol daxil olduğu gün, inzibati qaydada tutulan şəxslər barəsində isə onların tutulduğu vaxtdan ən geci 48 saat keçənədək baxılır. Göründüyü kimi, inzibati həbs tənbeh nəzərdə tutulan inzibati xəta olmaqla protokol daxil olduğu gün baxılmalı olması və zərər çəkmiş şəxs müəyyən olunmadığından, bununla belə iş üzrə zərər çəkmiş şəxsin iştirakı təmin olunmadığından, materiallar natamam hesab edilməli və inzibati xəta haqqında protokolun və sənədlərin onu tərtib etmiş orqana geri qaytarılmalıdır. Yuxarıda qeyd edilən Məcəlləsinin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Yuxarıda göstərilənlərə əsasən və Azərbaycan Respulikasının İnzibati Xətalar Məcəlləsinin 109-cu maddəsini rəhbər tutaraq, qərara aldı: Şəxs barəsində Azərbaycan Respublikasının İnzibati Xətalar Məcəlləsinin 327.2 və 334.3-cü maddələri ilə daxil olmuş inzibati xəta haqqında İXP ******* nömrəli protokol və toplanmış material natamam olduğundan Azərbaycan Respublikası Daxili İşlər Nazirliyi Quba rayon Polis şöbəsinə qaytarılsın. Hakim: Aydın Babayev