Quba Rayon Məhkəməsi Qərar — İş №3(027)-2129/2023

Azərbaycan Respublikası adından QƏRAR Quba şəhəri İş № 3(027)-2129/2023 11.10.2023 QUBA RAYON MƏHKƏMƏSİ Quba Rayon Məhkəməsinin hakimi Seyidov Vüqar Mircuma oğlu, X4 oğlunun katibliyi ilə, X1 EQ16885927 saylı inzibati prtokoldan verilmiş şikayətə baxaraq, müəyyənetdim: X2 məhkəməyə şikayət ərizəsi ilə müraciət edərək, şikayət ərizəsində qeyd olunanları əsas alaraq, **-AS-*** dövlət nömrə nişanlı maşınına gələn EQ/16885927 Protokol həm onun adına olmadığı, həm qanunsuz, həm də əsassız olduğu üçün həmin Protokolun ləğvinə dair qərar çıxarılmasını xahiş etmişdir. Şikayət onunla əsaslandırlmışdır ki, Azərbaycan Respublikası Konstitusiyasının “Hər kəsin qanunla qadağan olunmayan üsul və vasitələrlə hüquqlarını və azadlıqlarını müdafiə etmək hüququnu” ifadə edən 26-cı maddəsinin birinci hissəsinə və “Vətəndaşların dövlət orqanlarına şəxsən müraciət etmək, habelə hərbi və kollektiv yazılı müraciət göndərmək hüququnu” göstərən 57-ci maddənin birinci hissəsini əsas alaraq, Dövləti təmsil edən Məhkəmə orqanına şikyət ərizəsi ilə müraciət edir: Möhtərəm hakim onun 90AS571 dövlət nömrə nişanlı maşınına xx.xx.2023-cü ildə EQ/16885927 saylı Protokol ilə 60.00 azn qərarsız cərimə gəlmişdir. Şikayəti bundan ibarətdir ki, bu cərimə 14.09. 2023cü il tarixində X3 adına qərarlaşmışdır. Bildirmək istəyir ki, o bu Protokolda adı keçən şəxsə avtomobil verməmiş və bu şəxslə əlaqəsi yoxdur. Burda iki qanun pozuntusu var. Birincisi budur ki, heç bir video görüntü yoxdur və cərimə 3 (üç) ay sonra gəlmişdir. İkincisi isə cərimə heç bir əlaqəsi olmayan şəxsin adına gəlmişdir. Məhkəmə iclasının vaxtı və yeri haqqında lazımi qaydada xəbərdar edilmiş şikayət verən şəxs X2 məkəməyə ərizə göndərərək ərizəsində işə onun iştirakı olmadan baxaraq şikayətinin təmin edilməsini xahiş etmişdir. Məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq, Azərbaycan Respublikası Baş X7 İdarəsi məhkəmə iclasına gəlməmiş və işə təxirə salmaq barədə ondan hər hansı vəsatət daxil olmamışdır. Ona görə də, məhkəmə, Azərbaycan Respublikası İXM-nin 133.2.4-cü maddəsinə əsasən hazırki şikayətə Azərbaycan Respublikası Baş X7 İdarəsinin nümayəndəsinin iştirakı olmadan baxılmasını mümkün hesab edir. Şikayət ərizəsində qeyd olunanlara və iş üzrə toplanmış sübütlara hüquqi qiymət verərək hesab edirəm ki, X1 şikayəti əsassız olduğundan təmin edilməməlidir. Belə ki, Azərbaycan Respublikasının İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, habelə müdafiəçi nümayəndə tərəfindən inzibati xətalar haqqında İşlər üzrə qərarlardan şikayət, prokuror isə protest verə bilər. İş materiallarına əlavə edilmiş xx.xx.2023-cü il tarixli qərardan görünür ki, İXM-nin 327.2-ci maddəsi ilə inzibati məsuliyyətə cəlb olunan şəxs Şirvan şəhəri, ünvan 1 ünvanında qeydiyyatda olan X3 barəsindədir. Həmin qərardan X3 şikayət verə bilər. Azərbaycan Respublikasının İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikasının İnzibati Xətalar Məcəlləsinin 135.1-ci maddəsində inzibati xəta haqqında iş üzrə qərarın ləğv edilməsi və ya dəyişdirilməsi üçün, hakimin, səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması; hakimin, səlahiyyətli orqanın (vəzifəli şəxsin) gəldiyi nəticələrin işin faktiki hallarına uyğun olmaması; hakim, səlahiyyətli orqan (vəzifəli şəxs) tərəfindən müəyyən edilmiş iş üçün əhəmiyyətli olan halların sübuta yetirilməməsi; inzibati məsuliyyət müəyyən edən qanunun normasının düzgün tətbiq edilməməsi; tətbiq edilmiş tənbehin bu Məcəllənin 31–34-cü maddələrinin tələblərinə uyğun olmaması; bu Məcəllənin 53-cü maddəsində nəzərdə tutulmuş halların müəyyən olunması; bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması kimi əsaslar göstərilmişdir. Azərbaycan Respublikasının İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Azərbaycan Respublikasının İnzibati Xətalar Məcəlləsinin 84.1-ci maddəsinə əsasən, "İnzibati xətalar haqqında" işə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli tam və obyektiv surətdə baxılmasına əsaslanan öz daxili inamı ilə sübutları qiymətləndirir. Şərh edilənlərə əsasən, məhkəmə X1 EQ/16885927 saylı Protokolun ləğv edilməsi haqqında şikayətin təmin olunmamasını qanuni hesab edir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 134.1.1-ci maddələsini rəhbər tutaraq, q ə r a r a a l d ı m: X1 EQ/16885927 saylı Protokolun ləğv edilməsi haqqında şikayəti təmin olunmasın. Qərarın surəti rəsmi qaydada təqdim edildiyi və ya alındığı gündən 10 (on) gün müddətidə Quba Rayon Məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər. Sədrlik edən: Vüqar Seyidov