Quba Rayon Məhkəməsi Qərar — İş №3(027)-2337/2023

Azərbaycan Respublikası adından QƏRAR Quba şəhəri İş № 3(027)-2337/2023 21.11.2023 QUBA RAYON MƏHKƏMƏSİ Quba Rayon Məhkəməsinin hakimi Seyidov Vüqar Mircuma oğlu Fətəliyev Veysəl Surxay oğlunun katibliyi ilə, xx.xx.1988-ci il tarixdə Quba rayonunda anadan olmuş, Azərbaycan Respublikası vətəndaşı, subay, işləməyən, Quba rayonu, Timiryazev qəsəbəsində qeydiyyatda olan və yaşayan Şəxs barəsində Azərbaycan Respublikası İnzibati Xətalar Məcəlləsinin 232-1-ci maddəsilə icraatı başlanmış inzibati xəta haqqında işə açıq məhkəmə iclasında baxaraq məhkəmə müəyyənetdi: Şəxs xx.xx.2023-cü il tarixdə, saat 20:00 radələrində Quba Timiryazev qəsəbəsində vətəndaş Zərərçəkmiş şəxs məxsus 7 manat dəyərində qaz sayğacının qutusunu sındırmış və 40 manat dəyərində ədyalı yandıraraq yararsız hala salaraq maddi ziyan vurmuşdur. İş materiallarında olan Quba RPŞ-nin TB-nin təhqiqatçısı X2 cinayət işinin başlanılmasının rədd edilməsi haqqında 15 avqust 2023-cü il tarixli qərarından görünür ki, xx.xx.2023-cü il tarixdə, saat 20:00 radələrində Şəxs sərxoş vəziyyətdə bacısı Zərərçəkmiş şəxs yaşadığı evə gəlib səbəbsiz yerə onunla münaqişə edərək, onu söyüb təhqir edib qaz sayğacının kalçuk qutusunu vurub sındırdığını, ipin üstündə asılmış parça ədyalını alışqanla yandıraraq yararsız hala salmışdır. Lakin Şəxs Zərərçəkmiş şəxs evinin elektrik xətlərini kəsməsi və evi partladacağı ilə hədələməsi təsdiq olunmamışdır. Zərərçəkmiş şəxs yaşadığı evinin, 7 manat dəyərində qaz sayğacının qutusunu sındırmış və 40 manat dəyərində ədyalı yandıraraq yararsız hala salaraq maddi ziyan vurması öz təsdiqini tapmışdır. 47 manat məbləğində maddi ziyan Qüvvədə olan qanunvericiliyə görə həmin məbləğ özgənin əmlakını qəsdən məhv etmə və ya zədələməsi cinayətinin, yəni 186-cı maddəsinin tərkibini yaratmır. Ona görə də, Şəxs barəsində cinayət işinin başlanılması rədd edilməli edilmiş və onun barəsində Azərbaycan Respublikası İnzibati Xətalar Məcəlləsinin 232-1-ci maddəsilə inzibati tədbir görülməsi üçün qərarın surəti Quba RPŞ-nin İTB-nə göndərilmişdir. Həmin qərar əsasında Quba RPŞ-nin İTB-nin polis sahə rəisi X1 tərəfindən Şəxs barəsində Azərbaycan Respublikası İXM-nin 232-1-ci maddəsi ilə xx.xx.2023-cü il tarixli, 1839726-6910 №-li İnzibati xəta haqqında protokol tərtib edilmişdir. İşə baxılmasının yeri və vaxtı barədə barəsində inzibati xəta haqqında iş üzrə icraat aparılan Şəxs və Zərərçəkmiş şəxs vaxtında məlumat verilsə də, barəsində inzibati xəta haqqında iş üzrə icraat aparılan Şəxs və iş üzrə Zərərçəkmiş şəxs məhkəmə iclasına gəlməmiş və onlardan işə baxılmasını təxirə salmaq haqqında vəsatət daxil olmamışdır. Ona görə də Azərbaycan Respublikası İXM-nin 61.3-cü və 62.4-cü maddələrinə əsasən hazırki işə barəsində inzibati xəta haqqında iş üzrə icraat aparılan Şəxs və Zərərçəkmiş şəxs iştirakı olmadan baxılmasını mümkün hesab edirəm. Məhkəmə iş üzrə toplanmış sübutları araşdıraraq hesab edir ki, Şəxs Azərbaycan Respublikası İXM-nin 232-1-ci maddəsi ilə nəzərdə tutulmuş inzibati xətanın törədilməsində təqsirlidir, onun əməli düzgün olaraq Azərbaycan Respublikası İXM-nin 232-1-ci maddəsi ilə tövsif edilmişdir və ona həmin maddənin sanksiyasında nəzərdə tutulmuş inzibati tənbeh növü tətbiq edilməlidir. Belə ki, Azərbaycan Respublikası İXM-nin 232-1-ci maddəsinə əsasən özgənin əmlakını qəsdən məhv etməyə və ya zədələməyə görə, bu az miqdarda ziyan vurduqdainzibati xəta nəticəsində vurulmuş ziyanın bir mislindən iki mislinədək məbləğdə cərimə edilir. Məhkəmə inzibati tənbeh növü tətbiq edərkən inzibati xətanın xarakterini, Şəxs şəxsiyyətini xarakterizə edən halları, onun təqsirinin dərəcəsini, əmlak vəziyyətini, habelə məsuliyyətini yüngülləşdirən və ağırlaşdıran halları nəzərə alır. Məhkəmə tərəfindən Şəxs inzibati məsuliyyətini yüngülləşdirən və ağırlaşdıran hallar müəyyən edilməmişdir. Yuxarıda qeyd olunanlara əsasən məhkəmə hesab edir ki, Şəxs 47 manat ziyanın bir misli miqdarında inzibati qaydada cərimə edilməlidir. Göstərilənlərə əsasən və Azərbaycan Respublikası İXM-nin 112, 113, 114-115, 117, 125- 126, 128-130-cu maddələrini rəhbər tutaraq məhkəmə, qəraraaldı: Şəxs Azərbaycan Respublikası İnzibati Xətalar Məcəlləsinin 232-1-ci maddəsində nəzərdə tutulmuş inzibati xətanın törədilməsində təqsirli bilinib 47 manat ziyanın 1 (bir) misli miqdarında inzibati qaydada cərimə edilsin. Qərardan, onun surəti rəsmi qaydada verildiyi vaxtdan 10 gün müddətində həmin qərarı qəbul etmiş hakim vasitəsilə Sumqayıt Apellyasiya Məhkəməsinə şikayət və protest verilə bilər. Hakim : Vüqar Seyidov