Quba Rayon Məhkəməsi Qərardad — İş №3(027)-235/2024

Azərbaycan Respublikası adından QƏRARDAD Quba şəhəri İş № 3(027)-235/2024 01.03.2024 QUBA RAYON MƏHKƏMƏSİ Mən Quba rayon Məhkəməsinin hakimi Həsənov Rahim Təşəkkül oğlu, Azərbaycan Respublikası Daxili İşlər Nazirliyi Quba Rayon Polis Şöbəsi tərəfindən tərtib edilən İnzibati Xətalar Məcəlləsinin 327.2 və 333.1-ci maddələrinə əsasən tərtib edilmiş xx.xx.2024-cü il tarixli inzibati xəta haqqında protokoldan X2 tərəfindən verilmiş şikayətə baxaraq, məhkəmə MÜƏYYƏN ETDİ: X1 rayon Məhkəməsinə şikayət ərizəsi ilə müraciət edərək, Quba Rayon Polis Şöbəsinin barəsində olan 24 fevral 2024-cü il tarixli qərar statuslu protokolunun ləğv edilib barəsində olan inzibati işin icraatına xitam verilməsi barədə qərar qəbul edilməsini xahiş etmişdir. İnzibati xəta haqqında əlavə olunmuş materialları araşdırıb hesab edir ki, şikayət və ona əlavə olunmuş sənədlər geri qaytarılmalıdır. Belə ki, X2 şikayətində protokolun ləğv edilməsi tələbini mübahisələndirmişdir. Lakin, qanunvericilikdə protokoldan şikayət nəzərdə tutulmamışdır. X2 xx.xx.2024-cü il tarixli İXP ******* nömrəli protokol əsasında tərtib edilmiş inzibati tənbeh vermə haqqında qərardan şikayət verməli idi. Belə ki, Azərbaycan Respublikasının İnzibati Xətalar Məcəlləsinin 127-6.2-ci maddəsinə əsasən Yuxarı səlahiyyətli orqana (vəzifəli şəxsə) inzibati xəta haqqında iş üzrə qərardan şikayət verildikdə, yuxarı səlahiyyətli orqan (vəzifəli şəxs) araşdırma aparmaqla qərarın ləğv edilməsi üçün əsaslar müəyyən etdikdə, inzibati xəta haqqında iş üzrə elektron qərarı ləğv edir, belə əsaslar müəyyən olunmadıqda isə inzibati xəta haqqında iş üzrə elektron qərarın dəyişdirilmədən saxlanılması barədə qərar qəbul edilir. Məhkəmə belə hesab edir ki, Azərbaycan Respublikası Daxili İşlər Nazirliyi Quba Rayon Polis Şöbəsi tərəfindən tərtib edilən İnzibati Xətalar Məcəlləsinin 327.2 və 333.1-ci maddələrinə əsasən tərtib edilmiş xx.xx.2024-cü il tarixli inzibati xəta haqqında protokoldan X2 tərəfindən verilmiş şikayət və ona əlavə edilmiş sənədlər geri qaytarılmalıdır. Qeyd olunanları və Azərbaycan Respublikasının İnzibati Xətalar Məcəlləsinin 127-ci maddələrini rəhbər tutaraq, məhkəmə QƏRARA ALDİ: Azərbaycan Respublikası Daxili İşlər Nazirliyi Quba RPŞ tərəfindən tərtib edilən İnzibati Xətalar Məcəlləsinin 327.2 və 333.1-ci maddələrinə əsasən tərtib edilmiş xx.xx.2024-cü il tarixli inzibati xəta haqqında protokoldan X2 tərəfindən verilmiş şikayət və ona əlavə edilmiş sənədlər geri qaytarılsın. Qərardaddan şikayət verilə bilməz. Sədrlik edən Rahim Həsənov